|
ساعدوني اثابكم الله ..
السـلام عليـكم .. لدي مشكله سأختصرها بقدر الإمكان .. لعل وعسى تساعدوني .. ابلغ من العمر 18 سنه مخطوبه لشخص احببته واحبني دامت علاقتنا مدة 5 سنوات ثم كتب الله لنا ان يتم عقد القران .. الى هذه اللحظه وانا احبه ويحبني ولا اشك في ذلك ابداً ولكن المشكله التي اشكو منها ليلاً مع نهاراً لنا سنه مخطوبين الآن وهو غير قادر على التأقلم على حياة المخطوبين ويعد نفسه وكأنه ( عزوبي ) يعني انا مو مقصره معاه بشي والشهاده لله .. ولا فيني شي ينفر بشهادة الجميع واخذني عن قناعه وانا متأكده من ذلك .. لكن فيه اهمال مو طبيعي يعني لما اشوف اهتمام الخطاب بخطيباتهم تصيبني الغيره هذا يتصل وهذا يجيب وهذا مايقدر على بعدها وانا يمر اسبوع لو ما اتصل له يافلان تعال .. خلني اشوفك مايجي من نفسه انا ما اظلمه احيان صحيح يجي ساعه او ساعتين يجلس ويروح ولكن على الأغلب لا انا كأني طراره اتصل فيه تعال .. نروح نتعشى مطاعم لكن مايوديني الكورنيش .. البحر... تمشيات في المجمعات ولكن مع اصحابه يروح .. والمشكله اصحابه متزوجين وعزاب .. يعني يوم الي المتزوجين يودون حريمهم بيت اهاليهم ويحتاروا في عمرهم وين يروحوا يتصلوا فيه تعال نطلع وتعال نروح وهو مايرفض ابد حتى ولو على حسابي .. يوم الي العزاب بيروحوا رحله مايرفض ويروح معاهم حتى لو انا ماشفته !! طيب انا اعذره عمله متعب ومايرجع الا متأخره ولكنه الخميس والجمعه المفروض يجيني فيهم .. لا اذا بيجي خلاص اما لي العصر او لي الليل .. وبعدين لازم يروح لأصحابه .. تكلمت معاه يمكن لي 3 - 4 اشهر وانا اعيد نفس الموال عليه يافلان اهتم ومايصير الي تسويه وانا لي حق عليك .. اما يسكت ولا يقول ماعندي رد وانا ادري عنه ان عند نفسه غلطان ووعدني ذات مره لما زعلت منه انه راح يتغير وتغير له اسبوع ورجع على نفس الموال .. لا احمله فوق طاقته .. ولا اطلب منه الي مايقدر عليه .. ولا ازعجه بإتصالات .. غير ذا جواله طول ماهو جالس معي نص الوقت او ثلاثة ارباعه اتصالات.. ومايقدر يقفله اخاف يموت !! مره طفح الكيل .. وقلت الى اخته وكلمته وقام يتعذر ويتحجج وتغير اسبوع ورجع لنفس الحاله كلمت امي قالت لي بعدك ماشفتي من الرجال شي !! خلي صبرك طويل .. واصحابه بعدين من يتزوجوا كل واحد بينشغل في حياته انا صديقته وقريبه منه جداً وهو كذلك نفس الشي ولما اقول له لمين اشكي من باقي ماشكيت له يقول لي اشكي عندي طيب اشكي عندك وانت ماراح تتغير مابي كلام تعبت من الكلام وافعال مافي .. طيب انا تعبت ومو لاقيه حل وزواجي باقي عليه فتره طويله صعب اعيش على ذا الحال واحس انه ظلمني معاه وبديت ادعي الله يشغل اصحابه عنه ويبعدهم عنه |
اختي دائما يصعب على الرجل التغير من حال الى حال
بعكس المرأة التي تتأقلم على الظروف وتتكيف معاها اذا مانفعت الصراحة الجئي الى الحيلة يعني حسسيه في مكالماتك ايش قد انتي متشوقة له وايش قد ودك تشوفينه اعزميه عالعشاء برى البيت على حسابك او حاولي تتعلمي اشياء عن اهتماماته مثلا اذا زوجك يحب كرة القدم مثل باقي الرجال تعلمي اسماء الفرق الي يحبها واللاعبين وخذي واعطي معه تعلمي بعض الالعاب الخفيفة اذا كان من النوع الي يلعب في القواهي اذا هو رياضي ويتمشى قولي له ابي انزل وزني قوم نمشي عالكورنيش انا وانت يعني حاولي تدخلي الى عالمه بس لاتنسي ان الانسان يحتاج الى الصحبة ( الاخيار ) ومن فترة لفترة لازم يلتقي بالناس هذا الي اقدر اقوله لك والله يعينك ويصبرك ويهديه ويكتب لك الي فيه الخير |
شكراً جزيلاً على التجاوب ..
