سحور من نوع خاص في رمضان .. ( احلى تجربة ) - منتدى عالم الأسرة والمجتمع

12-08-2012, 01:15 AM

][ لمني بشوق ][

كبار شخصيات المنتدى

تاريخ التسجيل: Aug 2006

المشاركات: 2,856

سحور من نوع خاص في رمضان .. ( احلى تجربة )

احلى سلام وتحية لأخواني وخواتي .. الله يبارك لكم في الباقي من الشهر ويجعل خاتمته خير يارب
السموحه منكم على الغيبه انشغلت برمضان هذا الشهر المبارك الله يعوده علينا وعليكم بالخير والبركات

حبيت اليوم انكم تشاركوني هذي التجربة واتمنى ان شاء الله تكون هديه للعيد وممكن تطبقون هالفكرة
حتى في الايام الباقية من رمضان

في كثير من الازواج والزوجات يعتقدون ان في شهر رمضان لازم تقل جرعة المحبة والرومانسية
بين الزوجين وبصراحه لاحظت هالشي من كلام زميلات العمل .. واستغربت

انا اعتبر شهر رمضان من اهم واقوى وانجح الفرص للتقرب من الشريك لكن لازم يكون استغلال
الفرصة هذي صح ..

فكرتي اليوم كانت هديه لزوجي لانه الله يحفظه رتب برنامج رمضاني روووعه هالسنة .. لاني
انا اللي كنت ارتب البرامج السنوات اللي طافت في رمضان لكن هالسنة هو بادر والحمد لله
البرنامج راااائع ومفيد جدا جدا ..

وتعودت كل سنة في رمضان افاجئ زوجي بشي علشان اثبت له انه على بالي ومع انشغالي ما نسيته
وكهديه لجهوده فكرت بهذي الفكرة وطبقتها قبل يومين وكانت ناجحه ونتائجها حلوه الحمد لله

الفكرة

خططت ان يكون سحورنا هالمرة خارج البيت بس بأجواء حلوة انا ارتبها ,, اول شي ارسلت له
هذي الرسالة :

وانا اتقصد اني ارسلها قبل الموعد بيومين او ثلاث علشان يحسب حساب ويفضي نفسه .. زوجي
كان في نفس يوم المفاجأة خارج دبي .. كان مشغول في اعمال الخير الله يجزيه كل خير ..
وهذا الشي ساعدني في تجهيز المفاجأة ..
وبما ان فلتنا مطلة على البحر .. جتني هالفكرة .. وطلبت من اخويه الغالي يساعدني وما قصر
الله يسعده ..

الترتيب

طلعنا بعد صلاة العشاء وبعد ما ناموا العروستين والاولاد مع اخواني كانوا في النادي انا
واخويه على البحر وركبنا الـ :

ترا لا تخدعكم الصورة في الاصل الخيمة واسعه من الداخل وكان لونها اسود ..

اخويه شغل فيها الانارة ما اعرف كيف .. وانا وزعت فيها هذي الفوانيس بس مب وايد يعني 3
فوانيس بالشموع

ووزعت 3 مكيفات في الخيمه لان الرطوبة كانت عاليه على البحر .. كانت المكيفات بهالشكل

انا استخدمت اللي على اليسار لانها تشتغل بدون كهرباء اشتريتها يوم سافرنا الصين ..
اما اللي على اليمين بس للتوضيح للي يبي يطبق الفكرة ممكن يستخدم هالنوع بس بكهرباء طبعا ..

بما اني اخترت اللون الاحمر والاسود والابيض علشان ارتب وازين الخيمة فرشت الارضية
بسجاد لونه ودزاينه شبيه لهالسجاد :

وحطيت طاولة الطعام الارضية ما ادري اذا تذكرونها وهي بهذا اللون والشكل بالضبط :

وزينتها بهذي بنفس الشكل ونفس انواع الورد :

وما كثرت من الزينه علشان يكون فيه متسع للطعام ولاني كنت ابي المكان يكون بسيط القصد منه
التغيير عن جو البيت فيرتاح زوجي بدون زحمة وكثرة زينة

اما في الجانب الثاني من الخيمة وزعت هذي (المساند ) على الارض بنفس الالوان تقريبا ونفس الشكل :

وحطيت هالحلوين اللي ما نستغني عنهم في هالزاوية :

ارجو عدم الرد .. علشان يكون الموضوع مرتب .. وشكرا

يتبـــــع ....

