|
تتوقعون في شئ يترس عين الازوااااااااج؟؟؟
دايما يقولون الرجاجيل مايترس عينهم شئ ومستحيل يكونو الكل طبعا المهم عن تجربتي راح اتكلم صحيح ان مافي شخص في هالدنيا كامل وانا عن نفسي احاول بكل الطرق اني اسعد زوجي حتى لو كان على حساب صحتي وراحتي ماابي امدح روحي بس انا ماشوف اني مقصره معاه بشئ وهالشئ يشهد فيه الكل حتى ان مره بنت خالتي تقولي والله انك وايد مهتمه بزوجك ماحس اني قصرت معاه ....... اسويله مفاجأت بين كل فتره تبهره واهتم فيه كانه طفل صغير ... حتى يوم يمرض انا الوحيده اللي اهتم فيه وفي مره لقيت بجواله مسجل رقم باسم حبيبتي اشوووف ..... هذا مب رقمي ومسجل اسمي البيت :( شئ يفرح ....... المهم واجهته وطبعا قام يحط مليوووون عذر ولا اعترف بشئ وحاول يطلعني غلطانه لاني فتحت جواله بدون مااستاذن قلت يابنت لاتكبرين الموضوع وانهيه وهو عرف اني كشفته بس مثل اللي يكابر ومايعترف بالغلط المهم بعد فتره....... مادري شاللي خلاني افتح جواله واشوف الرسايل اللي عنده بس حقيقه انصدمت عن جد وشو هذااااااااااااااا رسايل من اكثر من وحده بس طبعا توبه بعد ذاك اليوم مسجل الارقام باسماء اولاد وهم بناات يبين من الاسلوووب رحت للرسايل المرسله تفاجأت برسايل الحب اللي مرسلها لاكثر من وحده وانا زوجته اللي يقول اني حبيبته وكل شئ بدنيته عمره ماارسل لي مثل هالرسايل حبست الحزن في قلبي وسكت وماوجهته بشئ والثقه مثل الزجاج اذا انكسر يمكن يتصلح بس مايرجع مثل قبل حاولت افكر انا قصرت بشئ معه ......... مالقيت شئ بالعكس ماعتقد انه ممكن يلقى مثل هالدلع اللي محصله معي شئ يقهررر .... يمكن اكون غلطانه لاني ماواجهته .... بس قلت شالفايده هو مستحيل يعترف بينكر كل شئ لان في اللحظه اللي اكتشف عليه شئ عنده يبيع الدنيا كلها ولا يخسرني المشكله اني صرت مااصدق كلامه ماابي اطول عليكم بس ودي اعررررف ليش الرجال مايترس عينهم شئ؟؟ |
اختي الرجال يترس عينهم التراب
|
اختى لا تلومين نفسك طالما انك عارفه نفسك زيييييييييييييين وبشهاده غيرك
والله حتى لو انك تارسه عينه زين وشاف الى ابرك منك بينساكى وبينسى تعبك كلللللللللللللله هذول هم الرجال ما يطمر فيهم شى لاتغيرين وتتنرفزين هذا ما يدل على عيب فيكى الا فيه هو بس دورى على عمرك لا يضيعوالى يقهرك اكثر ويوموتك لا عيرك بوحده اقل منك بكل شى شى يموت اهم شى خذى ارقام ها البنات ولا تسكتيلهم تونسى عليهم بهذليهم واشتكيهم لاهاليهم ولا تخليهم ينامون مبسوطين امااااااااااانه ههههههههه ايه افتكرت اذا قلك باى حق تفتشين جوالى او تكلمين البنات قوليله عيب عليك المفروض مالك وجه تطالع فينى ولى حق ونص والا عشان ما شوف فشايلك الله يهديه لكى سلام |
بعض الرجال مايفكرو الا بانفسهم ويتفننون بطرق الخيانه مثل مايتفننون بالاعذار
بس بصراحه انتو مدلعين ازواجكم بزياده والرجل مثل الطفل يبغاله مره حزم ومره جد والله الوحده اتربي اولادها ولا زوجها??? زمن اغبر ونصيحه نصيحه نصيحه كل وحده تحط ببالها كل الاحتمالات اللي يسوونها بعض رجال هالايام ولايستغفلنكم ولايضحكون على عقولكن خلكن واعيات وانتي يااختي الله يعينك على بلوتك اللهم لاتكلفنا مالاطاقة لنا به |
عفوا مره حزم ومره لطف .....مع انهم يستاهلون الحزم والجد مره ووحده ههههههههههههههههه
|
اهتمامك بزوجك ماراح يضيع عند الله هذا من حسن التبعل اللي حث عليه ديننا
عجبني عقلك واحسدك على تفكيرك ماشاءالله عليك ..... حاولي تذكريه بمراقبة الله لنا في كل حين فإن الذكرى تنفع المؤمنين اذا انك قادرة على تمالك اعصابك اجلسي معاه جلسة مصارحة وحاولي يكون الكلام عقلاني والحوار هادف بدون انفعال وفهميه انك متمسكة فيه وماودك تهدي بيتك عشان كذا لجأت للمصارحة ومناقشة الامر يهدوء والله يوفقك يارب |
الله المستعان بس ...
