محتارة هل اوافق ام لا رغم صفاته الحسنة
"]بسم الله الرحمن الرحيم
اول شي يعطيكم العافيه انا اتابعكم من فتره وشايفه المساعده من الكل جزآكم الله خير ربي يسعدكم
انا واعوذ بالله من كلمه انا ودي انخطب مثل كل البنات وودي استقر ودااااايم ادعي الله بالزوج الصالح طبعا بفضل الله تقدم لي عريس بس المشكله فيني من سمعت باني انخطبت وانا حاسه بهم مايعلمه الا الله بصراحه ماسمعت عنه الا كل خير طبعا سألنا والكل يشكر فيه بس هالضيقه ماتفارقني وبكاء مستمر استخرت الله وكنت ادعي انه اذا ماله خير فيني لايجي ولايكتمل الموضوع واللي حصل انه جاء لعند الوالد وتعرف عليه والوالد حبه بس انا ماحبيت الموضوع بالكامل كل شوي اطلع لاهلي عذر مره فرق العمر بينا ومره انه هو منفصل يعني سبق له الزواج والكل يقولي لاتدلعين وانا الله عالم اللي بقلبي انه لا دلع ولاشي طبعا اللحين احنا ننتظر منهم خبر يا على بركه الله ولا مافي نصيب بصراحه لو اقول لكم انه انا مرتاحه وهم بعيد عني واخاف من الرد في كلا الحالتين وامي تقولي يمكن هالضيقه ورفضي انها عين لانه وقت صار اللي ابغاه تضايقت ورفضت الفكره باالمره قمت اوسوس واقول يمكن لانه دااايم ادعي بالزوج الصالح ووقت صار ماابغى الزواج واحس بضيقه بس طبعا قلت لاان شاء الله الله الحافظ والله تعبت حتى لو اتصلوا ووافقوا اتوقع راح ارفض واحترت وش اللي فيني ابغى اتزوج بس احس بضيقه مجرد التفكير احس حتى وقت ادعي اخاااف يجيني هالشعور الضيقه والخوف
ياارب كن معي تعبت مدري وش صارلي فجأه ساعدوني وريحوني وضعي طبيعي ولا لا
التعديل الأخير تم بواسطة مارد الجنوب ; 11-11-2013 الساعة 12:27 PM
السبب: تم تعديل العنوان ليتناسب مع مضمون الموضوع
11-11-2013, 12:24 AM
ضوابط المشاركة
العرض الشجري