__________________

للاطلاع والاستفاده : 1 ، 2

12-08-2012, 01:53 AM

][ لمني بشوق ][

كبار شخصيات المنتدى

تاريخ التسجيل: Aug 2006

المشاركات: 2,856

رد : سحور من نوع خاص في رمضان .. ( احلى تجربة )

وما نسيت الـ :

اخترت البخور الخفيف وريحته بارده مب مركزة .. وبخرت المكان قبل لا يوصل زوجي

جهزت الاكل ( السحور ) وطبعا الغالي ما اكل شي على الفطور كان خارج البيت بس لبن وتمرات
فسويت له سحور متنوع وطبعا انا اللي طبخت كل شي لاني ما احب زوجي ولا حتى عيالي واخواني
ياكلون من المطعم الا للضرورة القصوى

السحور كان يضم :

شوربة خضار ايطالية

سلطة يونانية ( بدون بصل )

خبز بالثوم والاعشاب بس ما كثرت الثوم

لوبستر تيرمادور .. لان زوجي يحب الاكلات البحرية وااااااااااااااااااااايد

وعصير ليمون مع رمان بارد ومنعش

وطبعا ما نسيت الـ :

الماي والليمون لغسل اليدين

بالنسبة للبس ممكن تلبسين أي شي بسيط مثل جلابية مرتبة وناعمه يعني مو لازم يكون اللبس عاري
انا اخترت الـ ( المخوره ) جذي نسميها في الامارات

بسيطة وانيقه وناعمه .. ولونها كان احمر وابيض ..

المفاجأة

وصل زوجي للبيت على الساعه 9 طبعا انا كنت بالخيمة .. اتصلت عليه وطلبت منه يطلع من
البيت ويجي على البحر وقلت له شفت الخيمة تعال الخيمه ..
الحمد لله تفاجأ واستانس واااااااااايد قال من غير قصد : ريولي تعورني من الوقفة والمشي اليوم
وللاسف ما كنت محضرة ادوات التدليك ما حطيت في بالي .. وعلى طول الشنطة وفيها كريم
بيبي جونسون ( صديقي الصدوق ما يفارقني ابد ) ودلكت ريوله

سولفنا والاجواء كانت حلوه بالسوالف وخبرني شو اللي صار معاه وكيف راح يوزع ملابس العيد
على الاطفال والعوائل المحتاجه والمتعففه ومدى سعادته وراحة باله ...

احلى شي في كل هذا الدعاوي اللي حصلتها من زوجي الغالي وملامح السعادة والتفاجئ الحمد لله

بعد السوالف والقهوة تسحرنا .. وصلينا في الخيمة قيام الليل مع بعض وجلسنا لين اذان الفجر

الحمد لله على النعم يارب .. الله يحفظ لي زوجي وعيالي واخواني ويبارك لهم في عمرهم

على فكرة اختي طبقت الفكرة بس في حوش بيتهم والنتيجه كانت روعه بعد دعت لي

اتمنى ان الفكرة عجبتكم وممكن تطبقونها كهدية للعيد .. ونصيحه : مو لازم الشخص يعبر
عن احساسه خلال المفاجأة بالكلام .. والله ملامح الوجه والابتسامة والنظرات اللي فيها رضا
وحب تكفي

الله يجعل ايامكم وايامنا كلها سعادة وخير وتوفيق

__________________

للاطلاع والاستفاده : 1 ، 2

12-08-2012, 02:08 AM

خاله بيتا

عضو المنتدى الفخري

تاريخ التسجيل: Jun 2010

المشاركات: 9,516

رد : سحور من نوع خاص في رمضان .. ( احلى تجربة )

