|
زوجي والثالثه !
نوروني الله ينور عليكم
أنا متزوجه من 6 سنين وكان عمري 17 ولي بنتين منه ومستانسه مع زوجي في بلد الغربه من اجل الدراسه ,وماباقي شيئ على رجعتنا للديار والأهل . قبل 3 شهور حدث امر طارئ على زوجي . كان يكتب في الكمبيوتر علشان محاضره بيلقيها على القسم تبعه , انا جلست جنبه وفجأه شفت صورته مع وحده كنديه .. ماستوعبت لثواني ايش اللي صار , لما سألته ارتبك وقال لي ( بغيت اقول لك من زمان , هذي وحده انا تزوجتها ) انا ماصدقته وقلت لك ( انت تكذب علي) لأن حتى ظروفنا الماليه وحالة زوجي النفسيه مو مهيئه انه يتزوج علي. أخذني بحضنه وفهمني انه تزوج على ورق لأنه كان يبغى يساعدها ( هي كانت ساكنه عند اهلها, عمرها 28 سنه ويصرفون عليها , وسمعت عن الاسلام وسألت ناس كثيرين وأشاروا لها انها تسأل زوجي , وكتب الله الهدايه على يده , بعد كذا اهلها طردوها وماصرفوا عليها , وزوجي تأثر فاتفقوا انهم يتزوجون على ورق عند شيخ , وبعدين صور معها على أساس انها تخلي اهلها يشوفون انها تزوجت منه ) والشيخ اللي عقد لهم حاول بزوجي انه يفكر بالموضوع . زوجي انسان يقدر المسؤوليه . انا طاب خاطري ومشيت الموضوع على اساس انه ممكن اذا تحسنت اوضاعها ممكن يطلقها وتعيش حياتها . اللي صار انه زوجي بعدها بشهرين من السالفه فاتحني انه قرر واستخار انه بيقدم على الزواج منها (يقول لأنها حرام يخليها مثل قول المثل ( رماه في اليم مكتوف الأيد – وقال إياك أن تغرقا)) أنا انسانه متفهمه للموقف بس مو متوقعه انه ممكن يقدم ويفكر بجديه بهالموضوع .. زوجي انسان ما هو شهواني او رغبه جامحه للجماع بكثره .. اصلا ماتهمه هالشغله هذي .. يقولي انه لو انه كان انسان يلعب بذيله كان لعب فيها وقبل مانرجع يطلقها ويتركها .. بس لأنه انسان يخاف الله , مايفكر يسوي فيها كذا زوجي يحاول يقنعني اني انا الأهم والكل في الكل وأم بناته , وانه مافي مثلي , ويبغاني اوقف في صفه لما يعارضونه الجميع على هذا الزواج الثالث ( هو كان متزوج قبلي بس ماتوفق ) ولأن الحميع يعرف إني ماقصرت معاه وتحملته في الغربه . انا واثقه في زوجي انه مايلعب وانه مسؤول .. بس ماأتخيل شكلي ارجع لأهي ومعي ضره على راسي . زوجي يقولي ( مارح يتغير شيئ عليك واللي تطلبينه مجاب .. بناتنا وانت مارح اقعد يوم بدون ماأشوفكم ) انا خايفه وماأدري ايش اسوي .. يحاول يقنعني ان الرسول صلى الله عليه وسلم تزوج 11 امرأه ومازال يذكر خديجه رضي الله عنها , وتزوج من اجل المصلحه العامه أو من اجل ان يصلح بين قبيلتين بالزواج من ابنة الزعيم اليهودي . ياناس مو سهل علي ان يتزوج سواء لنفسه او من اجل انقاذ امرأه حديثة الاسلام .. وانت تعرفون ان الرجال محلل لهم بالشرع اربع , يعني هو ماسوى شيئ محرم , بس مو متخيله اني انا يصي لي هالشيئ , واصلا زوجي ضد اللي يتزوج على زوجته إذا ماكانت مقصره معاه , بس شكله الحين بيسويها لأن مايقدر يرجع للديره ويتركها تصارع الحياة بروحها .. الله يخليكم قولولي ايش ممكن اسوي ؟؟ والى الأن ماأقدر افاتح احد بالموضوع لأني انا عجزت اتقبل هالشيئ , وقلت له لا تتوقع مني اني ممكن اعاملك مثل اول واداريك لأن النفس ماتتحمل فوق طاقتها وانا هذي مقدرتي ... عدا ذلك زوجي ماقصر معاي وانا أحبه مره ماأطيق افارقه وهو نفس الشعور ومايبغى اني ازعل عليه واتضايق منه بشيئ ودايما يطلعنا ويمشينا ويراعي مشاعري ويلبي طلباتنا .. بس هو على قولتهم ( مكره اخاك لا بطل ) الموضوع يقول انه صعب عليه ومعقد لأنه يكتب رسالة الدكتوراه ومافاضي لهاسوالف . ماعندي احد من اهلي ممكن اقول له على هالسالفه .. الله يبارك فيكم ردوا علي وبردوا على قلبي . والله المستعان . احتاج لدعواتكم , |
أختي الكريمة...