مع الأسف .. حتى الأسهم وعالم الأرقام الي ما احبه تعلمته علشانه وعرفت له بس عشان اعرف اخذ واعطي معاه وهو مجال يحبه ولكن لا حياة لمن تنادي .. وبالنسبه للكلام لا اقصر ولا في رسائل الجوال ولا حتى الإيميل .. عشان لا اكون مقصره .. واضيع فرصة تواصل معه .. ولكن الآن لنا سنه معقول ماتكيف .!! وش هالعقده احيان اقول طيبتي الزائده معه هي السبب ولكني عندما اعترض على ذلك .. حتى ولو كان بإسلوب لطيف رغم عصبيته وصراحته الزائده اللتان لا اتوقع لأحد يتحملانها غيري .. يقول انني نكديه !! طيب ومو معقول يعني اني كل مره اسكت وكأني لا رأي لي ولا احساس ولا مشاعر ! |
مادري عزيزتي اخاف اقول شي يضيق صدرك انت على حق وحيرة والمك بحق اذا من البدايه كيذا شلون بعدين هذه
الفتره يتمناها حتى اللي تزوجوا ويحلم فيها كل المخطوبين الغزلنجي والصايع والطالح يقدسون هالمرحله . الله اعلم استخيريه بزواجك لانه لايعقل اللي قاعد يصير وراجعي حساباتك هل هو صادق بحبك والا انت متوهمه وان كان صادق مالذي يحدث معه هل تخلي عن المسؤليه اوانعدام الا حسا س فائق عنده نصيحه عزيزتي والقرار قرارك لاتتعجلين ودعي الرومنسيه جانبا انا مااقول ان السبب انك رومانسيه بالعكس هالفتره لابد من الرومانسيه ولكن لتخرجين بقرار صائب وفكري فيه على انه اخوك وشوفي صفات الاخوه وركزي على الرجوله صفات الرجل الحقيقي وبعدها قرري اذا ماينقصك الا الاهتمام وانك تقدرين تتحملين هالشي بعد الزواج فغضي الطرف عن الامور الاخرى مع انه بصراحه الجواب من عنوانه والله يعينك ويكتب لك اللي فيه الخير او يمكن عزيزتي شبع خمس سنوات مع بعض والحين صرتي ملكه ويبي يستمتع مع اصحابه لانه الزواج بيشغله عنهم |
اختي الكريمه ليش ما تخلين احد من طرفج او طرفه مثلا اخوج او اخوه هو او ابوه ان يكلمون ربعه ويقولون لهم لا يمرون عليه او يشرحون لهم ان هو توه خاطب وانتو ماخذينه عن خطيبته يمكن يتفهمون وما يقولون له عن روحاتهم ويعزمونه وياهم جربي يمكن يفيد معاه......واتمنى لج التوفيق
|
المشكله هو الكبير .. واخوته واخوتي صغار !!
وماينفعوا يتدخلوا في هذي المشاكل وصعب اقول لأبوي او ابوه ماراح يتفهموا الأوضاع .. انا قلت له تعال خذ هداياك وعطورك ماعاد تجيب الذكريات الا الألم انت انسان مهمل وانا استاهل انسان يقدرني وانت مو قادر تتخلص من حياة العزوبيه هو قال لي فكري في كلامك !! طيب انا كل مره ارضى وماينفعني الرضى في شي وش اسوي !! |
اقترح عليك اختي انك تبعدين شوي عنه ...
خليه يفقدك ... وادري هالشي صعب مرة عليك بس حاولي تلهين نفسك باهتماماتك ولا يصير هو كل محور حياتك وبيني له انه لك اهتماماتك و حياتك الخاصة و هواياتك .. واظن بالعكس راح ينبهر فيك اكثر و راح يشتاقلك اذا فقدك و بيلاحقك و بتشوفين ... انتي جربي .. منتي خسرانه شي وبالتوفيق يا رب |
ينقل إلى عالم المقبلين على الزواج ليجد التفاعل المنشود
تحياتي،،، |
ليتني اسلى ...
اشكر لكِ تجاوبه وانا متأكده لا اتوهم ولكني الآن احبه لذلك لا استطيع العيش معه .. عيشه اخويه .. ولا اريد اهدم مابنينا سوياً |
woho
انا مصبره نفسي بعد شهرين ان شاء الله راح اسافر واقول يمكن بعد سفري عنه راح يتغير وهذا ما اتوقعه اشكرك .. |
| الساعة الآن 12:38 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©