السلام عليكم ورحمة الله تعالى وبركاته

بتتزوج قريب؟ وماعندك خبرة وشلون تجهز نفسك؟؟ او وش اللي تحتاجة بالضبط؟؟
هنا بعلمك إن شاء الله كل شي بتحتاجة من المستلزمات الشخصية والكمالية ..

اولاً: ادوات الحلاقة (الخاصة)
فيه مكائن حلاقة مريحة للأماكن الخاصة وما تسبب الجروح وتقدر تستخدمها تحت الماء وتعطيك نتائج وكأنك شايلها بحلاوة وفيها ميزات اخرى كـ التنعيم واحسن شركة تهتم بهالاشياء هي شركة "فيلبس" وانصحكم جميعاً انكم ماتستخدمون امواس حلاقة لان لها تأثير سلبي على الجلد ، مع توفير كريم مرطب للاماكن الخاصة مابعد الحلاقة تفادياً لامور الحساسية والجفاف

ثانياً: المستلزمات الخاصة
لابد أن يكون عندك "روبين" روب للتروش ويكون عادي ، وروب خفيف تلبسة بعد ماتاخذ الشاور وتلبس ملابسك .. ينفعك لما تجي تفطر او تقرأ جريدة او تتصفح النت + ان لابد أن يكون عندك "شاور جل" معطر للجسم تفرك فيه جسمك اثناء الشاور بيعطي جسمك رائحة جميلة (متوفرات في BODY SHOP و PATH AND BODY) + ليفة جسم للتفريك وليفة اخرى خاصة بالشاور جل + شامبو للشعر + فرشة ومعجون للفم مع الغسول المطهر للفم + صابونة للوجة ، وبعد ماتخلص الشاور لابد ان يكون عندك لوشنات معطرة للجسم ويحبذ ان يكون اللوشن مثل رائحة الشور جل. (فيه امور باقية بس تقدر تستخدمها من زوجتك هههه)

ثالثاً: الملابس الداخلية
قد ماقدرت كثر من الملابس الداخلية ، ولما اقولك داخلية مو شرط يكون سروال وفانيلة بس!!
كثف من البوكسرات الملونة والفنايل الملونة والشورتات وابعد كل البعد عن البوسترات وخذ القطنيات
عشان اتمغط وتتحرك على كيفك ، وحط في راسك ترا هالاشياء من حق زوجتك عليك!!
مثل ماتبيها اتكشخلك وتلبسلك وتقصرلك ، هي لها حق كذلك .. فـ فلها ودلع نفسك ودلعها.

رابعاً: الملابس والادوات الشخصية
كثف من البجايم للبيت (البنطلون والقميص) واياك من الفانيلة والسروال مع زوجتك (:
تراهي زوجتك مهو واحد من ربعك لاتفشلونا هههه وكذلك كثر من الثياب وليكن عدد 6
وبالشتا عليك بثياب الصوف اذرب واحلى مع جاكيتين او ثلاث رسميين تبدل بينهم مع كل لبسة
ولاتنسى الله يكرمكم جميعاً تشتريلك عدد من 2 الى 3 نعول وكذلك نفس الكمية جواتي رسمية.

شطحة بخصوص هالنقطة : تقدر تلبس ملابس رياضية تستخدمها لابغيت تروح السوبر ماركت
او تتمشى مع زوجتك ف البحر او الاسواق الشعبية والاماكن الترفيهية..

ولاننسى الشمغ والغتر والطواقي

خامساً: العطور والبخور (عشقي وغرامي)
اشترلك كم عطر فرنسي + كم عطر عربي + بخور + دهن عود.
عاد الكمية انت وماتجود به نفسك ..



اتمنى اني قدمت لكم ماينفعكم
والموضوع قابل للإضافات وياحبذا يشاركون معنا النساء
ومبارك مقدماً للجميع ..

__________________
استغفر الله واتوب إليه

ماشاء الله موضوع جميل
وين المخفي يقرء ويتعلم
الله وكيلك ما بيعرف غير الشرع محلل اربع
الله يباركلك
ويفرجها
امين

__________________
انا لله وانا اليه راجعون

رائع ...تقريباً أخوي تجهيزه مثلك إضيف شنطه رياضيه للسفر في شهر العسل خفيفه وتحمل كثير...


زوجي جهز ايام زواجنا ع خفيف ...

حالياً أنا الي أشتريله شورتات تي شيرتات رياضه والله شكلي غلط لوحدي في قسم الرجال الغالب تلاقي زوج وزوجته ع ع الاقل او حرمه كبييره وكأنها تشتري لولدها او حفيدها وانا شابه لوحدي😒

الشي الي يشتريه الاحديه والجزم والثياب ...

لا وياخذ في خاطره اذا قضيت بمبلغ كبير ومااشتريت له شي 😒

ماشاء الله
الله يجزاك خير ع التذكير
بالنسبه للحلاقة ياليت اذا فيه صوره < مادري متى يفكرون الرجال باليزر ويرتاحون

__________________
سبحان الله وبحمده

ههههههههه الله يهدية لك يارب
وجزاك الله خير على الدعاء
شرفتي يامتفائلة ...

__________________
استغفر الله واتوب إليه

ههههه وله عين يزعل بعد
فعلاً الملابس الرياضية والله مهمة وعملية اكثر من الثياب خصوصاً في مسائل التبضع للبيت او التمشي مع الاهل او حتى في الاسواق اللي تتسم بالشعبية ، وفعلاً شنطة الهاند باق مهمة .. اضافة جميلة..

شكراً يامتفائلة ..

__________________
استغفر الله واتوب إليه

ياهلا وسهلا بالريف
ليزر عاد!! لا والله حلات الرجال خشن عاد
الليزر للحريم ميخالف حلاتهن بنعومتهن لكن الرجال لا والله (هذا من وجهة نظري)

بالنسبة للمكينة هاذي هي

__________________
استغفر الله واتوب إليه

انا اقصد اليزر لاماكن محدوده

للاسف ماطلعت الصوره

طيب وش لونها واقولهم فيلبس بس

مب ارقام او انواع

__________________
سبحان الله وبحمده

http://cf5.souqcdn.com/item/2014/06/...77_4955821.jpg

__________________
استغفر الله واتوب إليه

وعليكم السلام ورحمه الله وبركاته


ما شاءالله ... الله يعطيك العافية و يكتب لك الاجر

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~