بسم الله الرحمن الرحيم
السلام عليكم ورحمة الله وبركاته
مشكلتي مع زوجي ..
عمري في اول العشرينات وزوجي ع الثلاثين , تزوجت صغيره مع ذالك كنت اهلاّ لها والفضل لله , الحمدالله حياتنا اساسها الاحترام قبل الحب ولا عمره احد رفع صوته ع الثاني او غلط ع الثاني بكلمه
نمر ببعض المشاكل ونتخطاها بسلاسه الحمدالله , لكن الاسبوع اللي راح صار بيننا مالم يكن بالحسبان : (
كانت العلاقه شوي متوتره لكن كل واحد مايكلم الثاني والوضع هاادي
رجعت من الجامعه وكان زوجي يومها مسافر وانا رجعت تعبانه ومواصله ومن الطبيعي ان مالي نفس لا اتكلم كثير ولا اسولف وهو فسرها بإني زعلانه وقلب خلقته ! وقبل لايروح قاللي اجهزي عشان اوصلك بيت اهللك
قلتله خلاص انا بنام وبخلي اخوي يجيني بالليل رفض وجلس يرفع صوته وانت بس بتعانديني وانت قالبه وجهك من الصبح وانت وانت
قلتله انا مضغوطه اختبارات ومسؤولية الولد 90% على راسي وانت تطلع العصر ماترجع الا الفجر وماتبغاني انضغط !
قام جلس يصيح علي ويقول انا ارجع وقت ماابغى ومحد له دخل , يوم شفته كذا قلت طيب اللحين اجهز
ورحت المطبخ بلم الزباله "وانتم بكرامه" عشان لاتطلع ريحتها لا غبنا عن البيت , قام لحقني وقال انت ماتفهمين انت تعاندين انا مستعجل وقعد يرفع صوته ويصارخ , قمت مشيت وكان قدامي قمت دفيت يده بس عشان امر وكنت ابكي ’ لحقني للغرفه ويوم جيت اطلع مسكني من كتفي ودفني ع الارض !!
انا هنا انهرررت !! كيف يمد يده علي !! جلست اصيح عليه ولميت قشّي كله وقلت يالله على بيت اهلي
ورميت عليه ايفونه " كان مهديني اياه " قلتله ماابغى ايفوننك , ولا ابغااك
ومن يومها ولا كلف نفسه يدق ولاحتى يسأل عن ولده ! وانا طبعا مادقيت عليه ولا برد عليه لو دق
محتاره هل تصرفي صح ؟ مين الغلطان ؟ وش اسوي بالخطوه الجايه ؟ مع اني احس انه طاح من عيني وكرهته فعلا !
مع ان زوجي رجل ونعم الرجل لكن مدري وش طرى عليه !
شوروا علي ..
والله يعطيكم العافيه