بسم الله الرحمن الرحيم



السلام عليكم ورحمه الله وبركاته


ترددت كثيرا قبل أن أكتب واطرح مشكلتي .. لكن لثقتي بهذا المنتدى الرائع بروعة أعضاءه تجرأت وكلي أمل ان اجد حلاً ومخرجاً..

بداية..


عمري 26 .. متزوجه من أكثر من 5 سنوات +طفل عمره 4 سنوات
لا اشكو من مرض عضوي أو نفسي ولله الحمد << أعتقد ذلك الا ان كان بي شي لا اراه ولا احسه
زوجي شخص طيب ودمث الأخلاق ولا أجد ما يعيبه تقريبا .. يحبني كثيرا ولله الحمد
شخصيته ليست ضعيفه ولكن طيبته مبالغ بها .. بمعنى انه مثلا لا يستطيع ان يقول لي (لا) ل99% من طلباتي.. وحتى لو قالها فإنه يتراجع عنها بعد فتره وجيزه .. وذلك من شده حبه لي وخوفه من زعلي ورغبته في أرضائي بأي شكل..
الا أن مستواه الجمالي أقل مني كثيرا << ( بمعنى أدق ماهو معجبني شكله مع انه ماهو قبيح لكن ماهو وسيم ..يعني شخص عاااادي من ناحيه الشكل)
طفشت من الفصحى نكمل عامي
أنا الى الان ما اعرف انا احبه او لا!!!!!! يعني مثلا ما اشتاق له ولا اتلهف لرؤيته اذا غاب
بالرغم من اخلاقه وكرمه وطيبته وحبه الكبير وتقديره لي ولأهلي
احيانا احس اني اكرهه واتمنى اني ما تزوجته ..
لكن لما اتذكر صفاته واقارنه بنماذج سيئة من الازواج أسمع عنها أحمد ربي وأقول والله اني ما أستاهله لكن قلبي ماهو بيدي للأسف


مشكلتي مشكلتين يمكن مترابطين مع بعض انتم اخبر..


اولاً:
ابي احبه
اعطوني حل يخليني احبه ..
ادعي ربي دايم انه يحببني فيه ..
لكن اتمنى لو كان فيه اسباب تدلوني عليها علشان أأخذ فيها واقدر احبه
لا تقولون اني رومانسيه او مراهقه وابي حب الروايات والافلام
ابي حب يخليني اشتاق له على الاقل او اخاف عليه واقدر اقوله احبك وانا اقصدها..


الجزء الثاني من المشكله:

أني بارده جنسياً
يعني خلال سنوات زواجي الأكثر من 5 .. ما اذكر اني استمتعت متعه حقيقيه باللقاء الجنسي .. يعني لا الام ولا متعه قويه.. افضل الحالات متعه بسيطه جدا وقد تكون وهم من خيالاتي
يعني بالعربي لا عرفت وش الذروه ولا الشبق الا من قراءتي عنها في المنتديات والكتب ..
مع ان زوجي يحاول بقدر المستطاع ويأدي دوره على اكمل وجه من تمهيد ومداعبه قبل وبعد وجربنا كل الاوضاع ودورنا جي سبوت ولا لقيناها يعني كل شي قريته بالمنتدى وبرى تقريبا جربته لكن بدون فايده كل شي بارد تماما .. ما احب الجنس واحيانا انقرف منه حتى القبلات وغيره مالها طعم ..
مؤخرا صرت امثل على زوجي اني استمتع علشان ابسطه لكن انا لازلت ما احس بشي
انقرف من الجنس نفسه مو من زوجي يعني هو من ناحيه النظافه والعطور توب ماشاء الله ..
مدري يمكن لأني ما احبه ما استمتع معه ..
او انا مريضه مع اني اعتقد مافيني شي يعني اتوقع عضويا سليمه ..
وتربيتي ما كانت متشدده من هالناحيه يعني ماكان فيه كبت وعيب وهالكلام ..
لكن اذكر اني تعرضت في صغري لتحرش جنسي بسيط من احد اقاربي لم يتعدى لمس فخذي مره واحده واكتشف الموضوع وصارت سالفه اذكرها الى الان وكنت مو فاهمه حتى اني ما ادركت انه تحرش الا لما كبرت يعني ما اعتبره اكثر من مشروع تحرش انتهى بالفشل الحمد لله

ما اعرف وش الحل ..