|
احد الاعضاء بعد عدة رسائل خاصة اكتشف انه .....
ياعالم كل مااتذكر هالموقف اقول سبحان الله لحد الان مو مصدقه شي غريب اقسم بالله العلي العظيم هالموقف حصل لي شخصيا ........ حياتي غريبة ومواقفي كلها غريبة مثلي ............
سجلت في منتدى نسائي ولكن لايخلو من الاعضاء اخوانا الرجال وفيه احد الاعضاء كاتب مشكلة منها رديت عليه بأسلوب راقي ومحترم وتعاطفت معه جدا وبعد كم يوم حصلت له رسالة على الخاص يتحدث عن مشكلة اخرى ربما ارتاح لاسلوبي في الرد لا ادري ......... رديت على رسالته بأسلوب محترم ......... والحمدلله زوجي مطلع على جهازي وماعندي شي اخبيه وارسل رساله اخرى شكر وانتهى الموضوع .... وبعد فترة ارسل رسالة اخرى عادية ة ( لاتقولون ليش سمحتي له يررسل وليش مااغلتي خاصية الرسائل الخاصة .. ) ببساطة ماعطيت الموضوع اهمية ابد عندي يعني تهاونت الموضوع ورسالة وراها رسالة وانا ارد عليه ردود محترمة فقط اخر رسالة اكتشفت انه اخوي اقسم بالله كالصاعقة لانه اخر مرة تكلم شي عرفت انه اخي انذهلت صدمت ذهبت لزوجي اخبره بالموضوع .... معقولة اخوي يعاني كل هذا ومادريت ........ غيرر كذا هو شديد ومن المعارضين جدا البنت تسجل وترد المنتديات عكس زوجي تماما الحمدلله متفتح وواعي ويعرف اين يضع ثقته ........... المهم اصريت ااني اكشف شخصيتي قدام اخوي وزوجي رفض واقنعته قلت له خلك بعيد انت اتصلت عليه وسلمت وعلاقتي فيه اصلا سطحية ورسميه قلت له انت فلان ( لقبه بالمنتدى ) وقال هاه قلت انت فلان قال كيف عرفتي قلت لانني انا فلانه ( لقبي بالمنتدى ) ضحك ضحكة هستيرية وانهينا المكالمة هل تصرفي صحيح اني اخبرته انا مادري ليش وقتها ابغاه يعرف منهي اخته مافكرت في مشاعره وفي بوحه لي وفي موقفه كنت انانيه ابغاه يعرف اني محترمة وبنت رجال رغم اني على الخاص لكن ردودي محترمة جداجدا واغلبها ايات واحاديث شريفة لانه قبل الزواج كان حارمني من النت .... كنت ابغاه يغير نظرته عن النت وفتاة النت ............ جت الاجازة ورحنا لبيت اهلي طبعا انا في منطقة بعيده عنهم تواجهنا وساكت هو مافتح فمه بكلمه معي ويتهرب من الجلوس معنا في المنزل رغم ان ماقاله مشاكل عاديه مافيها ذيك الاحراج ..... صحيح اسلوبه ماكان اسلوب اخوي ابدا ومشكله فيها خصوصيه شوي بس مو محرجة ابدا هل غلطت اني صارحته وهالحين كيف اتصرف معاه اذا واجهته بهالاجازة شايله هم يكون مثل الاجازة السابقة يتهرب مني بشكل مو طبيعي وكسر خاطري اني صارحته لاتوبخونني على صراحتي ادري غلطت لكن وش الحل بنظركم |
*أقترح عليك محاولة الحديث معه بانفراد، والقول له بلمحة سريعة مع ابتسامة لطيفة: سرك في بئر عميق، وأمانة في عنقي، وأنا أختك، وصدري لك متسع، وسأشير عليك بما فيه خير لك إن شاء الله.
