منتدى عالم الأسرة والمجتمع - رجل وقريب تتزوج ومحتار وش تجهز!! تفضل ..

منتدى عالم الأسرة والمجتمع (http://www.66n.com/forums/index.php)

- المقبلين على الزواج (http://www.66n.com/forums/forumdisplay.php?f=7)

- - رجل وقريب تتزوج ومحتار وش تجهز!! تفضل .. (http://www.66n.com/forums/showthread.php?t=256342)

رجل وقريب تتزوج ومحتار وش تجهز!! تفضل ..

السلام عليكم ورحمة الله تعالى وبركاته

بتتزوج قريب؟ وماعندك خبرة وشلون تجهز نفسك؟؟ او وش اللي تحتاجة بالضبط؟؟
هنا بعلمك إن شاء الله كل شي بتحتاجة من المستلزمات الشخصية والكمالية ..

اولاً: ادوات الحلاقة (الخاصة)
فيه مكائن حلاقة مريحة للأماكن الخاصة وما تسبب الجروح وتقدر تستخدمها تحت الماء وتعطيك نتائج وكأنك شايلها بحلاوة وفيها ميزات اخرى كـ التنعيم واحسن شركة تهتم بهالاشياء هي شركة "فيلبس" وانصحكم جميعاً انكم ماتستخدمون امواس حلاقة لان لها تأثير سلبي على الجلد ، مع توفير كريم مرطب للاماكن الخاصة مابعد الحلاقة تفادياً لامور الحساسية والجفاف

ثانياً: المستلزمات الخاصة
لابد أن يكون عندك "روبين" روب للتروش ويكون عادي ، وروب خفيف تلبسة بعد ماتاخذ الشاور وتلبس ملابسك .. ينفعك لما تجي تفطر او تقرأ جريدة او تتصفح النت + ان لابد أن يكون عندك "شاور جل" معطر للجسم تفرك فيه جسمك اثناء الشاور بيعطي جسمك رائحة جميلة (متوفرات في BODY SHOP و PATH AND BODY) + ليفة جسم للتفريك وليفة اخرى خاصة بالشاور جل + شامبو للشعر + فرشة ومعجون للفم مع الغسول المطهر للفم + صابونة للوجة ، وبعد ماتخلص الشاور لابد ان يكون عندك لوشنات معطرة للجسم ويحبذ ان يكون اللوشن مثل رائحة الشور جل. (فيه امور باقية بس تقدر تستخدمها من زوجتك هههه)

ثالثاً: الملابس الداخلية
قد ماقدرت كثر من الملابس الداخلية ، ولما اقولك داخلية مو شرط يكون سروال وفانيلة بس!!
كثف من البوكسرات الملونة والفنايل الملونة والشورتات وابعد كل البعد عن البوسترات وخذ القطنيات
عشان اتمغط وتتحرك على كيفك ، وحط في راسك ترا هالاشياء من حق زوجتك عليك!!
مثل ماتبيها اتكشخلك وتلبسلك وتقصرلك ، هي لها حق كذلك .. فـ فلها ودلع نفسك ودلعها.

رابعاً: الملابس والادوات الشخصية
كثف من البجايم للبيت (البنطلون والقميص) واياك من الفانيلة والسروال مع زوجتك (:
تراهي زوجتك مهو واحد من ربعك لاتفشلونا هههه وكذلك كثر من الثياب وليكن عدد 6
وبالشتا عليك بثياب الصوف اذرب واحلى مع جاكيتين او ثلاث رسميين تبدل بينهم مع كل لبسة
ولاتنسى الله يكرمكم جميعاً تشتريلك عدد من 2 الى 3 نعول وكذلك نفس الكمية جواتي رسمية.

شطحة بخصوص هالنقطة : تقدر تلبس ملابس رياضية تستخدمها لابغيت تروح السوبر ماركت
او تتمشى مع زوجتك ف البحر او الاسواق الشعبية والاماكن الترفيهية..

ولاننسى الشمغ والغتر والطواقي

خامساً: العطور والبخور (عشقي وغرامي)
اشترلك كم عطر فرنسي + كم عطر عربي + بخور + دهن عود.
عاد الكمية انت وماتجود به نفسك ..

اتمنى اني قدمت لكم ماينفعكم
والموضوع قابل للإضافات وياحبذا يشاركون معنا النساء
ومبارك مقدماً للجميع ..