مع إني ما أشرب القهوه و ما أحبها كلللللش .. لكن ماهره في عملها مثل ما يقول اللي يشربها ..
و طريقة أم خالد إهي اللي أتبعها تقريبا..
المقادير:
فنجان قهوة عربيه مطحونه
فنجان ماء ورد
قليل من الزعفران
نصف ملعقه شاي من الهيل
و طبعا الماء حسب حجم الدله و الإبريق..
الطريقه:
أملأ الإبريق بالماء الكافي لملء الدله..
أنتظر حتى يغلي الماء..
أضيف فنجان القهوة المطحونه... ياااااااااااااه يا ريحتها زكيه ..
و بعدين أخليها على النار ثلث ساعه تقريبا و طبعا لازم يكون الإبريق مغطى عسب نحافظ على الريحه المركزه للقهوه..
بعدين تجيبين الدله .. تحطين فيها ماء ورد بمقدار فنجان أو أقل شوي + قلـــــــــيل من الزعفران.. و الهيل
ملاحظه: نضيف الهيل إما أثناء غلي القهوة على النار أو نضعه في الدله مع الزعفران و ماء الورد..
نسكب القهوة المغليه في الدله .. و نتركها فتره بيسطه حتى تمتزج بالزعفران و ماء الورد..
و نقدمها مع التمر ..
و بالعاااااااااااااااافيه للي يحبها طبعا...
__________________
اللهم ارزق إخوتي زوجات صالحات و أخواتي أزواجا صالحين عاجلا غير آجل يا رحيم..
"علمت أن رزقي لن يأخذه غيري فاطمأن قلبي"