منتدى عالم الأسرة والمجتمع - كيف اتغلب على هذه العاده السيئه

منتدى عالم الأسرة والمجتمع (http://www.66n.com/forums/index.php)

- مساحة مفتوحة (http://www.66n.com/forums/forumdisplay.php?f=3)

- - كيف اتغلب على هذه العاده السيئه (http://www.66n.com/forums/showthread.php?t=37592)

كيف اتغلب على هذه العاده السيئه

السلام عليكم ورحمة الله وبركاته

لدي مشكله وهي النوم لساعات طويله يعني اسهر مع اخوياي في ايام الاجازات لين الفجر
وانام وما اقوم من النوم الا في العصر مع انه في بعض الشباب من اللي يسهرون معنا لكن يصحون من النوم قبل صلاة الظهر ..

اما في ايام الدوام انام يعني حول الساعه 1 الليل واصحى من النوم الساعه 5 الفجر للصلاة
وما انام الا لين ارد من الدوام الساعه 2 الظهر وما اصحى الا المغرب لكن بعض اصدقائي ينام مثل الوقت اللي انا انام فيه لكن ما ينام كثر الساعات اللي انا انام

ما ادري هذا مرض ولا وشوووووو :rolleyes:

يا ليتني لاقي حل لانها مزعجتني كثير والله :(

ولكم تحياتي

عزيزي تركي

ابعد عن نومت العصر وأنت بخير

وإذا لازم تنام حاول

ساعة فقط بعد الدوام وشوي شوي تلقى نفسك

تنام بدري مثل الدجاج

تحياتي ألك

مشكور ابو ثنيان على الرد السريع

ولكنك لم تفهم ما اقصد

انا اقصد لماذا البعض يكون نومه خفيف يعني ما يطول في النوم

وفيه بعض الاخر مثلي انا يكون ثقيل نوم ويكون وقت نومه طويل

هذا اللي انا اقده ولكم تحياتي وتقديري

طيب وش رايك

تتبرع بالدم

وراح تشوف نومك راح يصير خفيف

ياأخ تركي..

هذه بتختلف من شخص إلى آخر..

فهناك أشخاص ينامون 5 ساعات و بكفيهم..و البعض الآخر يحتاج إلى 8ساعات!

بس إعمل زي ما قلك الأخ أبو ثنيان لا تنام العصر..خفف النوم بالنهار و بتصير

تنام بدري..

أظن بتصير نوع من الخمول..حاول تستيقظ بدري كل يوم و ما ترجع تنام وقتها

عوِِد نفسك على هذا الشيء و راح تلاحظ الفرق..


	اخي تركي قبل ما ابتدي كلامي .. لازم توعد نفسك بالتغيير .. وتسعى لذلك .. مرة ومرتين وثلاث مرات لمن تتعود على نظامك الجديد .. بالنسبة لنومة العصر تسبب ارباك للبرنامج اليومي .. صحيح انك راح تعاني من1 الى 2 او 3 ساعات .. لانك راح تكون خدران .. خصوصا بعد الغدا .. ولكن راح تكمل يومك بعدها مثل الحلاوة .. وماراح تجي الساعة 9 الا السرير يقولك ويييييينك؟؟ تعال!! او .. تكون عندك مقدرة على انك تنام بعد الغدا بساعة ( وبشرط نومتك ماتتجاوز من 10 الى 15 دقيقة ) وهذي يسمونها غفوة .. وكنت استخدم هالطريقة اذا كانت عندي محاضرات على الساعة 2.30 او 4 العصر .. يتهيئ لك ماراح ترتاح .. بس هاذي يبيلها اقتناع داخلي انه كفاية نومة كم دقيقة .. وعلى فكرة البرنامج الغذائي له دور كبير في تنظيم الوقت وعدم النوم .. مثلا لاتشرب لبن بعد الغدا .. ممكن تشربه بعد مرور ساعة .. لا تاكل كثير .. ابتعد عن المشروبات الغازية ( اخوك ايمن 3 سنوات .. لاببسي ولا كوكا كولا ولا مشتقاته.. و مدخن 6 سنوات سابقا ..) اقتراح اخوي ابوثنيان جدا ممتاز ..( تبرع الدم ) اخوك

واين الصلوات بارك الله فيك ؟؟

ولسنا بحاجة لنقل فتاوى كبار العلماء في شأن من ينام عن الصلوات المفروضة

اسأل الله لك التوفيق لطاعته واجتناب معصيته