أختى والله حاسه بيكى وبحزنك وقلقك. هو طبعا معزور والله انا لو منه لأنقهر . ربنا يهديهم.
أنا من رأيى انك تطلبى من امك انها تخلى ابوكى يعزمكم عندهم أول يوم من رمضان تفطروا كلكم سوا ويحسسوه انه له عائلة أخرى تتمنى ان تسعده وتقف الى جواره وخلى ابوكى بعد الفطار يصطحبه للمسجد لأداء صلاة العشاء والتراويح وبعد ما يرجعوا حاولوا تقعدوا كلكم قعده عائليه فيها مرح وحكايات حلوه عن ذكرياتكم مع رمضان وكده علشان يتكلم ويتبحبح ويحس انه نسى الهم . دورك الحقيقى هو فى اليومين دول بينى له ولنا شطارتك واياك تيأسى مهما حصل حاولى ورجعى حاولى لحد ما تطلعيه من حالته دى وادعى ربنا فى الأيام المفترجه دى انه يهون عليه ويشفيه ويسعدك معاه وانا والله بأدعى لكم من قلبى ربنا يسعدكم ويرزقكم الذرية الصالحة.