سم الله الرحمن الرحيم
مشكلتي تتمثل في إني تزوجت شخص بعد خمس سنوات حب.. وكانت من أحلى أيام عمري.. وبعد هالخمس سنوات تحديت أهلي عشان أتزوج هذا الريال.. وياليتهم ما وافقوا.. عشت أول خمس شهور عسل .. كنت أحس إني أسعد إنسانه في الكون.. بعد الخمس أشهر بدت المشاكل.. تعرف على وحده .. وهذي الوحده كانت لي صديقه أيام الطفوله في المدرسه.. ويوم كشفته زعلت ورحت بيت أهلي.. بعدها بإسبوع يا يلهث مثل الكلب عند أهلي.. يستسمح مني ويقول إنه خلاص وده يفتح صفحه يديده وما بيكررها أبد
بصراحه أنا كنت ميته من الوله عليه.. وكانت حياتي جحيم بدونه.. بس كابرت ومارجعت له.. رجع ليلة العيد.. علشان يردني.. وللأسف رديت.. عشت وياه سنتين عسل ثانيين.. بس للأسف توني عرفت إنه كان يمثل..
قبل شهر ونص بدا يتغير.. كثرت طلعاته وتيليفوناته ومسجاته.لا ويسهر لين الساعه وحده ونص برع البيت.. ولما ناقشته في الموضوع قال لي أنا ريال أبغي أعيش حالي حالهم.
وللأسف عرفت سبب التغيير .. بس بعد فوات الأوان.. طلع متزوج نفس البنت إللي خبرتكم عنها
وهي شيعيه
ما سوى عرس
ما عطاها ولا فلس
كيف أهلها وافقوا على هذا العرس مع إنها مب مطلقه ولا أرمله
ألحين أنا أبغي أعرف كيف أرده.. لأاني والله العظيم عايشه في جحيم
أهله وأهلي ما يدرون لأنه حالف علي بالطلاق إذا حد عرف
قولولي شو الحل