صباح الخير للجميع
كيفكم اليوم و نفسياتكم ان شاء الله أحسن ؟؟
بما ان الفترة هذي باخذ الكلوميد عشان ينشط المبيض قلت خليني اهتم بالغذاء و اخذ كل اللي يفيدني في الفتره دي
يعني اهتم بالبروتينات و الخضروات الورقية اكثر من اول و المكسرات و الاسماك
و اتجنب الكافيين و المشروبات الغازية و الكحوليات <<<<<<<
ترا امزحححح مافي كحول ولا خرابيط عندنا
و باخذ حمض الفوليك و الفيتامينات سينتروم و حديد و كالسيوم
كمان سمعت ان الميرمية ممتازه للمبايض
انتو اش رأيكم أنا صح ولا غلط
يعني في أشياء من اللي بآخدها مو مناسبة دحين ولا كيف ..؟؟
و كمان عشان عندي كرش باحاول امشي على السير و اعمل رياضة البطن و احيانا اروح النادي و اعمل جي فايف (تدليك يحرك الشحوم و ينشط الدورة الدموية ) بس ما ادري كويسة ولا لأ؟؟
ارجو من اللي عندها اجابة تفيدني باسرع وقت عشان انا كل يوم باداوم على دي الحاجات و اذا في شي ثاني كمان ليا او ل زوجي ممكن يفيد ممكن تدلوني عليه
والله يرزقني و يرزقكم الذرية الصالحة و لا يحرمكم الاجر
ربي لا تذرني فردا و انت خير الوارثين