|
برود جنسي؟؟
بسم الله الرحمن الرحيم
السلام عليكم ورحمه الله وبركاته ترددت كثيرا قبل أن أكتب واطرح مشكلتي .. لكن لثقتي بهذا المنتدى الرائع بروعة أعضاءه تجرأت وكلي أمل ان اجد حلاً ومخرجاً.. بداية.. عمري 26 .. متزوجه من أكثر من 5 سنوات +طفل عمره 4 سنوات لا اشكو من مرض عضوي أو نفسي ولله الحمد << أعتقد ذلك الا ان كان بي شي لا اراه ولا احسه زوجي شخص طيب ودمث الأخلاق ولا أجد ما يعيبه تقريبا .. يحبني كثيرا ولله الحمد شخصيته ليست ضعيفه ولكن طيبته مبالغ بها .. بمعنى انه مثلا لا يستطيع ان يقول لي (لا) ل99% من طلباتي.. وحتى لو قالها فإنه يتراجع عنها بعد فتره وجيزه .. وذلك من شده حبه لي وخوفه من زعلي ورغبته في أرضائي بأي شكل.. الا أن مستواه الجمالي أقل مني كثيرا << ( بمعنى أدق ماهو معجبني شكله مع انه ماهو قبيح لكن ماهو وسيم ..يعني شخص عاااادي من ناحيه الشكل) طفشت من الفصحى نكمل عامي :rolleyes: أنا الى الان ما اعرف انا احبه او لا!!!!!! يعني مثلا ما اشتاق له ولا اتلهف لرؤيته اذا غاب بالرغم من اخلاقه وكرمه وطيبته وحبه الكبير وتقديره لي ولأهلي احيانا احس اني اكرهه واتمنى اني ما تزوجته .. لكن لما اتذكر صفاته واقارنه بنماذج سيئة من الازواج أسمع عنها أحمد ربي وأقول والله اني ما أستاهله لكن قلبي ماهو بيدي للأسف:( مشكلتي مشكلتين يمكن مترابطين مع بعض انتم اخبر.. اولاً: ابي احبه اعطوني حل يخليني احبه .. ادعي ربي دايم انه يحببني فيه .. لكن اتمنى لو كان فيه اسباب تدلوني عليها علشان أأخذ فيها واقدر احبه لا تقولون اني رومانسيه او مراهقه وابي حب الروايات والافلام ابي حب يخليني اشتاق له على الاقل او اخاف عليه واقدر اقوله احبك وانا اقصدها.. الجزء الثاني من المشكله: أني بارده جنسياً يعني خلال سنوات زواجي الأكثر من 5 .. ما اذكر اني استمتعت متعه حقيقيه باللقاء الجنسي .. يعني لا الام ولا متعه قويه.. افضل الحالات متعه بسيطه جدا وقد تكون وهم من خيالاتي يعني بالعربي لا عرفت وش الذروه ولا الشبق الا من قراءتي عنها في المنتديات والكتب .. مع ان زوجي يحاول بقدر المستطاع ويأدي دوره على اكمل وجه من تمهيد ومداعبه قبل وبعد وجربنا كل الاوضاع ودورنا جي سبوت ولا لقيناها يعني كل شي قريته بالمنتدى وبرى تقريبا جربته لكن بدون فايده كل شي بارد تماما .. ما احب الجنس واحيانا انقرف منه حتى القبلات وغيره مالها طعم .. مؤخرا صرت امثل على زوجي اني استمتع علشان ابسطه لكن انا لازلت ما احس بشي:( انقرف من الجنس نفسه مو من زوجي يعني هو من ناحيه النظافه والعطور توب ماشاء الله .. مدري يمكن لأني ما احبه ما استمتع معه .. او انا مريضه مع اني اعتقد مافيني شي يعني اتوقع عضويا سليمه .. وتربيتي ما كانت متشدده من هالناحيه يعني ماكان فيه كبت وعيب وهالكلام .. لكن اذكر اني تعرضت في صغري لتحرش جنسي بسيط من احد اقاربي لم يتعدى لمس فخذي مره واحده واكتشف الموضوع وصارت سالفه اذكرها الى الان وكنت مو فاهمه حتى اني ما ادركت انه تحرش الا لما كبرت يعني ما اعتبره اكثر من مشروع تحرش انتهى بالفشل الحمد لله ما اعرف وش الحل .. |
حرام عليك اسمحي لي يسمع كلامك ويطيعك ولايبي يزعلك ولاتحبينه اعوذ بالله
انا زوجي يرفض لي طلبات كثيرة واذا زعلت يسفهني ولايحاكيني يقوول مو لازم ترضين وكمان ماهو وسيم وخشن معاي ولاهو رومانسي وانا احبه كثير كثير الله يخليه لي وتوونا مكملين سنه على زواجنا بس انتي العيب منك اسمحي لي يمكن انتي تشوفين حالك عليه لانك احلى منه او شي زي كذا بس الله يهديك الوحده مالها غير زوجها انا صحيح انرفزة واخليه يعصب بس يمكن لاني مراهقه عمري 18 بس الحمدلله احبه حيل مع كل عيوبه وصفاته الشينه لان الانسان ماهو كامل كل انسان فيه عيوب وفيه محاسن الواحد يشووف نفسه بعدين يشووف غيره الله يحببك بزوجك ويسعدك |
