اقتباس:
المشاركة الأصلية كتبت بواسطة dodi_dabdoobi
انصحك انك تعرفها على الطباخات عندنا في المنتدى ما شاء الله عليهم
او
تخليها تتفرج قناة فتافيت و انت معاها و تمدحلها في الأكل اللي يعرضوه على القناة و انا زوجي يعشق هذي القناة و أحيانا يطلب مني بعض طبخاتهم و يشتريلي الأغراض و يسألني طبعا ايش الطلبات مو من عنده لعنده
او
تشتريلها كتاب طبخ تعجبك الأكلات اللي فيه و تتصفحه مرة بالأسبوع معاها و تقول لها نفسي اذوق هذي الأكلة شكلها لذيذ بس أكيد من يدك يا ست الكل بتكون أطعم
لاااااااااااااااااااازم تشجعها و احذر من مجاملتها على حساب بطنك
يعني اذا اكلة عجبتك تطلبه كم مرة و كل مرة تقول لها والله يا ست الكل كل مرة اطعم من اللي قبل
و اذا ما عجبك الأكل لا تقول مو طعم او شين .... قول لذيذ بس لا تعيديها
و هي على طول تفهم انها ما زبطت او تحتاج تغيير في الوصفة
اذا احترق الاكل او فشلت الطبخة لا تحبطها عاد و تقول ما تفلحي في شي لااااااا ابدا لا تعمل كده
خذها بالهداوة و قلها اكيد الطباخه ست الكل نسيت شي في الطبخة ماعليكي المرة الجاية تزبطيها اكثر
و النقطة الأهم اللي راح تعمللك نقطة تحول في مطبخ زوجتك و انا متأكده من النتيجة
امدح أكلة أكلتها عند صاحبك او جارك او سلفاتها (حريم اخوانك) و ادعيلي
مع تحيات
طباخة
|
الله يغفر لك كفيتي ووفيتي
رأيي سديد