|
محتارة هل اوافق ام لا رغم صفاته الحسنة
"]بسم الله الرحمن الرحيم اول شي يعطيكم العافيه انا اتابعكم من فتره وشايفه المساعده من الكل جزآكم الله خير ربي يسعدكم انا واعوذ بالله من كلمه انا ودي انخطب مثل كل البنات وودي استقر ودااااايم ادعي الله بالزوج الصالح طبعا بفضل الله تقدم لي عريس بس المشكله فيني من سمعت باني انخطبت وانا حاسه بهم مايعلمه الا الله بصراحه ماسمعت عنه الا كل خير طبعا سألنا والكل يشكر فيه بس هالضيقه ماتفارقني وبكاء مستمر استخرت الله وكنت ادعي انه اذا ماله خير فيني لايجي ولايكتمل الموضوع واللي حصل انه جاء لعند الوالد وتعرف عليه والوالد حبه بس انا ماحبيت الموضوع بالكامل كل شوي اطلع لاهلي عذر مره فرق العمر بينا ومره انه هو منفصل يعني سبق له الزواج والكل يقولي لاتدلعين وانا الله عالم اللي بقلبي انه لا دلع ولاشي طبعا اللحين احنا ننتظر منهم خبر يا على بركه الله ولا مافي نصيب بصراحه لو اقول لكم انه انا مرتاحه وهم بعيد عني واخاف من الرد في كلا الحالتين وامي تقولي يمكن هالضيقه ورفضي انها عين لانه وقت صار اللي ابغاه تضايقت ورفضت الفكره باالمره قمت اوسوس واقول يمكن لانه دااايم ادعي بالزوج الصالح ووقت صار ماابغى الزواج واحس بضيقه بس طبعا قلت لاان شاء الله الله الحافظ والله تعبت حتى لو اتصلوا ووافقوا اتوقع راح ارفض واحترت وش اللي فيني ابغى اتزوج بس احس بضيقه مجرد التفكير احس حتى وقت ادعي اخاااف يجيني هالشعور الضيقه والخوف ياارب كن معي تعبت مدري وش صارلي فجأه ساعدوني وريحوني وضعي طبيعي ولا لا |
رد : اريد ولااريد
كثير من الفتيات تصيبهم هذه الحيرة عندما يتقدم لها احد
الحل بعد الأستخارة هو اذا كان المتقدم من الذين ترضون دينه و خلقه فأنصحك بالموافقة عن قناعة تامة وليس محاباة او مجاملة لأنه المتضرر في النهاية هو انتي و هذا الرجل اذا انتي لست مرتاحة و تشعرين بالضيق فأنصحك بقراءة سورة البقرة و الأستخارة مرة و مرتين و ثلاث وفقك الله |
رد : اريد ولااريد
ممكن نتكلم بصراحه شويه
هل رايت العريس وما عجبك ايش اللي يخليكي مو مرتاحه له راتبه عمله شكله ممكن نعرف ايش السبب اللي يخليكي تبكي لاجله وربنا ان شاء الله يرزقك بالزوج الصالح اللي يسعدك ويهنيكي دنيا واخره |
رد : اريد ولااريد
وعليكم السلام ورحمة الله وبركاته ’’’
مرحباً بكِ أختي الكريمة ’’ أسأل الله بداية أن يسخره لكِ لما هو خير .. مادام يمتلك أخلاقاً ومحافظ على صلاته ويتناسب معكِ ..لاتفرطي به ..رٌبما لاتأتيكِ فرصة فيما بعد بمثل هذا الخاطب .. استخيري الله وتوكلي عليه .. وأسألي نفسكِ لما أنا خائفة ؟! وإذا كان الخوف وهم غير حقيقي اركليه وعيشي الحياة التي تُريدها أما إذا كانت لديكِ مخاوف من أمر ما ..اكتبيها هنا ونحن نساعدكِ ..! لاتبكي وثقي بالله .. وفقكِ الله لكل خير وأفرح قلبكِ |
رد : اريد ولااريد
اقتباس:
|
رد : اريد ولااريد
اقتباس:
بالنسبه لشكله وعمله كله تمام ماشاءالله بس انا مدري وش فيني تضايقت حتى قبل لاشوفه يمكن بكائي انه خايفه يتم الموضوع لانه عمره مو قريب لعمري اخاف مانتفق |
رد : اريد ولااريد
اقتباس:
انا اللي خلاني اوافق من البدايه مع انه مو مقتنعه انه اخاف الفرصه ماتكرر وضغط الاهل علي وانه يمكن يكون احلى نصيب وفرصه والخ مخاوفي انه هو له تجربه سابقه للزواج وفرق بينا بالعمر وانه من منطقه ثانيه ويجيني احساس انه ماراح اقدر اتفق معه مع العلم انه هذا كله قبل النظره بس بعد النظره حسيت بثقل على صدري وقلت ياليتني مادخلت ولارضيت بالنظره ولاشفته مع انه ماشاءالله وسيم وانسان رزين بعدها استخرت وكنت متضايقه وادعي ربي يكتب لي الخير وكنت اقول الله يعوضه ويعوضني هذا قبل الرد طبعا للحين ماردوا علينا بس مرتاحه ولله الحمد آسفه طولت عليك بس حبيت اوضحلك |
رد : اريد ولااريد
اقتباس:
أعتذر على سؤالي كم الفارق بينكِ وبينه ؟! ثانياً / أُريد أن أخبركِ ليس كل مطلق هو ظالم لزوجته إياكِ من هذه الأفكار وماسمعتيه أقدر مخاوفكِ جيداً .. يوجد مطلق مظلوم كان مع زوجته ويوجد مطلقة مظلومة ..كذلك !! لو استخرتي الله وكتبه الله لكِ ..ثقي بأنه هو خير من الله .. أحياناً من شدة القصص التي سمعناها نظن بأن حياتنا ستكون مثل هذه القصة لكن لا هذا خطأ ..هنا الإنسان يُضيع عليه فرص جميلة .. سخر الله لكِ كل الخير ويكفيكِ كل مكروه ! |
رد : اريد ولااريد
|
رد : اريد ولااريد
بكل صراحة اختي .. معرفك هذا تقصدين به حد معين حاطته في بالك تتمنينه زوج لك؟ كم فارق العمر بينك وبين الخاطب؟ مو شرط اللي فيك عين لكن ما يمنع تداومين على قراءة سورة البقرة والرقية الشرعية بتحسين براحه .. أنتي شكلك رافضة الموضوع ..مو محتارة فيه عشان حد يقنعك .. فنصيحتي لك لا تجاملين حد ولا تخلين حد يضغط عليك بالموافقة .. إذا فعلا مو متقبلة الموضوع وتحسين انك إذا وافقتي عليه ما بتكملين معاه أرفضيه والله يعوضك ويعوضه.. حرام بعد تصير له تجربةانفصال ثانية بدون ذنب منه .. |
| الساعة الآن 10:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©