و الله يا أختي كلامك زرع الأمل في داخلي و فرحتيني من جد

بس عندي مشكلة إنه زوجي ما عنده عزيمة أبداااااااااااااااااااااااااااااااااااااااا

سلبي جدا و هو بنفسه يعترف

نفسي من حاله ، نفسي يعمل الشئ من نفسه مو عشاني مو قدامي

يعني أحس إنه ممكن إذا فعل عمل خير و أحد مدحه ، يبدأ يقلب نيته لرياء

يعني ما أحس إنه عنده محاسبة من داخله

ما أعرف كيف أشرح لك

أحس إنه الشيطان ممكن يدخل له من مداخل عديدة ، فمن خلال كلامك اعطيتيني أمل إنه ممكن زوجي

بيوم من الأيام يتغير حاله للأفضل



كلمته من كم يوم و كنت أبكي و متضايقة من حياتي و هو شايف إنه حياتنا كويسة و مافيها شئ ؟؟؟

ما أحسه فاهمني أبدا

قلت له أنا ما أحب أعيش حياة زي كذا ، أبغى اعيش حياة بهدف و إنت تعرف الشئ هذا من يوم تزوجني

( لإنه يدري إني كنت ملتزمة و عجبه الشئ هذا و أنا كنت أحسبه ملتزم )

المهم قلت له شوف الشيخ العريفي ؟؟؟؟

( لإن قبلها بيوم شفنا محاضرة للشيخ العريفي و زوجي صار يعجبه )

فقلت له ، شوف كيف هناك ناس عايشة عشان هدف في حياتها

تخيل اليوم جاء ملك الموت و مت لا سمح الله ، إيش بتقول لربنا ؟ إيش قدمت لحياتك ؟ إيش زرعت في

ولدك و زوجتك عشان آخرتك ؟ إيش كسبت من الدنيا لآخرتك ؟ .. إلخ

قلت له ، أنا ما أبغى أعيش حياة كلها نوم و أكل و شرب و خلاص ؟؟؟؟؟؟؟؟؟؟؟



يمكن أسلوبي غلط في الكلام معه ؟ بس ماني عارفة كيف ممكن أحسن من نفسي و كيف أأثر فيه ؟

كيف أغيره ؟



جلست فكرت مع نفسي بعد ما هديت و قلت بأحاول معه بطرق غير مباشرة

مثلا أقلب على قنوات دينية مشوقة مثل محاضرات العريفي لإنه يحب الشيخ العريفي

أشغل شريط القرآن و زي كذا


المشكلة إني فاقدة الأمل في تغييره و هذا الشئ يخليني أنا كمان أتكاسل


( أتمنى تكونوا فهمتوني )