وأخيراً..حلمي تحقق - منتدى عالم الأسرة والمجتمع

12-09-2011, 03:28 PM

حلم وتحقق....

عضو مميز

تاريخ التسجيل: Jun 2010

المشاركات: 946

وأخيراً..حلمي تحقق

السلام عليكم ورحمــــــــــــة الله وبركاته

باختصار..كنت عروسة صغيرة قلبي متعلق بأهلي ما قدرت اتكيف مع حياتي الجديدة ولا حتى معاه
رجعت لبيت ابوي وكأني في كابوووس وصحيت منه..رفضت كل محاولااات الصلح والعودة
لا لشيء سوى تعلقي بأهلي..بس ما رجعت بروحي..رجعت وداخل احشائي جنين ينبض

حصلت على الطلاااق..بعد ما ولدت طفلي..وبعد قضايا وتعب
والحين بعد طلاق دام بضع سنوات..تغيرت افكاري ومفاهيمي وبعدها تغيرت سلوكياتي
طبعاً ولدي وحبيبي..كان له دور عظيم في التأثير علي وعلى شخصيتي على مر السنين

خطبني رفيج اخوي..وهو رجل حسن الأخلاق والخلق..وافق على جميع شروطي..وأهمها ولدي معاي
طليقي لما عرف بخطبتي..راح اليوم الثاني يطلبني من ابوي
ابوي خيرني بين الاثنين..واخترت ابو ولدي..وشاء الله ان يجمع شملنا بعد بضع سنوات

اتذكر مواقفي و ذكرياتي مع ابو ولدي..واستغرب انه مازال يبي يرجعني
يمكن علشاااان ولده اكيييد..معقولة هو نسى كل اللي سويته مثل ما يقول..!!
وحدة من الحريم قالت لي..(( الرجال يكذبون..بس ما يحقدون مثلنا ))
يارب مافي قلبه حقد وجنون..يارب اجعله صادق مثل ما يقول

ابي ابدا معاه من اول وجديد..ابي انسى كل للي صار...
مابيه يسألني شنو السبب اللي خلاج تسوين جذي..لأني متفشلة حدي
مادري شنو الجواب اللي اقدر اجاوبه فيه...ياااارب اجعل السكينة في قلبي..واكتب لنا الحياة السعيدة

ولدي اكثر واحد مستانس من اللي قاعد يصير..
يقول لي ماما بتروحين معانا وماراح تستحين من ابوي ويسوي حركات بايخه..

يارب يا رحمــــــن يا سميع يا عليم أسألك يا ودود يا ودود ان تجعل حياتنا سعيدة وهانئة وجميلة
اللهم ابعد عنا شياطين الجن والإنس , واحفظنا بما تحفظ به عبادك الصالحين
اللهم واجعل لنا من كل خير نصيب..ولجميع المسلمين والمسلمات وصلى الله على نبينا محمد وعلى آله وصحبه وسلم

حلم وتحقق...واخيرا تحقق حلمي ورجع لي بعد انتظار 3 سنوات..,,,

__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين

12-09-2011, 03:35 PM

"انفااااس الورد"

عضو مثالي

تاريخ التسجيل: Jun 2011

المشاركات: 1,019

الف مبروووك
والله يتمم فرحتك عاى خير ويهدي سركم ويصلح احوالكم وانسي الماضي
وانتي بمعاملتك الطيبه لزوجك راح ينسى كل شي عوضيه عن السنين الي فاتت واعتبري هذا الدرس لك صح الوحده تحب بيت اهلها بس مافي زي بيتك ومملكتك
اتمنى لك السعاده في الدنيا والاخرة

__________________
ريم نواف سابقا

12-09-2011, 03:37 PM

تفداك عيني

عضو نشيط

تاريخ التسجيل: Aug 2011

المشاركات: 134

الله يهنيكي ويسعدك وابتدي حياة جديدة وانسي اللي فات وحاولي ماتتذكريها والرجال اذا مايبغاكي وشاريكي مايجي ويطلبك وحتى لو عشان ولده انتي هالحين تغيرتي وفهمتي الدنيا عدل وبطريقتك تقدري تخليه يموت فيكي والله يسعدكم وتحياتي لكي

12-09-2011, 03:40 PM

حلم وتحقق....

