[grade="008000 FF6347 008080 4B0082 0000FF"]د. أمنية هلال
مدرس أمراض النساء والتوليد بالقصر العيني





اتكلمنا المرة اللي فاتت عن التغيرات اللي بتحصل في جسم البنت بعد البلوغ وقلنا إنها تغيرات جسمانية ونفسية وسلوكية.. وذكرنا كل التغيرات الجسمانية، والمرة دي هنتكلم عن بقية التغيرات اللي بتحصل...

إيه هي التغيرات النفسية والسلوكية اللي بتحصل عند البلوغ؟

- الخجل والحساسية الشديدة، والانطواء على النفس وتكوين عالم خاص بالبنت (يعني بتبقى منها لنفسها).

- التوتر العصبي وتقلب المزاج والانفعال السريع وعدم ضبط النفس... وده بيرجع لتغيير نسبة الهرمونات في الجسم.


- الاهتمام بالمظهر الخارجي... ومقارنة نفسها بغيرها وخصوصاً أصحابها.

- القلق الزايد من نظرة الآخرين ليها والتقرب من الأصدقاء والتأثر بيهم والميل للارتباط بيهم وكثرة انتقادات تصرف الآخرين وتحديداً الأهل. ومحاولة التمرد والتحرر من قيود العائلة ومن أوامر الوالدين والحرص على الاستقلالية.

دلوقتي كتير من البنات
قدروا يلاقوا تفسير للتغيرات اللي بتحصل لهم...
وكتير من الأمهات
عرفوا ليه بناتهم بيتصرفوا بطريقة غريبة...


إيه هو البلوغ المبكر؟

زي ما قلنا قبل كده إن البلوغ بيحصل من سن 10 إلى سن 15 سنة، معنى كده إن البنات اللي بيبلغوا قبل السن ده بيكون عندهم "بلوغ مبكر" والبنات اللي بيبلغوا بعد السن ده بيكون عندهم "بلوغ متأخر".


البلوغ المبكر... هو ظهور صفات الأنوثة للبنت قبل سن 8 سنوات أو حدوث الحيض قبل 10 سنوات .
البلوغ المتأخر... هو تأخر ظهور علامات البلوغ حتى سن 17 سنة مع ظهور الصفات الأنثوية بطريقة طبيعية.


طب إيه مشاكل فترة المراهقة أو البلوغ؟

من مشاكل فترة المراهقة...

• زيادة كمية دم الدورة بصورة ملحوظة عند كتير من البنات وده بيرجع لأن الأجزاء المسئولة عن
إفراز الهرمونات بصورة كاملة لسه ماكتملش تكوينها.

• وده بيؤدي لعدم انتظام الدورة الشهرية في الفترة الأولى.

• التوتر النفسي قبل فترة الحيض، وده شيء طبيعي نتيجة لزيادة هرمون اسمه "البروجستيرون"
وده بيحصل خلال وقت محدد قبل كل حيض وبتختفي الأعراض دي في باقي أيام الدورة،
والأعراض دي بتكون السبب في الارتباك الدراسي والعائلي اللي بيحصل.


كلمة في سرك!!

من الطبيعي إن كل بنت في الفترة دي تحاول الاستقلال بشخصيتها وتحاول تبعد عن سيطرة والديها والاستماع إلى نصايحهم.

ولكن لازم تعرفي يا صديقتي أن الآباء والأمهات هم أحرص الناس على سلامتك, وإنهم مروا بمرحلة المراهقة قبل كده ومدركين كل اللي بيحصلك من تغيرات، وبما إن البنت في المرحلة دي بتحتاج للي تصارحه بكل اللي بيدور في ذهنها من أسئلة وأفكار فمش هتلاقي أحرص من والديك عليكِ.

عشان كده لازم تبدئي بفتح الحديث معاهم دون حرج وحسيسيهم بإنك في حاجة لسماع نصايحهم... وبكده هتكتسبي صديق جديد.. هو أعز صديق ليكِ في الدنيا.[/grade]



طب إيه السبب في المغص الفظيع اللي بيجي مع الدورة الشهرية؟؟
وازاي تعتني بنفسك أثناء الدورة؟؟
ده بقى اللي هنتكلم عنه العدد اللي جاي..
استنونا وتابعونا


[IMG]http://**********************/fdaey3/up_ar/ar/da.gif[/IMG]

[IMG]http://******************/up/uploads/60e57c413d.gif[/IMG]

البلوغ (1)

×÷·.·°¯`·)» تعرفي إيه عن جسمك؟؟ (2) «(·°¯`·.·÷×

×÷·.·°¯`·)» (تعرفي إيه عن جسمك؟؟ ) «(·°¯`·.·÷×