اصعب احساس اذا الانسان يمثل ولكن نصيحتي لكي ارقي نفسك بايات قرانيه وراح تحبينه لان الحب يتولد بعد المعاشره والدليل زمان اهلنا الماضي ما عرفو الحب الا بعد المعاشره والالفه
والله يسعدك ويوفقك |
صدقيني أنك لم تعرفي مقدار النعمة التي أنت بها . . . على كل حال أنتما مع بعضكما منذ 5 سنوات أو أكثر ومع ذلك لك منه طفل ولم تحبينه هذا أمر عجيب رغم كل الصفات الجميلة التي به اختي الشكل أو جمال الوجهة يزوال مع السنين رغم أن الجمال ليس مقياس في الرجال بل هو مقياس بالنساء وأن المراة الجميلة لن ولم تبقى على حاليها بل سوف تهرم مع مرور الايام لذا أستمعي الى هذه القصة يحكى أن رجل من الصحابة والله أعلم كان متزوج أمراة ذات جمال فائق قد يفوق أنت ما علينا وهو رجل قبيح فدخل عليها ذات يوم فقال لها أنا وأنت في الجنة قالت كيف عرفت ذلك فقال بالنسبه لك أنت فقط صبرتي على قبحي فلك أن شاء الله الجنه أما أنا فقط أغني الله بجمالك عن الحرام والوقوع فيه لإاسأل الله أن يدخلني بذلك في جناته لذا فاتقي الله في زوجك وولدك . . . أما البرود الجنسي من الواضح أن العامل النفسي الذي زرعتية من ألاول وهو عدم حبك لزوجك لع دور كبير في هذا الامر لذا راجعي نفسك وسوف تجدي الحلول لهذه المشكلة
|
نعم اختي الفاضلة .. مثل ما قال الإخوة .. انت في نعمة يحسدك عليها الكثير .. زرج طيب ومهذب وغير مقصر ..
اعتقد مشكلتك نفسية ، فلا توجد إمرأة كاملة والكمال لله .. وكذلك لا يوجد رجل كامل .. فالله سبحانه وتعالى يأخذ ويعطي .. اقرأي سنة رسولنا الكريم مع نسائه ولنا في رسولنا فداه أبي وأمي أسوة حسنة ابدأي معاشرتك مع زوجك بالأدعية الشرعية اقرأي الأذكار اليومية في الصباح والمساء تبعد الوساوس عن حياتك بإذن الله |
مشكلتك تكمن في نفسك فلن تستقيم الحياة في وجود عوامل مثل الغرور والكبر والغياذ بالله منه
ارجو ان تراجعي نفسك وتفكري وتتفكري وتتقي الله اولا واخر في زوجك صدقيني لن تجدي افضل منه فاطردي وساوس الشيطان مع تمنياتي لكم بحياة سعيدة |
اقتباس:
آميييييين وياك يارب وانا معك في كل اللي قلتي كلامك مقتنعه فيه تماما اعرف حرام علي كل هذا ولا احبه .. ومثل ماقلت في الموضوع اني اذا قارنته مع ازواج ثانيين احمد ربي عليه واعرف اني في نعمه .. واحس اني ما استاهله ..فهو في حسن الخلق يفوقني بمراحل.. يمكن اشوف حالي عليه شوي واعرف ان هالشي قله عقل و في قراراة نفسي اعرف انه افضل مني لكن مو قادره احبه ..هنا المشكله.. اللي يقهر اكثر ان الناس يحبووووونه مرررره .. من حسن خلقه كل من يعرفه يحبه .. وانا زوجته مو قادره احبه الله يجزاك خير على الرد |
اقتباس:
امين وياك يارب.. راح اعمل بنصيحتك ان شاء الله والله يجزاك خير على الرد |
اقتباس:
واعرف انه على كل صفاته المفروض اموت فيه مو بس احبه .. بس ما احبه .. الحب شي لا ارادي .. كيف اتحكم فيه؟؟حاولت كثير والله .. لكن .. القلوب جنود مجنده وبالنسبه للبرود يمكن يكون السبب اللي طرحته صحيح . ويكون هناك علاقه بينه وبين عدم حبي له .. طيب ابي حل انا.. كيف اراجع نفسي؟؟ يعني انا عارفه المشكله قبل ما اراجع نفسي بس ابي الحل.. الله يجزاك خير على الرد |
اقتباس:
الحمد لله على النعمه وانا اقرأ الدعاء قبل المعاشرة وراح احاول اواظب على الاذكار ان شاء الله الله يجزاك خير على الرد |
| الساعة الآن 09:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©