تتوقعون في شئ يترس عين الازوااااااااج؟؟؟ - منتدى عالم الأسرة والمجتمع

18-04-2005, 06:56 AM

حبيبه زوجي

عضو نشيط جدا

تاريخ التسجيل: Jan 2004

المشاركات: 252

تتوقعون في شئ يترس عين الازوااااااااج؟؟؟

دايما يقولون الرجاجيل مايترس عينهم شئ

ومستحيل يكونو الكل طبعا

المهم عن تجربتي راح اتكلم صحيح ان مافي شخص في هالدنيا كامل وانا عن نفسي احاول

بكل الطرق اني اسعد زوجي حتى لو كان على حساب صحتي وراحتي

ماابي امدح روحي بس انا ماشوف اني مقصره معاه بشئ وهالشئ يشهد فيه الكل حتى ان مره بنت خالتي تقولي والله انك وايد مهتمه بزوجك

ماحس اني قصرت معاه .......

اسويله مفاجأت بين كل فتره تبهره واهتم فيه كانه طفل صغير ...

حتى يوم يمرض انا الوحيده اللي اهتم فيه

وفي مره لقيت بجواله مسجل رقم باسم حبيبتي اشوووف ..... هذا مب رقمي

ومسجل اسمي البيت شئ يفرح .......

المهم واجهته وطبعا قام يحط مليوووون عذر ولا اعترف بشئ وحاول يطلعني غلطانه

لاني فتحت جواله بدون مااستاذن

قلت يابنت لاتكبرين الموضوع وانهيه وهو عرف اني كشفته بس مثل اللي يكابر ومايعترف بالغلط

المهم بعد فتره.......

مادري شاللي خلاني افتح جواله واشوف الرسايل اللي عنده

بس حقيقه انصدمت عن جد

وشو هذااااااااااااااا

رسايل من اكثر من وحده بس طبعا توبه بعد ذاك اليوم مسجل الارقام باسماء اولاد

وهم بناات يبين من الاسلوووب

رحت للرسايل المرسله تفاجأت برسايل الحب اللي مرسلها لاكثر من وحده

وانا زوجته اللي يقول اني حبيبته وكل شئ بدنيته عمره ماارسل لي مثل هالرسايل

حبست الحزن في قلبي وسكت وماوجهته بشئ

والثقه مثل الزجاج اذا انكسر يمكن يتصلح بس مايرجع مثل قبل

حاولت افكر انا قصرت بشئ معه ......... مالقيت شئ

بالعكس ماعتقد انه ممكن يلقى مثل هالدلع اللي محصله معي

شئ يقهررر ....

يمكن اكون غلطانه لاني ماواجهته .... بس قلت شالفايده هو مستحيل يعترف بينكر كل شئ

لان في اللحظه اللي اكتشف عليه شئ عنده يبيع الدنيا كلها ولا يخسرني

المشكله اني صرت مااصدق كلامه

ماابي اطول عليكم بس ودي اعررررف ليش الرجال مايترس عينهم شئ؟؟

__________________

حبيبه زوجي

18-04-2005, 05:16 PM

ماء البحر

عضو جديد

تاريخ التسجيل: Apr 2005

المشاركات: 24

اختي الرجال يترس عينهم التراب

18-04-2005, 05:29 PM

احترت بتسجيل

قلم مبدع

تاريخ التسجيل: Nov 2004

المشاركات: 419

اختى لا تلومين نفسك طالما انك عارفه نفسك زيييييييييييييين وبشهاده غيرك
والله حتى لو انك تارسه عينه زين وشاف الى ابرك منك بينساكى وبينسى تعبك كلللللللللللللله
هذول هم الرجال ما يطمر فيهم شى
لاتغيرين وتتنرفزين هذا ما يدل على عيب فيكى الا فيه هو بس دورى على عمرك لا يضيعوالى يقهرك اكثر ويوموتك لا عيرك بوحده اقل منك بكل شى شى يموت
اهم شى خذى ارقام ها البنات ولا تسكتيلهم تونسى عليهم بهذليهم واشتكيهم لاهاليهم ولا تخليهم ينامون مبسوطين امااااااااااانه ههههههههه
ايه افتكرت اذا قلك باى حق تفتشين جوالى او تكلمين البنات قوليله عيب عليك المفروض مالك وجه تطالع فينى
ولى حق ونص والا عشان ما شوف فشايلك
الله يهديه لكى
سلام

التعديل الأخير تم بواسطة احترت بتسجيل ; 18-04-2005 الساعة 05:31 PM

18-04-2005, 05:31 PM

Nergis

عضو متألق

تاريخ التسجيل: Apr 2005

المشاركات: 742

بعض الرجال مايفكرو الا بانفسهم ويتفننون بطرق الخيانه مثل مايتفننون بالاعذار
بس بصراحه انتو مدلعين ازواجكم بزياده والرجل مثل الطفل يبغاله مره حزم ومره جد
والله الوحده اتربي اولادها ولا زوجها???
زمن اغبر
ونصيحه نصيحه نصيحه كل وحده تحط ببالها كل الاحتمالات اللي يسوونها بعض رجال هالايام
ولايستغفلنكم
ولايضحكون على عقولكن خلكن واعيات
وانتي يااختي الله يعينك على بلوتك
اللهم لاتكلفنا مالاطاقة لنا به

18-04-2005, 05:33 PM

Nergis

عضو متألق

تاريخ التسجيل: Apr 2005

المشاركات: 742

عفوا مره حزم ومره لطف .....مع انهم يستاهلون الحزم والجد مره ووحده ههههههههههههههههه

18-04-2005, 06:25 PM

النور والحنان

عضو المنتدى الفخري

تاريخ التسجيل: Jan 2005

المشاركات: 14,010

الله المستعان بس ...