ما شاء الله لا قوة الا بالله

الله يديم عليكم السعادة ولا يغير عليكم الا للأحسن

__________________

12-08-2012, 02:41 AM

زهـــر

عضو دائم

تاريخ التسجيل: Aug 2012

المشاركات: 50

رد : سحور من نوع خاص في رمضان .. ( احلى تجربة )

ماشاء الله تبارك الرحمن
الله يحلي حياتك كمان و كمان
تنسيق جيد استمري

12-08-2012, 11:33 PM

][ لمني بشوق ][

كبار شخصيات المنتدى

تاريخ التسجيل: Aug 2006

المشاركات: 2,856

رد : سحور من نوع خاص في رمضان .. ( احلى تجربة )

اقتباس:

المشاركة الأصلية كتبت بواسطة زهـــر

ماشاء الله تبارك الرحمن

الله يحلي حياتك كمان و كمان

تنسيق جيد استمري

هلا حبيبتي .. جزاك الله خير على الدعاء الطيب .. ومشكوره على المشاركة .. ربي يسعدك
ويوفقك .. نورتي يا زهــر

__________________

للاطلاع والاستفاده : 1 ، 2

12-08-2012, 11:31 PM

][ لمني بشوق ][

كبار شخصيات المنتدى

تاريخ التسجيل: Aug 2006

المشاركات: 2,856

رد : سحور من نوع خاص في رمضان .. ( احلى تجربة )

اقتباس:

المشاركة الأصلية كتبت بواسطة Beta2

ما شاء الله لا قوة الا بالله

الله يديم عليكم السعادة ولا يغير عليكم الا للأحسن

مرحبا بج خالة بيــتا .. جزاك الله خير يالغاليه على الدعاء الطيب والمشاركة
وربي يسعدك ويهنيك
ويوفقك .. نورتي حبيبتي

__________________

للاطلاع والاستفاده : 1 ، 2

12-08-2012, 03:34 AM

Nony.kk

عضو جديد

تاريخ التسجيل: Aug 2012

المشاركات: 30

رد : سحور من نوع خاص في رمضان .. ( احلى تجربة )

ماشالللله مرررررررررررره عجبتني الفكره ربنا يخليكم لبعض

12-08-2012, 06:19 AM

شوشوتي

عضو نشيط

تاريخ التسجيل: Aug 2006

المشاركات: 125

رد : سحور من نوع خاص في رمضان .. ( احلى تجربة )

ماشاء الله
فكرتك رووووعه
الله يوفقكم ويهنيكم دوم

12-08-2012, 11:50 PM

][ لمني بشوق ][

كبار شخصيات المنتدى

تاريخ التسجيل: Aug 2006

المشاركات: 2,856

رد : سحور من نوع خاص في رمضان .. ( احلى تجربة )

اقتباس:

المشاركة الأصلية كتبت بواسطة شوشوتي

ماشاء الله
فكرتك رووووعه
الله يوفقكم ويهنيكم دوم

اللهم آمين .. تسلمين حبيبتي على المشاركة وجزاك الله خير على الدعاء الطيب .. وربي يديم
عليك السعادة والخير .. ويهنيك يارب .. نورتي حبوبه

__________________

للاطلاع والاستفاده : 1 ، 2

12-08-2012, 11:35 PM

#10

][ لمني بشوق ][

كبار شخصيات المنتدى

تاريخ التسجيل: Aug 2006

المشاركات: 2,856

رد : سحور من نوع خاص في رمضان .. ( احلى تجربة )

اقتباس:

المشاركة الأصلية كتبت بواسطة Nony.kk

ماشالللله مرررررررررررره عجبتني الفكره ربنا يخليكم لبعض

آمين يار ب.. جزاك الله خير حبيبتي على الدعاء الطيب .. والحمد لله ان الفكرة نالت على
اعجابك .. ربي يسعدك ويهنيك ويكتب لك الخير .. نورتي حبيبتي

__________________

للاطلاع والاستفاده : 1 ، 2

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه