مالي في المقدمات وراح ادخل على طول في الموضوع

اليوم قررنا نعمل باربكيو في سطح البيت

طلعت انا واولادي واولاد عمهم واولاد عمتهم وولد جيراننا

ملاحظه ( المذكورين اعلاه اقدر اقول انه عندهم اقامة دائمه في بيتي )

كل لعبهم في بيتي مع اولادي وكل الفوضى والاوساخ الي تسير بعد لعبهم على راسي

وانا وحده مررره نظاميه وما احب شي يتوسخ ولا يخرب في بيتي

نرجع للموضوع الاول

ولدي الكبير قال لما يخلص الشوي ارسلولي تحت انا بنزل العب بلاي ستيشن عمره 8 سنين

حاولت امنعه وزعل وقلتله انزل بس من غير فوضى طبعا هو قاعد يلعب والاولاد الباقين عين في الشحمه وعين في اللحمه

يعني مررره فوق معانا في السطح ومرة تحت عند ولدي

والنتيجة اني نزلت لقيت البيت في حاله يرثى لها

كل شي تراااب ومن اثار الشوي غير انهم نزلوا اكل تحت يعني شي لا يطاق

وانا كل ما نزل واحد فيهم قلت لا تعمل واغسل رجلك ولا تمشي على الفرشات وووو

وما كاني اتكلم

اش صار نتيجة لهذا خاصمت ولدي الكبير قلتله كله بسببك هذا الي صار

لو جلست معانا غيرت جو في السطح وغيرت من جلست البلاي ستيشن ما صار الي صار

زوجي زعل ليش اخاصمه

قلتله انا المفروض انزل انظف المطبخ بس من بعد الشوي

وناخذ دش انا واولادي ويا انام يا نكمل سهرتنا ومو انزل انظف ومو اي تنظيف حتى الفرشات والله غسلتها

ولحف اولادي معدومة بس نفظتها على خفيف وبكره راح اغسلها

ومو يحقلي ازعل