|
كيف أتخلص من التفكير بمواقف سيئة من صديقاتي وقريباتي؟
السلام عليكم ورحمة الله وبركاته
اعضاء المنتدى الكرام ارجو منكم النصح والارشاد لاني عنجد تعبت.. عندي مشكلة مغلباني كتير انا بضل دائما بتزكر المواقف السيئة الي مرت عليي .. وبتزكر أذى الناس الي وبتزكر لما انظلمت من البعض.. ولما خانتني هديك الصديقة .. ولما بكيت بسبب صديقة اخرى... وووووو مواقف عنجد مؤلمة فيها غدر وخداع من قريباتي بالعيلة للأسف كنت اعتبرهن متل خواتي وربي يشهد عليي وصحباتي قصدي الي كانوا صحباتي على مدار سنوات فاتت وبضل اتزكر واتزكر .. بتتعب نفسيتي كتير لاني بصير نفسي انتقم مابعرف كيف احكيلكم بس بتتولد عندي طاقة سلبية .. هالشي تعبني ! كيف فيني افضي مخي من التفكير بهالمواقف كيف ؟ قرأت كتب كتير.. وحاولت اتغير بتغير اول يومين بس برجع بخوض بهالدوامة مرة تانية ! احكولي لو سمحتوا انتوا كيف واجهتوا هالشي؟ اكيد كلكم برضو اتعرضتوا لمواقف سيئة بحياتكم .. هل بتعانوا متلي؟ ولا متخلصين من هالشي؟ شو اعمل ؟ كيف اعيش حياتي بدون مااضل اتزكر وانقهر وانشغل بأشخاص ماإلهم قيمة بحياتي .. ارجو اني مااكون طولت عليكم بس رجاءا الي عنده اي معلومة او تجربة لايبخل عليي فيها .. لأني عنجد مخنوقة .. وشكرا الكم . |
رد : كيف أتخلص من التفكير بمواقف سيئة من صديقاتي وقريباتي؟
قولي لنفسك ستوب لما تبدأي هذا التفكير
هذي الكلمه ليها اثر مميز و لا تنسي انه اي شي عشان يتغير في حياتك بدو وقت اعتبريها مسألة وقت و نفذي التقنيه بإهتمام و بإذن الله رح تلاقي نتيجه حلوة |
رد : كيف أتخلص من التفكير بمواقف سيئة من صديقاتي وقريباتي؟
انا زيك اتمنى يساعدوني العضوات اخلص من حساسيتي المفرطه
|
رد : كيف أتخلص من التفكير بمواقف سيئة من صديقاتي وقريباتي؟
انا كان فيه تفكير يشغلني و خيالي يروح لبعيد
من غير ما اركز اسرح كثير لما صرت اقول لنفسي ستوب بدأت اغير هذا الفعل بإذن الله و بفضله جربوا |
رد : كيف أتخلص من التفكير بمواقف سيئة من صديقاتي وقريباتي؟
احبي نفسك ودلليها
اشخاص لا يستحقوا اهدار الوقت والتفكير فيهم ( وستتتتتوب) |
رد : كيف أتخلص من التفكير بمواقف سيئة من صديقاتي وقريباتي؟
قومي بالطريقة المذكورة بالتوقيع
وستجدين نفسك متحررة من دائرة التفكير المتكرر باذن الله |
رد : كيف أتخلص من التفكير بمواقف سيئة من صديقاتي وقريباتي؟
استخدام الرسائل الايجابيه للذات لها اثر كبير في التغيير إلى الافضل باذن الله
مثلا : أنا قوية انا سعيدة اقاوم حديث الناس عني التجأ إلى الله في كل وقت اصرف النظر عن التفكير فيما يضايقني وغيرها الكثير تكرار مثل هذه الرسائل بإذن الله يغير الحياة إلى الأفضل .. وذكرتي مسألة مهمة وهي ( اتغير اول يومين ثم ارجع ) هو التغيير لا يأتي من اول مره ولا ثاني مره .. مثل هالمسائل يبغـى لها مجاهدة للنفس لإزالة هثل هذه الافكار حاولي تكرار مثل هالرسائل واقري عنها في النت وعن ثمارها لكن اكرر .. بالمجاهدة تتغير الحياة للافضل باذن الله ولا تنسي الاكثار من قراءة القران والاذكار لا سيما اذكار الصباح والمساء لها اثر عظيم بالغ في تغيير النفوس . |
رد : كيف أتخلص من التفكير بمواقف سيئة من صديقاتي وقريباتي؟
اقتباس:
ما تعانين منه هو الحساسية الزايدة يساعدك في مثل حالتك انك تحمي نفسك من الصدمة يعني مثل الوقاية لما ترتبطي بصديقة ما تشوفيها كاملة ,توقعي انها تغيرو تجرح او تخون ما هي معصومة شيئ اخر افادني انا شخصيا ان ابرر للقدامي و ألتمسله العذر لراحتي انا مو عشانه هو مثل :يمكن شافتني ناجحة و هي ما توفقت فحست بالغيرة فيخف غيضك اتجاها و يمكن تصيري تدعيلها بان تتوفق هي ايضا مع ااتقدم في العمر و التجارب ستكتسبين الخبرة في كيفية التعامل مع الاخرين و تقدري تسيطري علي الحساسية و يمكن تتخلصي منها |
رد : كيف أتخلص من التفكير بمواقف سيئة من صديقاتي وقريباتي؟
اقتباس:
كلامك صحيح ومعك حق عجبتني مصطلح ستوب هوي بيجيب نتيجة فعلا خاصة لما اكون مصحصحة ومابدي اتوسع بالتفكير بس بتعرفي الواحد لما يفوت بجدال مع حاله او لما يشوف الاشخاص نفسهم قدامه كل فترة بيرجع الشعور بيتجدد تلقائيا.. وهاد غلط وبإذن الله حأطبق نصيحتك لانها عنجد فعالة ويارب استمر عليها.. اشكرك ياقمر . |
رد : كيف أتخلص من التفكير بمواقف سيئة من صديقاتي وقريباتي؟
اقتباس:
اشكر مرورك حبيبتي. |
| الساعة الآن 05:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©