منتدى عالم الأسرة والمجتمع - سحور من نوع خاص في رمضان .. ( احلى تجربة )

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - سحور من نوع خاص في رمضان .. ( احلى تجربة ) (http://www.66n.com/forums/showthread.php?t=238700)

سحور من نوع خاص في رمضان .. ( احلى تجربة )

http://up.arab-x.com/May12/tmH19852.gif

احلى سلام وتحية لأخواني وخواتي .. الله يبارك لكم في الباقي من الشهر ويجعل خاتمته خير يارب
السموحه منكم على الغيبه انشغلت برمضان هذا الشهر المبارك الله يعوده علينا وعليكم بالخير والبركات

حبيت اليوم انكم تشاركوني هذي التجربة واتمنى ان شاء الله تكون هديه للعيد وممكن تطبقون هالفكرة
حتى في الايام الباقية من رمضان

في كثير من الازواج والزوجات يعتقدون ان في شهر رمضان لازم تقل جرعة المحبة والرومانسية
بين الزوجين وبصراحه لاحظت هالشي من كلام زميلات العمل .. واستغربت

انا اعتبر شهر رمضان من اهم واقوى وانجح الفرص للتقرب من الشريك لكن لازم يكون استغلال
الفرصة هذي صح ..

فكرتي اليوم كانت هديه لزوجي لانه الله يحفظه رتب برنامج رمضاني روووعه هالسنة .. لاني
انا اللي كنت ارتب البرامج السنوات اللي طافت في رمضان لكن هالسنة هو بادر والحمد لله
البرنامج راااائع ومفيد جدا جدا ..

وتعودت كل سنة في رمضان افاجئ زوجي بشي علشان اثبت له انه على بالي ومع انشغالي ما نسيته
وكهديه لجهوده فكرت بهذي الفكرة وطبقتها قبل يومين وكانت ناجحه ونتائجها حلوه الحمد لله

الفكرة

خططت ان يكون سحورنا هالمرة خارج البيت بس بأجواء حلوة انا ارتبها ,, اول شي ارسلت له
هذي الرسالة :

http://up.arab-x.com/May12/hJD19852.jpg

وانا اتقصد اني ارسلها قبل الموعد بيومين او ثلاث علشان يحسب حساب ويفضي نفسه .. زوجي
كان في نفس يوم المفاجأة خارج دبي .. كان مشغول في اعمال الخير الله يجزيه كل خير ..
وهذا الشي ساعدني في تجهيز المفاجأة ..
وبما ان فلتنا مطلة على البحر .. جتني هالفكرة .. وطلبت من اخويه الغالي يساعدني وما قصر
الله يسعده ..

الترتيب

طلعنا بعد صلاة العشاء وبعد ما ناموا العروستين والاولاد مع اخواني كانوا في النادي انا
واخويه على البحر وركبنا الـ :

http://up.arab-x.com/May12/pCi19852.jpg

ترا لا تخدعكم الصورة في الاصل الخيمة واسعه من الداخل وكان لونها اسود ..

اخويه شغل فيها الانارة ما اعرف كيف .. وانا وزعت فيها هذي الفوانيس بس مب وايد يعني 3
فوانيس بالشموع

http://up.arab-x.com/May12/pIw19943.jpg

ووزعت 3 مكيفات في الخيمه لان الرطوبة كانت عاليه على البحر .. كانت المكيفات بهالشكل

http://up.arab-x.com/May12/taj19943.jpg

انا استخدمت اللي على اليسار لانها تشتغل بدون كهرباء اشتريتها يوم سافرنا الصين ..
اما اللي على اليمين بس للتوضيح للي يبي يطبق الفكرة ممكن يستخدم هالنوع بس بكهرباء طبعا ..

بما اني اخترت اللون الاحمر والاسود والابيض علشان ارتب وازين الخيمة فرشت الارضية
بسجاد لونه ودزاينه شبيه لهالسجاد :

http://up.arab-x.com/May12/hpt19852.jpg

وحطيت طاولة الطعام الارضية ما ادري اذا تذكرونها وهي بهذا اللون والشكل بالضبط :

http://up.arab-x.com/May12/sAy19943.jpg

وزينتها بهذي بنفس الشكل ونفس انواع الورد :

http://up.arab-x.com/May12/REZ19943.jpg

وما كثرت من الزينه علشان يكون فيه متسع للطعام ولاني كنت ابي المكان يكون بسيط القصد منه
التغيير عن جو البيت فيرتاح زوجي بدون زحمة وكثرة زينة

اما في الجانب الثاني من الخيمة وزعت هذي (المساند ) على الارض بنفس الالوان تقريبا ونفس الشكل :

http://up.arab-x.com/May12/MrS19852.jpg

وحطيت هالحلوين اللي ما نستغني عنهم في هالزاوية :) :

http://up.arab-x.com/May12/jBM22448.jpg

ارجو عدم الرد .. علشان يكون الموضوع مرتب .. وشكرا :)

يتبـــــع ....