|
خاصمت ولدي الكبير بسبب الفوضى وزعل زوجي
مالي في المقدمات وراح ادخل على طول في الموضوع
اليوم قررنا نعمل باربكيو في سطح البيت طلعت انا واولادي واولاد عمهم واولاد عمتهم وولد جيراننا ملاحظه ( المذكورين اعلاه اقدر اقول انه عندهم اقامة دائمه في بيتي ) كل لعبهم في بيتي مع اولادي وكل الفوضى والاوساخ الي تسير بعد لعبهم على راسي وانا وحده مررره نظاميه وما احب شي يتوسخ ولا يخرب في بيتي نرجع للموضوع الاول ولدي الكبير قال لما يخلص الشوي ارسلولي تحت انا بنزل العب بلاي ستيشن عمره 8 سنين حاولت امنعه وزعل وقلتله انزل بس من غير فوضى طبعا هو قاعد يلعب والاولاد الباقين عين في الشحمه وعين في اللحمه يعني مررره فوق معانا في السطح ومرة تحت عند ولدي والنتيجة اني نزلت لقيت البيت في حاله يرثى لها كل شي تراااب ومن اثار الشوي غير انهم نزلوا اكل تحت يعني شي لا يطاق وانا كل ما نزل واحد فيهم قلت لا تعمل واغسل رجلك ولا تمشي على الفرشات وووو وما كاني اتكلم اش صار نتيجة لهذا خاصمت ولدي الكبير قلتله كله بسببك هذا الي صار لو جلست معانا غيرت جو في السطح وغيرت من جلست البلاي ستيشن ما صار الي صار زوجي زعل ليش اخاصمه قلتله انا المفروض انزل انظف المطبخ بس من بعد الشوي وناخذ دش انا واولادي ويا انام يا نكمل سهرتنا ومو انزل انظف ومو اي تنظيف حتى الفرشات والله غسلتها ولحف اولادي معدومة بس نفظتها على خفيف وبكره راح اغسلها ومو يحقلي ازعل |
برايي انك نظامية لكنك لست حازمه كفايه..
المفترض ان يسمع ابنك لاوامرك او ان تضعي شروط جاده وحصل خير صغريها وتصغر والعبرة انك تعلمتي جديد |
أختي الفاضله ..
من عنوان موضوعك دخلت على عجل بظني أن مصيبة أو كارثه حلت وعندما قرأت موضوعك , وجدت أنه لا يستحق عناء الكتابة والمشورة أصلاً . أعلم أن كلامي سيضايقك , ولكن أرجو الله أن تتقبلي الرأي الآخر . ما حصل من الأطفال أمر طبيعي جداً , ويعملون أكثر من ذلك لو فُقد الحزم بالتعامل معهم كان عليك أن تكوني حازمة في قرارك , ومنع ولدك من النزول للبيت إلا بعد انتهاء الشوي وبما أنك سمحتي له بالنزول , إذن توقعي ما يحصل منهم في ظل انشغالك فوق السطح . في المرة القادمه .. عندما يخالف ابنك تعليماتك عاقبيه بجنس العمل ( الجزاء من جنس العمل ) وليس بمخاصمته مثلاً .. في مثل ما حصل الليلة آمري ولدك بتنظيف مكان لعبه أو على الأقل أن يساعدك بالتنظيف , ليشعر بقيمة طاعة الأوامر مستقبلاً . |
اقتباس:
انا كتبت عاجل لاني جدا متضايقه من الي سار ومن موقف زوجي انه عاتبني وانا حاسه انه يحق ليه اتضايق ولاني زعلانه انه نكدت على ولدي بس كنت ابغى رد عاجلل يقولي معايه الحق ولا لا وردك متوقع لانك رجل وما تحس بالتعب الي تقوم فيه المراه عندك زوجي نزل من السطح وجلس على اللاب توب مو زي المراه وراها الف شغله وشغله تعملها عمره الرجال ما راح يحس الا لما يجرب وطبعا مستحيل راح يجرب دور زوجته لذلك بنعيش مظلومين منكم يالرجال |
اقتباس:
|
يا أختي هونيها و تهوووون
كلنا نمر بهالعواصف التخريبية و بدل ما نقضيها راحة نرتب فوق الترتيب العادي عزيزتي عندي اقتراح لك , مدام أن مجموعة الأطفال مداومين عندك , اجعليهم يرتبون معك ما خربوه قبل أن يغادروا لمنازلهم بأسلوب لبق و مشجع , و وولدك أختي لك الحق تأدبيه بالكلام إذا أخطأ التصرف و توعيه مافيها شيء أن شاء الله زعل زوجك مو كايد و سحابة تمر و تروح هونيها و تهووون |
عزيزيتي المسداني
موضوع الاطفال هذا احتاج فيه صفحات عشان اشتكي واتكلم يعني ازعاج في كل وقت حتى وقت القيلوله لزوجي ولما اصرف كل واحد لبيته يا اهله يزعلون يا هو الطفل ثواني ويرجع يدق الباب ابوكم صحي ولا لسى وهذا غيض من فيض |
ابدا معاك حق ونصف. .الله يعينك ويكتب أجرك بس
بالفعل كان لازم من الحزم يعني انت قلت ما ينزل خلاص ما ينزل او سمحت له هو فقط والباقي يبقوا تحت نظرك المهم صار اللي صار. . بالنسبة للشلة اللي مداومة معاك قفلي بابك على طوول ولما يدا يبغوا عيالك جهزي عيالك وارسليهم عن اهلهم وبس بيتك لا تفتحيه مره ثانية. . |
اقتباس:
الله يسعدك يااارب لاني دائما اكون ملامه من زوجي وان هذا حال الاطفال ووو بس كل شي يسير بترتيب ونظام مو فوضى وبالنسبه للاطفال والله تعبت واستخدمت كل الطرق اقفل الباب وما ارد على احد يقعد التخبيط باليد والجرس شغال لحد اقولهم خلاص انزلوا يعني ما ينفع معاهم التجميد لانهم متاكدين ان فيه احد في البيت واذا دخلوا تبدا المضاربات وتبدا الفوضى اصلا والله ريحة غرفه اولادي تتغير لما يجتمعون الحمدلله الذي عافانا ما ابغى اتكلم مرة كنت خارجه المستشفى واخذت اولادي معايه بروح مشوار بعده المستشفى وكان عندنا واحد منهم وقلتله روح بيتكم احنا خارجين وانا صادقه في كلامي اتصلت وحده من اهله ما عندها شي تقوله بس بتشوفني انا في البيت ولا خرجت لان بيتي البارك حق اولادهم :( |
اقتباس:
إستوقفت هنــآ إختي العزيزهـ .. هوني مصيبتك أولاً إجلسي مع زوجك وأخبريه بمدى تعبك ومدى تحملك وجود الآطفال وأخبريه أن هذا إبنك ويجوز لك عتآبة ومخاصمته في حآل خطأهـ أعــآنك الله ووفقك بالنسبة لوساعة الوجه (متأسفه) .. صراحتاً يكفيك تحمل إبنك فكيف بأبناء الغير صرفيهم زي مآتعملي كل مره وإللي بيزعل بكيفة إنتي المفروض تزعلي مو هم بعدين جربي إنتي ترسلي ولدك لبيوتهم وشوفي كيف بيسونها مصيبه أو لآتردو ع الجرس .. وفقك الله وأهآنها عليك |
| الساعة الآن 08:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©