المشاركة الأصلية كتبت بواسطة باريسا

الله يعين الجميع يا رب

إذا الشاب مضمون ويستاهل وربي ما ينتثمن بفلوس ومو قيمته إلا بالأمان الي يوفره للبنت

لكن اسمحوا لي .. المشكلة أن الشاب نفسه ماله آمان

يعني ممكن فعلاً في وقت الفقر يدور بنت مهرها منخفض ويفرح ويمدح الي يخفضون في المهور

ولا تبقى آية ولا حديث إلا يذكرة

لكن لما تدور الأيام والله ينعم عليه أول ما يفكر فيه اهو الزواج الثاني

والمشكلة ما يروح يدور إلا وحدة تخسره الآف مؤلفة عشان بس يعوض إحساسه بالنقص

أنه ما كان يقدر فيما مضى يدفع مهر كبير ولا يعمل فرح في مكان فخم ويعزم على كيفه

والزوجة اهي الي تدفع الثمن في الأول والأخير .. اول مرة رضت بالقليل والأخير لأنها بتسكت عشان عيالها

والرجل اهو الربحان في الأولى والأخيرة .. الأولى لما تزج بالتقسيط المريح والأخيرة أختار على كيفه

وبصراحة يا أخوي أقولك أنا اشوف في الحياة مو طايح حظهم إلا الي يطلبون مهور قليله

وكل حاجاتهم متواضعه

وأبوها يساعد الزوج وأخوانها .. وفي النهاية مافي سعادة ولا يطلع في عين الرجال

ما أدري ليش !!

يمكن لأن الرجل في مجتمعنا ما يحس بالثقة في نفسه وفي رجولته إلا لما يدفع كثير ويوري الناس انه عنده

وما يحس بقيمة المرأة إلا لما يكون الحصول عليها مو سهل

المشكلة أن الرجل نفسه نظرته مادية للمرأة .. وهذا الي يخوف الناس


بكل الأحول وبغض النظر عن هذا كله أنا اشوف أن كل شي يكون بالمعقول

خير الأمور أوسطها .. لا متدنية ولا مبالغ فيها