عضو مميز

تاريخ التسجيل: Jun 2010

المشاركات: 946

يا قلبي ياريمو...الله يبارك فيج حبيبتي
مشكووورهـ على الرد الحلو مثلج يا عسل

الله يفرج همج وييسر لج امورج..ويجبر كسرج بما يشاء سبحانه

تفداك عيني..جزاج الرحمــــن جنة عرضها السموات والأرض
ماتتصورون شكثر فرحتي وتفائلي بهالردود الحلوهـ اللي شالت شوي من خوفي..,,,

التعديل الأخير تم بواسطة حلم وتحقق.... ; 12-09-2011 الساعة 03:43 PM

12-09-2011, 03:41 PM

كلي أمل..!

عضو نشيط

تاريخ التسجيل: Sep 2011

المشاركات: 120

مــــــــا ششاء الله ..بجد احسسنتي الاختيار ...
ع البركه ياقلبي مقدما ..<==تقرأه كلامها ووهي مبتسسممه ..ههههه
فعلا طليقكـ حس بأأحساس ان شلون ولدهـ يعيش مع رجال غريب ..شكله فكر باولد قبل احسساسه ومششاعره فيك ..
أأو يمكن فكر ششلون زوجتي الي عشت معاها تعيش مع رجال غيري ..
بس انتي أأهمـ شي انه قرر اانه يلم الششمل بعد هالسسنين كلها ..
وع فكرهـ ..مافيها شي اذا تناقششتو عن لي راح....بس المششكله اذا كل منكمـ رجع ع طبعه الي رآآح ..
الله يسسخرهـ لكـ ويسسخركـ له ..والله يجعل حيياتكمـ بوجود طفلكمـ .. سعادهـ بسسعادهـ ..

12-09-2011, 03:41 PM

ليش كذا

عضو نشيط جدا

تاريخ التسجيل: Jun 2011

المشاركات: 696

(( الرجال يكذبون..بس ما يحقدون مثلنا ))

فعلا كلام من ذهب لذلك اي رجل يحقد فليس برجل الحقد دليل ضعف ,,,

الف مبروك اختي رجوعك ,,,

وبالعكس من رايي انك توضحين له السبب وانك كنت صغيره ومن هالكلام
وهو راح ينبهر بالتغير اللي حصل فيك ...

__________________
انــــــــــــــ رجــــــــــــــــــــــل ــــــــــــــــــــا احتــــــــــــــــ المـــــــــراه ـــــــــــــــــــــرم

12-09-2011, 03:48 PM

اسهرني الجرح

عضو دائم

تاريخ التسجيل: Jun 2011

المشاركات: 69

ان شاء الله الف مبروك الله يوفقك قولي امين

12-09-2011, 03:51 PM

"انفااااس الورد"

عضو مثالي

تاريخ التسجيل: Jun 2011

المشاركات: 1,019

تسلمي ياقلبي عاى الدعوه
والله يجعلو زوج الدنيا والاخره اميييين

__________________
ريم نواف سابقا

12-09-2011, 03:54 PM

حلم وتحقق....

عضو مميز

تاريخ التسجيل: Jun 2010

المشاركات: 946

كلي امل..مشكوووورهـ على الرد
بالنسبة للماضي..مابي اتناقش فيه ابدا..(( مقفله ))

اشكرج يا قلبي على الدعوهـ..وأسأل الله ان يعوضج بالرجل الصالح ويرزقج من فضله

اخوي ليش كذا
الله يبارك فيك..وجزاك الله خير
ونصيحتك ع البال..والله يقدرني على اسعاده ويقدره على النسيان..,,,

12-09-2011, 03:54 PM

#10

gawlp

كبار شخصيات المنتدى

تاريخ التسجيل: Aug 2007

المشاركات: 3,942

ماشاء الله تبارك الله ثاني أجمل خبر جاني اليوم
الله يتمم لك على خير
بارك الله لكما وبارك عليكما وجمع بينكما على خير

__________________

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه