|
عثره !
بسم الله الرحمن الرحيم
السلام عليكم ورحمة الله وبركاته مشكلتي مع زوجي .. عمري في اول العشرينات وزوجي ع الثلاثين , تزوجت صغيره مع ذالك كنت اهلاّ لها والفضل لله , الحمدالله حياتنا اساسها الاحترام قبل الحب ولا عمره احد رفع صوته ع الثاني او غلط ع الثاني بكلمه نمر ببعض المشاكل ونتخطاها بسلاسه الحمدالله , لكن الاسبوع اللي راح صار بيننا مالم يكن بالحسبان : ( كانت العلاقه شوي متوتره لكن كل واحد مايكلم الثاني والوضع هاادي رجعت من الجامعه وكان زوجي يومها مسافر وانا رجعت تعبانه ومواصله ومن الطبيعي ان مالي نفس لا اتكلم كثير ولا اسولف وهو فسرها بإني زعلانه وقلب خلقته ! وقبل لايروح قاللي اجهزي عشان اوصلك بيت اهللك قلتله خلاص انا بنام وبخلي اخوي يجيني بالليل رفض وجلس يرفع صوته وانت بس بتعانديني وانت قالبه وجهك من الصبح وانت وانت قلتله انا مضغوطه اختبارات ومسؤولية الولد 90% على راسي وانت تطلع العصر ماترجع الا الفجر وماتبغاني انضغط ! قام جلس يصيح علي ويقول انا ارجع وقت ماابغى ومحد له دخل , يوم شفته كذا قلت طيب اللحين اجهز ورحت المطبخ بلم الزباله "وانتم بكرامه" عشان لاتطلع ريحتها لا غبنا عن البيت , قام لحقني وقال انت ماتفهمين انت تعاندين انا مستعجل وقعد يرفع صوته ويصارخ , قمت مشيت وكان قدامي قمت دفيت يده بس عشان امر وكنت ابكي ’ لحقني للغرفه ويوم جيت اطلع مسكني من كتفي ودفني ع الارض !! انا هنا انهرررت !! كيف يمد يده علي !! جلست اصيح عليه ولميت قشّي كله وقلت يالله على بيت اهلي ورميت عليه ايفونه " كان مهديني اياه " قلتله ماابغى ايفوننك , ولا ابغااك ومن يومها ولا كلف نفسه يدق ولاحتى يسأل عن ولده ! وانا طبعا مادقيت عليه ولا برد عليه لو دق محتاره هل تصرفي صح ؟ مين الغلطان ؟ وش اسوي بالخطوه الجايه ؟ مع اني احس انه طاح من عيني وكرهته فعلا ! مع ان زوجي رجل ونعم الرجل لكن مدري وش طرى عليه ! شوروا علي .. والله يعطيكم العافيه |
أحياناً أختي يمر الرجل بضغوط نفسية ويكون حساس للغاية، حاولي أن تراعي هذا الجانب، واتمنى أن تتحاورا وتتناقشا كثيراً بعيداً عن المشاحنات خصوصاً وأنتم ماشاء الله مستقرين بشكل كبير، حفظكم الله ووفقكم وجعل الحب غيمة دائمة تضللكم.
|
الله يكون بعونك
|
أختي العزيزة...المشاكل هذه عادية بين الازواج يعني كل واحد و نفسيته ممكن هو كان عليه ضغوط ممكن انتي...المهم لا تكبروا القصة و ارجعي لبيتك....و التعصب عااااادي يعني مادام زوجك يحبك و نعم الرجل مثل ما حكيتي تغاظي عن تصرفه معك و اصبري و تذكري دوما أن هناك نساااء تعاني الأمر يعني الزوج يشرب و العلاقات و يرجع للبيت يبرحها ضربا عنيفا....أتصور أنك لازم تكبري قلبك عشان ابنك و تتصلي انتي به و تقولين له....اشتقت أنا و ابننا لك..ممكن هو يستنى منك مجرد مسج و تجدينه يعووود مسرعا لمراجعتك.....عادي حبيبتي لا عزة نفس مع الزوج...خاصة اذا كان زوجك يتأثر بالكلام الحلو...أنا كان زوجي لا ياثر فيه شيء حتى لو أروح له...و انتهت علاقتي بالطلاق للأسف...تجنبي أن تكبر القصة و لملميها ....الله يوفقك ادعيلي أصبر...
|
انتي بنفسك قلتي انه رجل .. و ( نعم الرجال )
وهذا اللي صار بسيط بس لانه اول مرة يمر في حياتكم الزوجية شي زي كذا ف اعتبرتيها شي كبير لا لا يوخيتي الحياة فيها اكبر من كذا و هاذي عثرة بسيطة .. تعوذي من إبليس و استهدي بالرحمن لا يركبك إبليس و يوصلك للكره و تصيرين ماعاد تتقبلينه ارجعي حبيه .. و تذكري ايامكم الحلوة عاتبيه ب ( لطف ) المحبين و شوفي اذا ما استحى ع دمه و اعتذر الله يهدي سركم يا رب و يوفقكم و يهنيكم |
زوجج حاز بخاطره ان ما عطيتيه وجه وتلقينه هو بعد نفسيته تعبانة ومو طايق روحه
وانتي الله يهديج مؤ وقته تشيلين الزبالة جان على طول رحتي لبستي في بعض التصرفات تصدر من الحريم بنية حسنة ولكن ما تكون في وقتها او الزوج يفسرها بشكل خاطئ عموما الله يهدي بالكم وانتي ارسلي له رسالة عن ولده يعني يبي حفاضات او محتاج حليب اي شي تكسرين فيه الحاجز وانا اتوقع ان راح يفهمها ويتصل وتنحل مشاكلكم |
ممممم
شوفي الصراحه اللي صار بينكم عادي جدا (بس مين يتنازل ويكلم الثاني) اولا تقولين مضغوطه وماقدر هالشيء فأتوقع انه حتى هو مضغوط ثانيا وراه سفر ويبغى منك ريق حلو على الاقل لمدة 15 دقيقه ثالثا انتي بديتي دفيتي يده ( ماهو عذر انك تبغين تمرين خصوصا انه معصب وقتها وانتي كذلك فمن الطبيعي يفور دمه زياده ويرميك على الارض ) رابعا مافيه كرامه بين الزوجين خصوصا اذا كان بينهم حب وموده واحترام متبادل دوري لك جوال وكلمي زوجك حبيب قلبك وراضيه ترى الدنيا مافيها خير والله يجعلكم ماتستغنون عن بعض دقيقه وحده |
كرهتيه و هو رجل الرجال؟ متأكدة من كلامك؟
ان كنتي فعلا كرهتيه.. كنا لن نرى مشكلتك هنا.. و كنت ستطلبين الطلاق... و لكن ما زلتي تحبينه... فهو زوجك الذي لم تري منه إلا ما هو خير... سؤال؟ هل رجع من سفره ام ما زال مسافرا؟ |
:
الله يعطيكم العافيه جميعاً ارتحت وبرد قلبي بعد كلامكم ارسلتله رساله اليوم ان ولده مشتاقله ومارد ! ماادري من المفروض اللي يعتذر للثاني بس الله يكتبلنا الاجر :/ لكل شي حد : ايه نعم رجع و له 3 ايام |
أختي... مادام قد رجع... إذا هو ينتظرك و انتِ تنظرينه... يعني بالمختصر.. اثنيناتكم مكابرين و محد راضي يعتذر للثاني... صح و لا انا غلطانه؟
كلاكما اخطأتما.... حين أخذك من المنزل.. هل طلبتي المكوث في بيت أهلك إلى أجل غير مسمى؟ او هل قال لك لن أرجعكِ؟ أختي الشيطان يلعب لعبته معكما... و كم يفرح أشد الفرح حين يوسوس لك بأنه من يجب ان يعتذر و حين يوسوس له بأنكِ من يجب ان تعتذر.. مشكلتكما بسيطه... و قد حدثت بسبب الضغوط لا اكثر و لا أقل... بادري بالإتصال به... كلميه بهدوء بأن بالك انشغل عليه و انك اشتقتِ لبيتك.. صدقيني قد تطول مشكلتك ان لم يتحرك احدكما... أعرف احداهن حدثت لها مشكلة شبيه بمشكلتك و جلست في بيت اهلها شهورا... و كل منهما يكابر... لا تفرحي الشيطان... و بادري بالاتصال... فخيركما من يبدأ بالسلام |
| الساعة الآن 03:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©