الاخت الفاضلة .. ( حبيبة زوجي )
لست أدري ماذا أقول لكِ ... أقف مواسياً لكِ .. أهمس في أذنيك بأن تذكري الله عز وجل ... والجئي إليه بالدعاء .. تضرعي إليه ... واعرضي عليه أمرك ... واطلبي منه العون سبحانه ... فهو عز وجل خير من يعين .. ليس كمثله شيء وهو السميع البصير .. له مقاليد السماوات والأرض .. يحيى ويميت وله اختلاف كل شيء ... الحقيقة أن مثل هؤلاء الرجال لم يبقوا لنا مجالا كي ندافع عنهم ( وإن كنت أشك في أنه حينما يقوم الرجل بهذه الأفعال يكون هنالك سبب وراء ذلك بغض النظر هل الزوج منصف فيها أو كاذب ومخترع لتلك الأسباب ) ... ولا أقول لهم إلا حسبي الله ونعم الوكيل ... وأجد نفسي عاجزاً أمام هذه المشكلة .. لأني أراها الوحيدة التي لا حل لها .. وضربة في القلب تؤلم .... لي عودة على هذا الموضوع .. ولكن في موضوع منفصل بإذن الله ... تصبري يا أختاه ... تحياتي ؛؛؛ |
اشكر كل من خطت يده في هذا الموضوع
انا بصراحه مااتمنى لاي وحده تكون في مثل هالموقف اللي انا صرت فيه لانه موقف صعب للغايه مجرد الاحساس بان هذا الشخص اللي واقف يقولك كلام حلو يقوله لمليون وحده غيرك شئ مؤلم الشئ الوحيد اللي يخليني احافظ على حياتي من الانهيار ولدي والله يهدي زوجي وكل اللي يسيرون على طريقه وعندي امل انه مسيره يعقل بيوم والله كريم اشكركم جميعا |
الله يهديه لك
ولكن قبل فوات الاوان سلام |
يا قلبي شنو ناطره اخذي موقف ليش ساكته
اصلا مرحلة انج تواجهين وتسكين ما سوت شي فا خلاص لازم تقررين تقوليله تغير خطك مثلا او تمسح كل الارقام احرميه من اشياء يحبهم فيج بس رخي وشدي انا مادري اشلون تتعاملين مع زوجج ولا علاقتج معاه فا ماني عارفه اشلون اخليج تحسسينه اذا انتي مو موجوده معاه ما راح يكون اصلا وجود للبنات الي تتكلمين عنهم ما راح اييون ظفرج صدقيني ... كوني متاكده انه تواجدو بوقت انتي كنتي فيه لاهيه وخلاه يفكر بهالاشياء لا سامحيني اختي اقولج انتي غلطانه لازم تاخذين موقف ما ينفع تسكتين ... |
| الساعة الآن 02:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©