و الله يا أختي كأنك بتحكي عن حياتنا
انا كنت ملتزمة جداً لما كنت في الجامعة و بدأت أتراجع وقت التخرج و بعد ما تزوجت صرت انسانة عادية جداً يعني متل ما وصفتي حياتكم بحب السينما و المطاعم و الزيارات العادية و ما في بحياتي مكان للنوافل و مو حاسة برضى عن نفسي
نوعاً ما تراجع التزامي بالحجاب الشرعي صار المكياج عادي .... إلى آخره
المهم اني ولله الحمد من حوالي شهر فقط زوجي خطر بباله فكرة اني أنا و هو لازم نتعلم العلم الشرعي
زوجي قرأها بمكان ما على الانترنت و عرف اني العلم الشرعي فرض على كل مسلم و مسلمة
لما اقترح الفكرة انا فرحت لأني كنت من داخلي أشعر بتعذيب الضمير
المهم اني بدأنا بأول كتاب و تاني كتاب كتير كان مفيد كان الكتاب للشيخ الألباني عن كيفية صلاة الرسول صلى الله عليه و سلم (موجود على الانترنت)
من يومين فقط انتهينا من قراءته و لله الحمد كل يوم كنا نقرأ حوالي 25 صفحة و يبدأ فوراً التنفيذ العملي
كانت صلاتي تستغرق دقيقتين الآن صرنا أنا و زوجي ناس تانيين مختلفين تماماً لما نقف لأداء الفريضة
عدا عن العلم اللي ما كنا منعرفه
سبحان الله و الله استفدنا أكتر من كلللللل الدروس اللي الواحد ممكن يحضرها على التلفاز او في الواقع
الكتاب رائع جداً
و الآن ان شاء الله ناويين البدء بحفظ كتاب الله
هذه فكرة رائعة من عندي و مجربة حاولي تعمليها مع زوجك و صدقيني الحياة غيييييييييييير
من شهر وانا حاسة اني انقلبت حياتي كلها و انه وصلت للحياة المثالية اللي كنت أحلم بها على الآقل راح عذاب الضمير المنغص لي طوال هذه السنين
ما شاء الله كان و الحمد لله
هذه فكرتي أختي و أتمنى أن تعجبك
__________________
.
.
استودعتك أهلي في سوريا يا من لا تضيع ودائعه
31-12-2008, 09:33 PM
ضوابط المشاركة
العرض الشجري