|
وأخيراً..حلمي تحقق
السلام عليكم ورحمــــــــــــة الله وبركاته
باختصار..كنت عروسة صغيرة قلبي متعلق بأهلي ما قدرت اتكيف مع حياتي الجديدة ولا حتى معاه رجعت لبيت ابوي وكأني في كابوووس وصحيت منه..رفضت كل محاولااات الصلح والعودة لا لشيء سوى تعلقي بأهلي..بس ما رجعت بروحي..رجعت وداخل احشائي جنين ينبض حصلت على الطلاااق..بعد ما ولدت طفلي..وبعد قضايا وتعب والحين بعد طلاق دام بضع سنوات..تغيرت افكاري ومفاهيمي وبعدها تغيرت سلوكياتي طبعاً ولدي وحبيبي..كان له دور عظيم في التأثير علي وعلى شخصيتي على مر السنين خطبني رفيج اخوي..وهو رجل حسن الأخلاق والخلق..وافق على جميع شروطي..وأهمها ولدي معاي طليقي لما عرف بخطبتي..راح اليوم الثاني يطلبني من ابوي ابوي خيرني بين الاثنين..واخترت ابو ولدي..وشاء الله ان يجمع شملنا بعد بضع سنوات اتذكر مواقفي و ذكرياتي مع ابو ولدي..واستغرب انه مازال يبي يرجعني يمكن علشاااان ولده اكيييد..معقولة هو نسى كل اللي سويته مثل ما يقول..!! وحدة من الحريم قالت لي..(( الرجال يكذبون..بس ما يحقدون مثلنا )) يارب مافي قلبه حقد وجنون..يارب اجعله صادق مثل ما يقول ابي ابدا معاه من اول وجديد..ابي انسى كل للي صار... مابيه يسألني شنو السبب اللي خلاج تسوين جذي..لأني متفشلة حدي مادري شنو الجواب اللي اقدر اجاوبه فيه...ياااارب اجعل السكينة في قلبي..واكتب لنا الحياة السعيدة ولدي اكثر واحد مستانس من اللي قاعد يصير.. يقول لي ماما بتروحين معانا وماراح تستحين من ابوي ويسوي حركات بايخه.. يارب يا رحمــــــن يا سميع يا عليم أسألك يا ودود يا ودود ان تجعل حياتنا سعيدة وهانئة وجميلة اللهم ابعد عنا شياطين الجن والإنس , واحفظنا بما تحفظ به عبادك الصالحين اللهم واجعل لنا من كل خير نصيب..ولجميع المسلمين والمسلمات وصلى الله على نبينا محمد وعلى آله وصحبه وسلم حلم وتحقق...واخيرا تحقق حلمي ورجع لي بعد انتظار 3 سنوات..,,, |
الف مبروووك
والله يتمم فرحتك عاى خير ويهدي سركم ويصلح احوالكم وانسي الماضي وانتي بمعاملتك الطيبه لزوجك راح ينسى كل شي عوضيه عن السنين الي فاتت واعتبري هذا الدرس لك صح الوحده تحب بيت اهلها بس مافي زي بيتك ومملكتك اتمنى لك السعاده في الدنيا والاخرة |
الله يهنيكي ويسعدك وابتدي حياة جديدة وانسي اللي فات وحاولي ماتتذكريها والرجال اذا مايبغاكي وشاريكي مايجي ويطلبك وحتى لو عشان ولده انتي هالحين تغيرتي وفهمتي الدنيا عدل وبطريقتك تقدري تخليه يموت فيكي والله يسعدكم وتحياتي لكي
|
يا قلبي ياريمو...الله يبارك فيج حبيبتي
مشكووورهـ على الرد الحلو مثلج يا عسل الله يفرج همج وييسر لج امورج..ويجبر كسرج بما يشاء سبحانه تفداك عيني..جزاج الرحمــــن جنة عرضها السموات والأرض ماتتصورون شكثر فرحتي وتفائلي بهالردود الحلوهـ اللي شالت شوي من خوفي..,,, |
مــــــــا ششاء الله ..بجد احسسنتي الاختيار ... ع البركه ياقلبي مقدما ..<==تقرأه كلامها ووهي مبتسسممه ..ههههه فعلا طليقكـ حس بأأحساس ان شلون ولدهـ يعيش مع رجال غريب ..شكله فكر باولد قبل احسساسه ومششاعره فيك .. أأو يمكن فكر ششلون زوجتي الي عشت معاها تعيش مع رجال غيري .. بس انتي أأهمـ شي انه قرر اانه يلم الششمل بعد هالسسنين كلها .. وع فكرهـ ..مافيها شي اذا تناقششتو عن لي راح....بس المششكله اذا كل منكمـ رجع ع طبعه الي رآآح .. الله يسسخرهـ لكـ ويسسخركـ له ..والله يجعل حيياتكمـ بوجود طفلكمـ .. سعادهـ بسسعادهـ .. |
(( الرجال يكذبون..بس ما يحقدون مثلنا ))
فعلا كلام من ذهب لذلك اي رجل يحقد فليس برجل الحقد دليل ضعف ,,, الف مبروك اختي رجوعك ,,, وبالعكس من رايي انك توضحين له السبب وانك كنت صغيره ومن هالكلام وهو راح ينبهر بالتغير اللي حصل فيك ... |
ان شاء الله الف مبروك الله يوفقك قولي امين
|
تسلمي ياقلبي عاى الدعوه
والله يجعلو زوج الدنيا والاخره اميييين |
كلي امل..مشكوووورهـ على الرد
بالنسبة للماضي..مابي اتناقش فيه ابدا..(( مقفله )):29: اشكرج يا قلبي على الدعوهـ..وأسأل الله ان يعوضج بالرجل الصالح ويرزقج من فضله اخوي ليش كذا الله يبارك فيك..وجزاك الله خير ونصيحتك ع البال..والله يقدرني على اسعاده ويقدره على النسيان..,,, |
ماشاء الله تبارك الله ثاني أجمل خبر جاني اليوم
الله يتمم لك على خير بارك الله لكما وبارك عليكما وجمع بينكما على خير |
| الساعة الآن 09:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©