*إن استمر على تهربه فأرسلي هذا القول في رسالة إلى جواله.. واختميها بدعوة له. |
تكلمي وياه لحالكم
من دون ماتحطي عينك بعينه مثلا لما تشوفينه مشغول بشي اجلسي واحكي معه وانتي اشغلي نفسك باي شي جوال او اللاب كانه الموضوع بسييط بالنسبة لك وقولي انك ماراح تقولي لاحد ولا حتى زوجك هم الرجال كذا ما يحبون احد يعرف عنهم اي شي حتى لو الموضوع تــافه |
أختي الكريمة :
ماشاء الله عليك بحفظك لدينك وزوجك في غيبته ولنفسك فجعل الله ذلك خيرا لك ولزوجك وأخيك الآن أنت وأخيك متزوجان وكبيران وعاقلان ومدركان وبقي بينكما حاجز بسيط وأظن أن أفضل شيء لإزالة هذا الحاجز هو المزح والضحك أي خلط الجد بالمزح مثل تقولين وأنت تضحكين معه لوحدكما شفت كيف سحبتك كم تدفع واسكت ثم مع ضحكه تقولين شفت كيف أنا مع النت هاه عساك الحين غيرت رايك النتيجة : سيشاركك الضحك ثم يزول الحاجز.بإذن الله. |
تحولو الى اصدقاء
ارسلي له بالمنتدى رساله على الخاص تغزلي فيه هههه يا قلبي امس جا اخي بسم الله عليه والله ما في اجمل من الاخوه والمزح والضحك تركنا الجميع ودخلنا غرفه ثانيه نكلم الاهل على النت كانت جمعه لطيفه كلها مزح و غزل وضحك نسيت فيها نفسي لا تحرمو انفسكم من متعة الاخوه والله وقت يدخل اخي بيتي الهوا غير او اسمع صوتو ننسى انفسنا مثل ما قال المستشار امزحي واتدلعي واطلبي منه انو يكتب لك عن مشاكله عن طريق المنتدى من اروع المواضيع هذا المووضوع ليس هناك اجمل من ان تتعرفي على اخوتك ههههههههههه مره كتبت في الفايس بوك وكل الاهل واخي طبعا موجود علق وقال لي : اللي يقرا يضحك وما يقول انو انتي اللي انا اعرفها الهم من فوقها لتحت اسلوبك جميل يعجبني هههههههههههه وهل هناك اجمل من الاخوه ؟؟؟؟؟؟؟؟؟؟؟ لا اعتقد |
احساسك انك تصرفتي غلط .. احساس صحيح ..
ماكان وقته انك تثبتين ذلك خصوصا انك متزوجه وزوجك متفهم ولك حياتك المستقله .. وهالشئ زاده حرج .. عموما كلام اخي البليغ لاغباار عليه فاجزاه الله خير .. |
سبحان الله ,’~
من رأيي تجلسي معاه جلسه اخووية . وتفهميه انك انخته وعلى عينك وراسك وانه سرو في بير وماسار شي . قوليلو يحكيكي اي مشكله بدو مساعده منك . وانك داائماً بتكووني بالقرب منه . دمتي بوود =) |
يا اختى الموضوع يتوقف على طبيعة المشكلة التى تحدث فيها معك يعنى لو وضحت لنا شىء عن طبيعة هذه المشكلة يمكن ان نحكم بوضح اكثر |
الدنيا صغيرة فعلاً
ولكن هل أخرجتي شيئاً من مشاكله عند زوجك؟؟ لربما يريد أن لا يتحدث في الأمر خوفاً من أن يكون زوجك على علم بمشاكله وخصوصياته.. وخجله غريب!!! وكأنه فعل فعلة شنيعة ويريد أن تُنسى أو كما قال أبو مريم لربما كان السبب لطبيعة المشكلة والله يخليكم لبعض.. |
أحيانًا نحتاج نفضفض للأغراب أكثر .. و نستشريهم ونسمع منهم أكثر .. لو مكانك كان ضليت مثل ما أنا .. انت أثبتِ له شرفك و رقيك وووو لكن احرجتيه مع نفسه .. |
| الساعة الآن 05:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©