المشاركة الأصلية كتبت بواسطة Sun_of_me

هو في حد ممكن ينسى ولاد حتته برضه

- تسلميلى حبيبة قلبى

--------------------------------------------
أنا اتخطبت لخطيب لمدة سنه و بصراحة خلال السنه دي أنا مش شفت منه غير كل خير ، عشتها بسعاده و حب و فرح و مش كان ناقصني أي شئ ، واجهتنا مشاكل كتيييير جداً في جوازنا لدرجة إنه عمل مشاكل كبيرة مع أهله علشان يتمم كتب الكتاب ، و بعد كتب الكتاب قعد معايا اسبوع برضه كان من أسعد أيام حياتي ، لكن كل شئ بدأ يتقلب 180 درجة بعد ما رجع لغربته تاني ، تحكمات و أوامر و عدم مراعاة لاحتياجاتي و رغباتي و كأني بتعامل مع إنسان جديد

مع إننا اتخطبنا أصلاً من غير ما نشوف بعض ، يعني اتعرفنا على بعض عن طريق الأقارب و اتكلمنا مع بعض عبر الشات و لما استخرنا و ارتحنا لبعض ، مامته جت لبستني الدبلة و قدت على الموضوع ده سنه كامله كانت سنه سعيده بكل معاني الكلمة زي ما ذكرت لك

- مش فاهمه ... يعنى بعد الخطوبه تعاملتم مع بعض وجها لوجه لمدة سنه و تعارفتم على بعض خلالها جيدا ام لا

--------------------------------------------

ههههه يعتذر !!!! ، عاوزة أقولك إن رغبته دي قالها لي خلال سنتين يمكن 20 مرة ، لغاية آخر مشكلة حصلت و قالها لكن المرة دي كان أبوه هو اللي وقفله و جابلي حقي منه

- طيب ده مؤشر غير جيد لان الرجل الحقيقى الذى يستطيع تحمل تبعات الزواج لا ينطق بهذه الكلمة عمال على بطال مع كل مشكله ... ده حتى لو البنت قالتها من باب الانفعال هو لازم يكون اعقل و اركز و يفهمها ان الكلمة دى لا تلقى هكذا عند اى مشكله
طبعا موقف ولاده يشكر عليه جدا للكن المهم شخصية الخطيب او الزوج نفسه .. ما ينفعش عند كل مشكلة نلجأ للاهل لحلها و السيطرة عليها -
--------------------------------------------

و لو قلتلك إن الموضوع كان في مصادفه فعلاً غريبة ،،، إن المكتب اللي كان مقدم لي فيه كان زحمة جداً جداً و كان لازم أستنى دور طويييييييييييييل ، و خلال فترة المشكلة اللي حصلت اتنقل الورق بتاعي ضمن مجموعه مختارة لمكتب تاني و ابتدت الإجراءات تمشي


- مش مهم الورق و الاجراءات دلوقتى المهم انه لو حصل سفر يكون على اساس من الفهم و التفاهم انكم ستكونان انتما الاثنان فى غربه عن كل شىء الا منكما فيجب عليكما مراعاة كل منكما الاخر و حرص كل منكما على الاخر حتى تسير الحياه مستقره و بهدوء بينكما
----------------------------------------

و الله هو كله على اللي شفناه لأن كان صعب نسأل عليه بره طبعاً ، و الشهادة لله مش شفنا غير كل خير -و الله وكيله-

طيب و بعدين ،، دبرني يا وزير

- التدابير لله يا ملك -
- ماشى نرجع و نقول الجواز زى البطيخه لازم نفتحها و نذوقها علشان نعرف حقيقة طعمها -
-------------------------------------
بيني و بينك أنا بكره الشعور بالندم ،، و بحاول آخد بالي من تصرفاتي علشان مش اندم و مش عاوزة آخد القرار ده و أرجع أندم عليه

- كلنا اكيد بنكره الندم و دى ظاهرة صحيه علشان نحاول نتفادى الاخطاء قدر المستطاع
------------------------------------------

أنا فعلاً فكرت ،، بس حسيت إني مش عارفه هقول له إيه ؟؟

- و انا ما زلت مصرة على الفكرة ده لانها اكيد من كلامه ستكتشفى اشياء كتير اما تطمنك و تجعلك تتابعى .. او تجعلك تتراجعى و خصوصا انه كما فهمت من مجمل كلامك انه اللى عنده بيقوله يعنى مش من النوع اللى يتمسكن لحد ما يتمكن -
و اللى هاتقوليه شرح لمخاوفك كلها و هاتيها من ناحية انكم هاتبقوا فى غربه و محتاجين لبعضكم اكثر من اى شىء و ان ما كان يحدث و انتى فى بيت بابا لا يجب ان يحدث بينكما بعد اتمام الزواج و عندما تأتى الاطفال بأذن الله و لا زم يكزن فيه نضج اكثر فى تحمل الحياه الزوجيه حلوها بمرها دون التفريط
يعنى و الكلام هايجيب بعضه ....-
-----------------------------------------
جزاك الله كل خير يا أم سيف و عارفه و الله إني خدت من وقتك كتييير و تعبتك أوي معايا

- على رأى اخواتنا هنا .. فديتك حبيبتى ...عارفه انا فاتحة النت من الصبح و الحمد لله شغال لغاية دلوقتى .. لكن لم اتمكن من الجلوس لفترة تمكنى من كتابة ردى عليكى الا دلوقتى