ساعدوووني أرجوكم
 

سم الله الرحمن الرحيم
مشكلتي تتمثل في إني تزوجت شخص بعد خمس سنوات حب.. وكانت من أحلى أيام عمري.. وبعد هالخمس سنوات تحديت أهلي عشان أتزوج هذا الريال.. وياليتهم ما وافقوا.. عشت أول خمس شهور عسل .. كنت أحس إني أسعد إنسانه في الكون.. بعد الخمس أشهر بدت المشاكل.. تعرف على وحده .. وهذي الوحده كانت لي صديقه أيام الطفوله في المدرسه.. ويوم كشفته زعلت ورحت بيت أهلي.. بعدها بإسبوع يا يلهث مثل الكلب عند أهلي.. يستسمح مني ويقول إنه خلاص وده يفتح صفحه يديده وما بيكررها أبد

بصراحه أنا كنت ميته من الوله عليه.. وكانت حياتي جحيم بدونه.. بس كابرت ومارجعت له.. رجع ليلة العيد.. علشان يردني.. وللأسف رديت.. عشت وياه سنتين عسل ثانيين.. بس للأسف توني عرفت إنه كان يمثل.. :mad:

قبل شهر ونص بدا يتغير.. كثرت طلعاته وتيليفوناته ومسجاته.لا ويسهر لين الساعه وحده ونص برع البيت.. ولما ناقشته في الموضوع قال لي أنا ريال أبغي أعيش حالي حالهم.

وللأسف عرفت سبب التغيير .. بس بعد فوات الأوان.. طلع متزوج نفس البنت إللي خبرتكم عنها

وهي شيعيه
ما سوى عرس
ما عطاها ولا فلس
كيف أهلها وافقوا على هذا العرس مع إنها مب مطلقه ولا أرمله
:19:


ألحين أنا أبغي أعرف كيف أرده.. لأاني والله العظيم عايشه في جحيم
أهله وأهلي ما يدرون لأنه حالف علي بالطلاق إذا حد عرف
قولولي شو الحل :(

يبقى خلاص مش ممكن يسيبها ويرجعلك
حاولي لما يجي يزورك ويقضي وقت معاكي ان يكون شكلك زي العروسة
واطبخي اكلته المفضلة وقوليله كلام حلو واساليه عن يومه وحصل ايه معاه في الشغل
كان لازم تهتمي بيه اكتر
حاولي دلوقت مع اني مظنش حيرجع زي الاول
ربنا يصبرك

يا حبيبتي
أنا كنت ومازلت مهتمه فيه كأنه طفل صغير
أكله، لبسه، مواعيده، الأشياء إللي يحبها

للأسف هذا الشي إللي مظايقنه
يقول إني من كثر إهتمامي فيه حسسته إنه طفل
وأنا دوم مهتمه بنفسي وكلام الحب ما يوقف
حتى بعد عملته هذي أحبه وأهتم فيه بس هو متغير علي وما يتقبل مني أي كلمه أو تصرف :(

بصراحة ماأقول إلا الله يعينك ويصبرك

حبيبتي قدر الله وماشاء فعل ولازم تؤمنين بالقدر وهو تزوج بالحلال وطبعاً مايصير تطلبي منه يطلقها وترتكبين أثم

بصراحة الحل الوحيد إللى أقدر أنصحك به هو إنك تتقبلي وضعك الحالي وتستمري مثل ماإنتِ في معاملتك الطيبة وإهتمامك
وخبريه إنك بتكتمي سره مو خوفاً منه ولكن حباً فيه

وصدقيني في هذه الحالة ماينفع إلا حل واحد .......وهو : إنك تقولي له مادام إن سعادته في زواجه الثاني فإنتي من حبك له بتتقبلين وبتدوسين على قلبك من أجل سعادته وراحته,,,,,,,,,,هذه الكلمات بتنغرز في قلبه ومستحيل ينساها وبتظلين كبيرة في نظره
ولابد مع الأيام بتصير مشاكل مع زوجته الثانية وعندها بيعرف مقدار حبك وتضحيتك وإنه كل ماجاء عندك لقى الحب والحنان والصدر الرحب المتسامح


حذاااااري أن يجد عندك النكد والزعل

كل شيء صار وأنتهى فأطلعي أنتِ الكسبانة ولا تخسري ولا تخليه يلاقي عندها إللى مو عندك
والمنتدى فيه أشكال وأنواع كثيرة من طرق قضاء ليال رومانسية لفي عقله بها وخليه يتذكر ليلتك وهو عندها
وطبعاً هو بيكون متغير عليك الحين يمكن بسبب ردة فعلك.....بس عوضيه الحين وبيرجع لك أحسن من الأول

وإذا دخل عندك لاتذكريه بأنه متزوج غيرك ولا تجيبين طاريها .....تخيليه إنه لك وحدك....
.ويالله هذه فرصة ترتاحين يوم وتتجهزين له يوم.

ويارب ماتكون تعرف ضرتك المنتدى علشان ماتنافسك....

الله يسعدك ويهنيك ويفتح لك في قلبه

يزاج الله خير على هذا الرد بحاول قد ما أقدر
بس المشكه إنه مايشوف شي حلو فيني مع أني أنا وأعوذ بالله من كلمة أنا أجمل منها وفي الأصل ما علي كلام بس الله يهديه ويهدينا إن شاء الله

أختي العزيزة أم مايد

مو شرط الجمال يااختي ممكن فيه شيء فيها يجذبه أكثر

ممكن زيادة الدلع أو غيره

ولاتخافين مثلها مثل أي شيء جديد يفرح به في البداية وبعدين يمل ويرجع يدور لحبه الأول والأصيل فماالحب إلا للحبيب الأول

إعتبري نفسك في حرب وإستخدمي الأساليب المجذبة له بشرط دون أن تضري ضرتك ولا تظلميها ولا تتدخلي في يومها.

الله يوفقك

اختى

بعد فتره صدقينى لما يمل منها راح يرجع للاصل وانتى حاولى معاه بشتى الطرق حاولى انه مايطلع من البيت انتى بس وسعى الصدر شوى

:( :( :(
كلام أم جمانة .....درر

الوضع محير و بصراحه ما عندي الحل المناسب
لو انا لا قدر الله كنت اغتلته من زمان هو وحبيبه قلبه
كافي انك انتي احسن منها
و دايما حطي في بالك انها مدام جت بالساهل راح تذلف بالساهل
والله مدري شفيهم الحريم هالايام استخفوا....يتزوجون من غير مهر و اي رجل ......... بس المهم ظل رجل ولا ظل حيطه.... و ان شاء الله تتركه باسرع وقت و يهدي زوجك لكي.....ينقرض صنف النساء المتطفل هذا......
سامحيني على اسلوبي بس انا اكره موضوع الزواج الثاني.....واحقد على الرجل

دوووووووووت

يرجى التدقيق في اختيار الكلمات
المشرفة Reemona