أختى الحبيبة يبعت لى الهنا ............الهى يبعتلك الهنا عن قريب يارب
أنا قمت فتحت المنتدى دلوقتى مخصوص علشان أكتب لك ردى ده واللى هو الحقيقة مش ردى انا ده رد الدكتورة هبة قطب على مشكلة مماثلة لمشكلتك تماما وقلت آهى وجهة نظر ممكن أنقلها لكى يمكن تستفيدى منها.
هى قالت لصاحبة المشكلة: أولا انتى جوزك غلطان انه يكلم التانية قدامك لأنه كده بيقصد يعذبك وحرام عليه.
ثانيا انتى لازم تقعدى مع نفسك وتفكرى كويس جدا وتمسكى ورقه وقلم وتكتبى انتى هتخسرى ايه لو بعدتى عنه واتطلقتى وهتكسبى ايه كمان
وأيضا تكتبى انتى هتكسبى وتخسرى ايه لو فضلتى على ذمته ورضيتى بالأمر الواقع
وبعدها قارنى النتائج وانتى اللى هتعرفى توصلى لنتيجة من غير ما حد مننا يقولك عليها لأنك أدرى واحدة بظروفك وأدرى واحدة بقدرتك على التحمل والاستمرار.
أتمنى أكون قد أفدتك. وتصبحى على الف خير