أنا لست متزوجة ولا أدري مالذي يتوجب عليّ كتابته... إلا أن موضوعك أثر في نفسي كثيرا... وقد استغربت بشدة لعدم وجود ردود على موضوعك.... دعائي من القلب... أسأل الله أن يوفقك وزوجك لما فيه خير و صلاح في الدارين... وان شاء الله الأخوة و الأخوات سوف يفيدونك فلعلهم في الأيام الفائته كانوا في شغل ما... ،، ،، أختك// أم حور |
لا تعلييييييييييييييييييييييييييييييييييييييييييييييي ييييق
|
كنديه ولا عربيه لأن الأجانب مايكايدون بالحلال ولا بالحرام وماتدرين ممكن تصير عليك أحن من أختك بالعكس انت اكسبي فيها أجر شاركي زوجك الأجر وعلميها ان الأسلام دين المعامله والخلق الحسن والله يوفقك لما يحب ويرضى...
|
ماشاء الله عليك شكلك بنت حلال و طيبة و إن شاء الله ربي ما راح يخيبك
ماعندي حل والله لكن حبيت أدعي لك يارب وفق اختي و اسخر لها زوجها و هيء لهم من أمرهم رشدا |
اختي انا اتكلم عن نفسي لوكانت مكانك مارح ارضى بالوضع قال عشان ما تضيع اجل يلم كل المشردات ويتزوجهم
ا بس كل انسان له شخصيته انا اقولك اختي حولي تتبين له انك زعلانه وصدقيني ما فيه شي هو مجبر عليه هو مشتهي معقوله اما مجبر ما اعتقد مو انتي الغاليه عنده قوليله انك لو تزوجتها بارجع الاهلي كا تهديد يمكن يغير رائيه واذا شفتيه مصمم على رايه انتي لك الخيار اما تبقي معه او تتركيه لكن اصرر انك تعارضي انا حسه انك ساكته له المهم في الاخير تذكري ان لك بنات منه وتذكري ميزاته والله يبعدها عنك وعن زوجك ويكفيكم شرها والله يسخرلك زوجك ويوفقك وان شاء الله يغير رائيه |
استخيري
وسبحان الله يمكن لج الاحر استخيري |
كلام اختي اشويريا صح 100% اي وحده عندها ظروف بيتزوجها ؟ هو مشتهي الزواج لانه لو كان صادق كان قال لك من البدايه مو بعد شهرين وتعرفين انتي بالصدفه
هدديه بالطلاق .. انتي ماجربتي عيشة الضره وكل وعوده لك قالوها كل الرجال قبله ولا احد فيهم وفى بوعده (ولن تعدلو ولو حرصتم) .. هدديه كل يتراجه عن قراره |
اقول وبالله التوفيق
في كل الحالات المسلم بل المؤمن هو الذي يحب لاخيه مايحب لنفسه ضره او غير ضره مادامت مسلمه ولو كانت ضره يجب ان تحبين لها ماتحبين لنفسك ولو زوجك بيظلمها انتي تنبهينه وتقولين له حرام او تسكتين وتنكرين بقلبك وهو اضعف الايمان دائما نسمع كلام الزوجات رقم واحد يقولون ممكن نوافق لكن اكون انا كل شيء وانا الي يحبني وانا التي يعزني ولي كل شيء وووو سبحان الله تطلقين افضل من عدم محبتك لاختك المسلمه عمومااافي حالتك يا اختي الجئي لله وكوني على الحياد كي لاتكونين مختاره لشيء قد تندمين عليه استخيري الله واساليه الخير لاتعلمين الحكمه الالهيه وقد يكون قضاء نافذ لا يد لك في دفعه رفع عنه القلم وجفت صحيفته ومكتوب في اللوح انك سيتزوج عليك زوجك
لكن لم تنتهي حكايتنا مع القدر لعل الله يحدث بعد ذلك امرا فارضي بماقسم الله لك بعد ان لا تئلين جهدا الان في سؤال الله والالتجاء اليه من دون الناس وحده سبحانه وقت نزوله ليلا يسئل هل من سائل اعرضي عليه حاجتك واطلبي منه ان يفرج همك وان يرضيكي بماقسم او يغيره ويحوله اكثري من الحوقله والاسارجااااااااااااع ودعاء الهم والحزن واجعلي هذي المرحله من حياتك من اجمل المراحل في التعرف على الله |
وما هي الخيارات المتاحة امامك اختي الكريمة ؟
إن قلتِ له لا اوافق على زواجك ، هل سيطيعك؟ ام انه سيتزوج سواء وافقتِ ام لا ؟ انا لست مع من نصحك بتهديده بالطلاق ، وافرضي وافق على ان يطلقك ماذا سيكون موقفك وقتها ؟ خصوصا وانتِ تقولين انك تحبينه ولا تتصوري العيش من دونه . ان كنتِ لا تستطيعين منحه موافقتك فاطلبي منه ان يتصرف بالذي يراه مناسبا . الله يوفقك ويختار لك الخير ويربط على قلبك. |
| الساعة الآن 09:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©