احد الاعضاء بعد عدة رسائل خاصة اكتشف انه .....
ياعالم كل مااتذكر هالموقف اقول سبحان الله لحد الان مو مصدقه شي غريب اقسم بالله العلي العظيم هالموقف حصل لي شخصيا ........ حياتي غريبة ومواقفي كلها غريبة مثلي ............
سجلت في منتدى نسائي ولكن لايخلو من الاعضاء اخوانا الرجال
وفيه احد الاعضاء كاتب مشكلة منها رديت عليه بأسلوب راقي ومحترم وتعاطفت معه جدا
وبعد كم يوم حصلت له رسالة على الخاص يتحدث عن مشكلة اخرى ربما ارتاح لاسلوبي في الرد لا ادري .........
رديت على رسالته بأسلوب محترم ......... والحمدلله زوجي مطلع على جهازي وماعندي شي اخبيه
وارسل رساله اخرى شكر وانتهى الموضوع ....
وبعد فترة ارسل رسالة اخرى عادية ة ( لاتقولون ليش سمحتي له يررسل وليش مااغلتي خاصية الرسائل الخاصة .. ) ببساطة ماعطيت الموضوع اهمية ابد عندي
يعني تهاونت الموضوع ورسالة وراها رسالة وانا ارد عليه ردود محترمة فقط
اخر رسالة اكتشفت انه اخوي اقسم بالله كالصاعقة لانه اخر مرة تكلم شي عرفت انه اخي
انذهلت صدمت ذهبت لزوجي اخبره بالموضوع ....
معقولة اخوي يعاني كل هذا ومادريت ........
غيرر كذا هو شديد ومن المعارضين جدا البنت تسجل وترد المنتديات عكس زوجي تماما الحمدلله متفتح وواعي ويعرف اين يضع ثقته ...........
المهم اصريت ااني اكشف شخصيتي قدام اخوي وزوجي رفض واقنعته قلت له خلك بعيد انت
اتصلت عليه وسلمت وعلاقتي فيه اصلا سطحية ورسميه قلت له انت فلان ( لقبه بالمنتدى ) وقال هاه
قلت انت فلان قال كيف عرفتي قلت لانني انا فلانه ( لقبي بالمنتدى )
ضحك ضحكة هستيرية وانهينا المكالمة
هل تصرفي صحيح اني اخبرته
انا مادري ليش وقتها ابغاه يعرف منهي اخته مافكرت في مشاعره وفي بوحه لي وفي موقفه كنت انانيه
ابغاه يعرف اني محترمة وبنت رجال رغم اني على الخاص لكن ردودي محترمة جداجدا واغلبها ايات واحاديث شريفة لانه قبل الزواج كان حارمني من النت ....
كنت ابغاه يغير نظرته عن النت وفتاة النت ............
جت الاجازة ورحنا لبيت اهلي طبعا انا في منطقة بعيده عنهم تواجهنا وساكت هو مافتح فمه بكلمه معي ويتهرب من الجلوس معنا في المنزل
رغم ان ماقاله مشاكل عاديه مافيها ذيك الاحراج ..... صحيح اسلوبه ماكان اسلوب اخوي ابدا ومشكله فيها خصوصيه شوي بس مو محرجة ابدا
هل غلطت اني صارحته وهالحين كيف اتصرف معاه اذا واجهته بهالاجازة شايله هم يكون مثل الاجازة السابقة يتهرب مني بشكل مو طبيعي وكسر خاطري اني صارحته لاتوبخونني على صراحتي
ادري غلطت لكن وش الحل بنظركم
11-01-2012, 08:09 PM
ضوابط المشاركة
العرض الشجري