الاخت الفاضلة .. ( حبيبة زوجي )

لست أدري ماذا أقول لكِ ... أقف مواسياً لكِ .. أهمس في أذنيك بأن تذكري الله عز وجل ... والجئي إليه بالدعاء .. تضرعي إليه ... واعرضي عليه أمرك ... واطلبي منه العون سبحانه ... فهو عز وجل خير من يعين .. ليس كمثله شيء وهو السميع البصير .. له مقاليد السماوات والأرض .. يحيى ويميت وله اختلاف كل شيء ...

الحقيقة أن مثل هؤلاء الرجال لم يبقوا لنا مجالا كي ندافع عنهم ( وإن كنت أشك في أنه حينما يقوم الرجل بهذه الأفعال يكون هنالك سبب وراء ذلك بغض النظر هل الزوج منصف فيها أو كاذب ومخترع لتلك الأسباب ) ... ولا أقول لهم إلا حسبي الله ونعم الوكيل ... وأجد نفسي عاجزاً أمام هذه المشكلة .. لأني أراها الوحيدة التي لا حل لها .. وضربة في القلب تؤلم ....

لي عودة على هذا الموضوع .. ولكن في موضوع منفصل بإذن الله ...

تصبري يا أختاه ...
تحياتي ؛؛؛

__________________
... ( بالحب نعيش أجمل حياة ) ...

18-04-2005, 06:20 PM

فاتن 2

عضو دائم

تاريخ التسجيل: Jun 2004

المشاركات: 87

اهتمامك بزوجك ماراح يضيع عند الله هذا من حسن التبعل اللي حث عليه ديننا

عجبني عقلك واحسدك على تفكيرك ماشاءالله عليك .....

حاولي تذكريه بمراقبة الله لنا في كل حين فإن الذكرى تنفع المؤمنين

اذا انك قادرة على تمالك اعصابك اجلسي معاه جلسة مصارحة وحاولي يكون الكلام عقلاني والحوار هادف بدون انفعال
وفهميه انك متمسكة فيه وماودك تهدي بيتك عشان كذا لجأت للمصارحة ومناقشة الامر يهدوء
والله يوفقك يارب

19-04-2005, 04:07 AM

حبيبه زوجي

عضو نشيط جدا

تاريخ التسجيل: Jan 2004

المشاركات: 252

اشكر كل من خطت يده في هذا الموضوع

انا بصراحه مااتمنى لاي وحده تكون في مثل هالموقف اللي انا صرت فيه لانه موقف صعب للغايه

مجرد الاحساس بان هذا الشخص اللي واقف يقولك كلام حلو يقوله لمليون وحده غيرك شئ مؤلم

الشئ الوحيد اللي يخليني احافظ على حياتي من الانهيار ولدي والله يهدي زوجي وكل اللي يسيرون على طريقه

وعندي امل انه مسيره يعقل بيوم والله كريم

اشكركم جميعا

__________________

حبيبه زوجي

19-04-2005, 05:57 AM

بهجة الروح

قلب المنتدى النابض

تاريخ التسجيل: Apr 2005

المشاركات: 1,142

اقتباس:

المشاركة الأصلية كتبت بواسطة حبيبه زوجي

أخيتي لا اعرف ماذا اقول لك وباي شي اصبرك

حاولي أختي الكريمه ان تخففي اهتمامكي به

اما بعض المعاتبه فهي ملح الحياة الزوجيه

بصرااااحه لو كنت مكانك لاهنته بطرق غير مباشره

بشخصيته المريضه فهذا حقا مررررررض

19-04-2005, 08:16 AM

#10

لا ارغب بالتعدد

عضو مميز ومثالي

تاريخ التسجيل: Sep 2003

المشاركات: 607

الاخت الكريمة ..
لاشك ان هذه مشكلة بعض الزيجات .. وهي تطلع الزوج الى ما عند غيره .. ويمكن التغلب على مثل هذه المشاكل بالتفاهم والحوار الهادئ وتوفير اقصى سبل الراحة للزوج من مظهر ومخبر حتى لا يظطر الزوج الى البحث عنها عند الغير.

والحقيقة اني ارى هجوما غير مبرر من قبل بعض الاخوات على الازواج وتعميم الحكم على جميع الازواج كما قالت احد الاخوات "لايملأ عين الزوج الا التراب" فهذه مغالطة للواقع وهروب من الحقيقة . والذي ورد "لايملأ جوف ابن ادم الا التراب" ويقصد فيه الرجال والنساء على حد سواء.. المرجو مراعاة مشاعرنا واحاسيسنا وعدم اطلاق الاحكام جزافا ...

اعانك الله على محنتك وصبرك على بلواك ورزقك حلما واسعا وذرية مباركة ورد لك زوجك ردا جميلا..

تحياتي للجميع

__________________
/ لا أرغب بالتعدد

اسمي يكفي عن توقيعي

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه