في حيرة ما بين عقلي و صلاة الإستخارة ... شوروا عليّ جزاكم الله خير

10-03-2008, 12:32 PM

#31

Sun_of_me

قلب المنتدى النابض

تاريخ التسجيل: Sep 2006

المشاركات: 2,500

اقتباس:

- يا حبيبة قلبى و الله لو اعرف انك فكرانى و مستنيه ردى كنت رديت و لو بكلمه على موضوعك لحظة ماشفته لكن زى ما قولتلك الموضوع محيرنى جدا انا كمان من لحظة ما قرائته و ما بقيتش عارفه اكتب اقولك ايه

هو في حد ممكن ينسى ولاد حتته برضه

اقتباس:

و عايزاكى تتأكدى انه لا يمكن لاحد ان يعطيكى حل قاطع و يكون على ثقه تامه من نتائجه
لذلك انا هافكر معاكى بصوت عالى و نحاول نضع العيوب فى كفه و الحسنات فى كفه اخرى و نشوف مين اللى هايرجح

أنا متأكده من ده ،، لأني أنا نفسي مش عارفه أدي نفسي رد قاطع

اقتباس:

- طيب انتى قلتى فى البدايه انكى احببته فهل كانت الفترة دى كافيه لايجاد حب من العيار الثقيل الذى يتحمل هبات عواصف الحياه ... خدى وقتك كفايه فى الاجابه على السؤال (و ملحوظه فى رأيى ان مشاعرنا لا يجب ان نسميها حبا الا اذا تأكدنا من قدرتنا على تحمل عيوب و اخطاء الطرف الاخر قبل ميزاته و حسناته )

أنا اتخطبت لخطيب لمدة سنه و بصراحة خلال السنه دي أنا مش شفت منه غير كل خير ، عشتها بسعاده و حب و فرح و مش كان ناقصني أي شئ ، واجهتنا مشاكل كتيييير جداً في جوازنا لدرجة إنه عمل مشاكل كبيرة مع أهله علشان يتمم كتب الكتاب ، و بعد كتب الكتاب قعد معايا اسبوع برضه كان من أسعد أيام حياتي ، لكن كل شئ بدأ يتقلب 180 درجة بعد ما رجع لغربته تاني ، تحكمات و أوامر و عدم مراعاة لاحتياجاتي و رغباتي و كأني بتعامل مع إنسان جديد

مع إننا اتخطبنا أصلاً من غير ما نشوف بعض ، يعني اتعرفنا على بعض عن طريق الأقارب و اتكلمنا مع بعض عبر الشات و لما استخرنا و ارتحنا لبعض ، مامته جت لبستني الدبلة و قدت على الموضوع ده سنه كامله كانت سنه سعيده بكل معاني الكلمة زي ما ذكرت لك

اقتباس:

- اااه زيدتى حيرتى يا شموستى يعنى العدو امامكم و البحر من ورائكم .. باضحك معاكى ربنا ما يجيب عداوه ابدا -

آآآآآآآآآه يا أختي الغالية ،، و ده اللي مخليني عايشة في رعب و قلق

اقتباس:

- هو موقف مثالى و حكيم و سببه من وجهه نظرهم الا تلقى فى يوم من الايام بمسؤلية الفشل لا سمح الله على اكتافهم و ايضا الا يكونوا سبب فى انفصال لا يدرى احد متى ستعوضينه او كيف .. و ضعى هذه النقطه ايضا فى حسباتك جيدا -

الحمد لله رب العالمين ، أهلي ناس متفهمه جداً جداً ... و ربونا بطريقه بحسد نفسي عليها ،، رغم إنهم ناس مش متعلمه لكن و الله العظيم كانوا في منتهى الحكمة و العقل معانا

اقتباس:

- هل اعتذر عن ابداء رغبته تلك و بررها مبررات تغفر له ؟
- و هل ردك كان عن قناعه داخليه ام رد فعل فقط ؟

ههههه يعتذر !!!! ، عاوزة أقولك إن رغبته دي قالها لي خلال سنتين يمكن 20 مرة ، لغاية آخر مشكلة حصلت و قالها لكن المرة دي كان أبوه هو اللي وقفله و جابلي حقي منه

و لما رجعتله نصحوني كل اللي حواليه (ماما ، بابا ، والده ، والدته ) إني مش أفتح شئ من القديم و إني أبدأ صفحة جديده من غير عتاب

احترمت رغبتهم و خبرتهم في الحياة و مش عاتبت على أي شئ و لا اتكلمت في أي شئ و هو كمان نفس الموضوع

اقتباس:

و إن ورق استقدامي للدولة اللي هو فيها بدأ يتحرك (بعد تقريباً سنه و نص من تقديمه) ، و النقطة طبعاً دي مخوفاني جداً لأني في لحظة هكون معاه لوحدي

- اعتبرى النقطة دى مجرد مصادفه عاديه و ليست اثبات لشىء حتى لا تؤثر فى قرارك -

و لو قلتلك إن الموضوع كان في مصادفه فعلاً غريبة ،،، إن المكتب اللي كان مقدم لي فيه كان زحمة جداً جداً و كان لازم أستنى دور طويييييييييييييل ، و خلال فترة المشكلة اللي حصلت اتنقل الورق بتاعي ضمن مجموعه مختارة لمكتب تاني و ابتدت الإجراءات تمشي

اقتباس:

- الحمد لله و دى اهم حاجه اذا كنتى تأكدتى منها و سئلتم فيها جيدا -

و الله هو كله على اللي شفناه لأن كان صعب نسأل عليه بره طبعاً ، و الشهادة لله مش شفنا غير كل خير -و الله وكيله-

اقتباس:

- معرفة الطباع لابد لها من احتكاك و عشرة مطولين لاكتشافها و معرفة ما يمكن تعديله فيها ( مع ملاحظة ايضا ان هناك الكثير من الاشخاص من الصعب تغير طباعهم الغير مرغوب فيها تماما )
و هنا يصدق المثل بتاعنا اللى بيقول الجواز زى البطيخه مش هاتعرف حمرا و الا لاء الا لما تفتحها .. فكثير من تحسنت و تعدلت امزجتهم و طباعهم و اساليبهم بعد الزواج ... و كثير ايضا من تحولت لديهم الى السوء بحيث اصبح صدمه لزوجته

طب و بعدين ،، دبرني يا وزير

بيني و بينك أنا بكره الشعور بالندم ،، و بحاول آخد بالي من تصرفاتي علشان مش اندم و مش عاوزة آخد القرار ده و أرجع أندم عليه

اقتباس:

- طولى و فضفضى زى ما انت عايزه قلوبنا و عقولنا كلنا ا مفتوحه لكى لحد ما توصلى لبر الامان ان شاء الله -

تسلميلي و ربنا خليك ليّه و لا يحرمني منك

اقتباس:

- اقتراح اخترت ان اؤجله حتى تمام ردى على النقاط السابقه و هو
ما رأيك فى محاولة التواصل معه عبر شات مثلا او بأى طريقه ممكنه و سهله
و مصارحته بكل مخاوفك تلك بأسلوب لبق و هادىء و تشوفى ردوده ايه
مع محاولة التأكيد على ان كلامك هدفه فى النهايه مصلحتكم معا و مصلحة حياتكم المستقبليه بأذن الله -

أنا فعلاً فكرت ،، بس حسيت إني مش عارفه هقول له إيه ؟؟

جزاك الله كل خير يا أم سيف و عارفه و الله إني خدت من وقتك كتييير و تعبتك أوي معايا

ربنا يجعله في ميزان حسناتك و كفاية إنك خففت عني بكلامي معاك و انصاتك ليّه

ربنا يكرمك بكل كريم و غالي يارب

__________________

[poem font="Simplified Arabic,5,,normal,normal" bkcolor="transparent" bkimage="" border="none,4," type=3 line=0 align=center use=ex num="0,black"]
أسير الخطايا عند بابك يقرع
يخاف و يرجو الفضل فالفضل أوسع
مقر بأثقال الذنوب و مكثر
و يرجوك في غفرانها فهو يطمع[/poem]


	[blink]"و اصبر حتى يحكم الله و هو خير الحاكمين"[/blink]

التعديل الأخير تم بواسطة Sun_of_me ; 10-03-2008 الساعة 12:38 PM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه