يا أختى استعيذى بالله من الشيطان الرجيم
طبعا أكيد من رد الأخوات عرفتى ان حالك أحسن من غيرك كتير وبعدين أنا حطيت نفسى مكانك لقيتنى بأقول هو أصلا مش واجب عليه انه يسفرنى فى الأجازة فلما يعمل كده ده كرم منه المفروض انك تقوليله ربنا يخليك لى ودايما تفسحنى وتسفرنى وتبينى له انك مبسوطه جدا وبعدين لما تسافروا مع اقاربه تتبسطى وسطهم وتحاولى تخلى لك وقت معاه تتقربى منه من اول ما تصحوا الصبح وتقولى له ايه رأيك ننزل نتمشى سوا لوحدنا وتحاولى ان انتى اللى تشغليه بيكى طول السفر وبالعكس والله انا شايفه ان ده احسن ممكن تتركيه جالس مع اصحابه او أهله ويكون قدامك فرصه تعملى له مفاجأه حلوه لما ييجى أو تنزلى تشترى له حاجه بيحبها أو تعملى طبخه جميله أو تقعدى تتكلمى وتتبسطى مع أهله وسوالف الحريم احلى كثير من سوالف الرجال وبكده هتفرحى وتستمتعى بأجازتك من غير ما تتضايقى ولا تتنكدى ولا تنكدى عليه .
انتى عارفه انا كمان نازله بلدى اجازه لمدة شهر وكل سنه لما انزل اجازه بتكون نكد بسبب انى عايزه اكون مع اهلى طول الأجازه وهو بيبقى محتلنى وشابط بى زى العيال الصغيره وده بيسبب مشاكل لكن السنه دى انا ناويه ان شاء الله انى أكون معاه وما ازعلهوش ولو حب يودينى عند اهلى يودينى ولو ما حبش مش هأعمل مشاكل وهأطيعه وده مش ضعف لكن ده علشان تكون اجازتى اسعد وربنا يسعدك ويسعدنى يارب.