|
الحل الوحيد للعنوسة
الحل الوحيد للعنوسة هو الزواج ولعل الاغلب هو حل الزواج الثاني وبرغم موافقة الكثيرات من العوانس لهذا الحل وبرغم انتشار كل ما تم اقتراحه من وسائل للزواج مثل : 1) الخطابات الموثوق بهن 2) مواقع الزواج 3) اللجان الخيرية للزواج لكن جميع هذه الحلول والوسائل فشلت لأن العيب ليس في الوسيلة فالخطابات ومواقع الزواج واللجان الخيرية للزواج موجودة وبكثرة لكن العيب هم في نوعية الرجال اللي يذهبون لهذه الاماكن اغلبهم ان لم يكن جميعهم اشباااه رجال اما متزوجون يبحثون عن زواج بالسر؟؟؟ دون علم زوجاتهم وهؤلاء الغالبية العظمى منهم ( وتعرفون مخاطر زواج السر) او متزوجون يبحثون زواج مسيار وياليتهم فعلا يطبقونه كما امر به الشرع بل تجدهم يتزوجون ويطلقون ويبحثون عن زواج مسيار اخر حتى اصبحت البنت سلعة تنتقل بين ايديهم او مدمنين وسكارى او فاسدون وعليهم قضايا او كبار سن على مشارف الستين وهناك من يبحث عن زواج نهاية الاسبوع <<<<<هذا ما اضحكني يعني يكون زوجها فقط خميس وجمعة ( وقت الاجازة وباقي الاسبوع ما يعرفها) وصدقوني يا من تطرحون الحلول العانس لم تترك وسيلة للزواج الا وطرقتها خذ على سبيل المثال انا وزميلاتي جربنا جميع تلك الطرق النتيجة هي الرجال السابق ذكرهم وياليت الامر وقف عند هذا الحد بل اغلبهم ان لم نقل جميعهن يشترطون الجمال في المقام الاول وان لا يزيد عمرها عن 35 لدرجة ان وحدة من زميلاتي عندما رأتها احدى الخطابات قالت لها انتي ما اقدر ازوجك شوفي غيري( لان البنت حظها قليل من الجمال) <<< مع العلم ان اغلب البنات اللي عند الخطابات حظهن قليل من الجمال ولولا الشكل وتقدمهن بالعمر لما ذهبن الى الخطابات بالرغم انهن اصيلات ومن قبائل معروفة واسر مشهورة وموظفات ويملكن شهادات عالية اللي دكتورة واللي ماجستير واغلبهن جاامعيات وعلى قدر كبير من الاخلاق والدين ربما من افضل وسائل الزواج هي الزواج عن طريق المشايخ وائمة مساجد لكن هؤلاء يقتصر طلبهم على البنات الملتزمات فقط كما ان من تعدت ال35 لايزوجها الشيخ الا من متزوج كبير السن حيث اغلب الشباب متزوجون لكن يرغبون في بنات لم يتجاوزن 35 من العمر ويكفي ما تواجهه البنات من احراج واحساس بمذلة ومهانة عند الجوء الى هذه الوسائل فالخاطب عن طريق هذه الوسائل كثيرا ما يساوم الفتاة على كل شي حيث يطالب باقل المهور ويحدد وقت المبيت ربما مرة او مرتين بالاسبوع ويرفض اقامة حفل الزفاف بل يرفض حتى احضار اهله ( امه وخواته لخطبة البنت) وعند الحضور يحضر للخطبة لوحدة وليس معه احد من الرجال؟؟؟؟؟؟؟ كفانا اهانة لانفسنا وتقليل من قيمتنا كفانا عرض لانفسنا كأننا سلع انتهت صلاحيتها والله بعد ما شفت الويل والاذلال من هذه الوسائل اني كرهت نفسي وكرهت الرجال مع العلم والله يشهد على ماقول اني لا احتاج للخطابات ولا غيره لاني ولله الحمد جميلة واصيلة وجامعية شي واحد فقط اجبرني للذهاب للخطابات وهو العمر وقلة حضوري الاجتماعي فمازلت اخطب لكن العمر اصبح العائق الان الحمدلله على كل حاال |
موضوعك جدا جدا رائع
ولي نقطة حبيت اوضحها اختي ليدي.. المواقع هذي اغسلي يدك منها اللجان الخيرية اتفق معك نوعية الرجال اللي يلجأون لها لكن الخطابة لالااااا ماهو شرط تعرفين ليه؟؟ أخوي الآن خاطب عن طريق خطابة . دورنا دورنا ومالقينااا وأغلب البنات اللي اعرفهم متزوجات اوماهم من مواصفات أخوي فلجأت لها والدتي الله يحفظها والحين امورهم ماشية ان شاء الله. واخوي شاب ماعليه اتمنى يجيني مثله والله ومع ذلك لجأ لخطابة وعلى فكرة ماهو شرط البنت تروح لخطابة وتضع رقمها واسمها ترى الخطابات يروحون لزواجات وحفلات وجامعات ومدراس.. تاخذ ارقام وأسماء بدون مايدرون البنات!! والخطابة وظيفتها تجيب اسم البنت ومن وين ومواصفاتها ونفس الشي في الشاب وبس!! والسؤال والأخلاق والوظيفة والباقي هذي على الأهل |
تنبيه إداري تكرار المخالفة يعرض عضويتك للإيقاف راجع البند 17 من تعليمات الكتابة في المنتدى http://www.66n.com/forums/announcement.php?f=3 المراقب / وجه الخير |
بارك الله فيك
|
جزاك الله الف خير
لا تنسونا من الدعاء |
بارك الله فيك
|
مو كل خطابه سيئه او يجونها ناس تعبانه
انا عندي تجارب مع الخطابات فسرت اعرفها بمجرد اول كلمات معاها اعرف نوعيتها اعرف خطابات لا يمكن تحط رجال عندها الا بعد ما تسال عنه زين ويكون جاي عن طريق رجال ثقه اما شيخ او رجل ملتزم وفيه وحده ماتزوج المتزوجين والمطلق مو كلهم همهم المادي فقط وفيه بعضهم ماتاخذ من البنت تاخذ من الرجال فقط انا جربت اكلم شيخ وكلمت واحد جدا معروف جاني منه سيل من الاهانات وان همنا الزواج فقط انا ابغى الستر وحاولت اجيب رقم امام مسجدنا المعروف بالقاء المحاضرات ماذا كان رده؟؟؟ انا ماعندي جوال ولا اتدخل وين تبغون نروح؟؟ انا جميله ولا احب امدح نفسي ومن عائله معروفه لكن لم يتفدم لي احد وين اروح؟ |
خواتي عليكن بالدعاء
اكيد بعد الصبر ربنا راح يعوضنا لا تذلون نفسكم بالطلب من الناس الواحد يسعى على قد ما يقدر لكن ينتبه بعد لنفسه اعرف بنات راح عند خطابات مو ثقه وصارت لهن مشاكل وسمعنا عن خطابات معروفات لكن الرجال ما يريدون مسؤوليه او اخلاقهم تعبانه ادعو الله لا تقنطوا من رحمة الله احس بالمعاناه مثلكن لكن الصبر افضل من زواج بلا وعي |
حبيبتي ام مزه تراني مثلك ولا حد دق الباب
ودياما ادعي لك ان شاء الله ناخ رياييل يموتون فينا ةيعةضةنا عن الأهانه التي تعرضنا لها |
[/SIZE]:14:
|
| الساعة الآن 06:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©