ساعدوني اثابكم الله ..
السـلام عليـكم ..
لدي مشكله سأختصرها بقدر الإمكان ..
لعل وعسى تساعدوني ..
ابلغ من العمر 18 سنه مخطوبه لشخص احببته واحبني دامت علاقتنا مدة 5 سنوات
ثم كتب الله لنا ان يتم عقد القران ..
الى هذه اللحظه وانا احبه ويحبني ولا اشك في ذلك ابداً ولكن المشكله التي اشكو منها ليلاً مع نهاراً
لنا سنه مخطوبين الآن وهو غير قادر على التأقلم على حياة المخطوبين ويعد نفسه وكأنه
( عزوبي ) يعني انا مو مقصره معاه بشي والشهاده لله .. ولا فيني شي ينفر بشهادة الجميع
واخذني عن قناعه وانا متأكده من ذلك .. لكن فيه اهمال مو طبيعي يعني لما اشوف اهتمام الخطاب
بخطيباتهم تصيبني الغيره هذا يتصل وهذا يجيب وهذا مايقدر على بعدها وانا
يمر اسبوع لو ما اتصل له يافلان تعال .. خلني اشوفك مايجي من نفسه
انا ما اظلمه احيان صحيح يجي ساعه او ساعتين يجلس ويروح ولكن على الأغلب لا
انا كأني طراره اتصل فيه تعال .. نروح نتعشى مطاعم لكن مايوديني الكورنيش .. البحر... تمشيات في
المجمعات ولكن مع اصحابه يروح .. والمشكله اصحابه متزوجين وعزاب ..
يعني يوم الي المتزوجين يودون حريمهم بيت اهاليهم ويحتاروا في عمرهم وين يروحوا
يتصلوا فيه تعال نطلع وتعال نروح وهو مايرفض ابد حتى ولو على حسابي ..
يوم الي العزاب بيروحوا رحله مايرفض ويروح معاهم حتى لو انا ماشفته !!
طيب انا اعذره عمله متعب ومايرجع الا متأخره ولكنه الخميس والجمعه المفروض يجيني فيهم ..
لا اذا بيجي خلاص اما لي العصر او لي الليل .. وبعدين لازم يروح لأصحابه ..
تكلمت معاه يمكن لي 3 - 4 اشهر وانا اعيد نفس الموال عليه يافلان اهتم ومايصير الي تسويه
وانا لي حق عليك .. اما يسكت ولا يقول ماعندي رد وانا ادري عنه ان عند نفسه غلطان
ووعدني ذات مره لما زعلت منه انه راح يتغير وتغير له اسبوع ورجع على نفس الموال ..
لا احمله فوق طاقته .. ولا اطلب منه الي مايقدر عليه .. ولا ازعجه بإتصالات ..
غير ذا جواله طول ماهو جالس معي نص الوقت او ثلاثة ارباعه اتصالات.. ومايقدر يقفله اخاف يموت !!
مره طفح الكيل .. وقلت الى اخته وكلمته وقام يتعذر ويتحجج وتغير اسبوع ورجع لنفس الحاله
كلمت امي قالت لي بعدك ماشفتي من الرجال شي !! خلي صبرك طويل .. واصحابه
بعدين من يتزوجوا كل واحد بينشغل في حياته
انا صديقته وقريبه منه جداً وهو كذلك نفس الشي ولما اقول له لمين اشكي من باقي
ماشكيت له يقول لي اشكي عندي طيب اشكي عندك وانت ماراح تتغير مابي كلام تعبت
من الكلام وافعال مافي ..
طيب انا تعبت ومو لاقيه حل وزواجي باقي عليه فتره طويله صعب اعيش على ذا الحال
واحس انه ظلمني معاه وبديت ادعي الله يشغل اصحابه عنه ويبعدهم عنه
التعديل الأخير تم بواسطة أطيـاف الخليـج ; 18-06-2006 الساعة 12:05 PM
18-06-2006, 12:01 PM
ضوابط المشاركة
العرض الشجري