منتدى عالم الأسرة والمجتمع - عرض مشاركة واحدة

26-04-2009, 02:11 AM

#205

dodi_dabdoobi

عضو مميز

تاريخ التسجيل: Apr 2006

المشاركات: 2,684

الســــــلام عليكم و رحـــــــــــــــــــمة الــــــــــــــــله و بركــــــــــــــــــــــــــاته

وخرو وخرو

زيحولي مكان أقعد

ايه ده لا لا ما ينفعش انا يلزمني كرسي أكبر

ابشركم

اليوم السبت بالتحديد بدأت الريجيم

و بما اني كنت محتارة بين ريجيمين و هم ريجيم نوع الجسم أو ريجيم التمر و اللبن فقلت ابدا بالموجود اول

و مافي اكل في البيت لاننا قررنا نعمل دايت انا و المحروس زوجي لكنه تاخر في العمل و قال بكرة نشتري الاغراض لكن اليوم مشي حالك

و مشيت حالي
اقلكم اكلت ايه من ساعة ما صحيت

اول حاجة عملتها عالريق من السنة و هي كوب ماء مع 7 حبات حبة البركة

و بعدها كمان موية

و بعدها بساعة

بيضتين مسلوقة و شريحة توست متحمص اسمر و نص طماطماية معاها رشة ملح و فلفل

الوصف خطيييييييييير

و بعد الفطور ب 6 ساعات اكلت كورن فليكس نص كوب_اللي طبعا ممنوع لكن ما عندي اغراض ريجيم و من بكرة ان شاء الله حاشتري اكل الدايت من الصبح- معاه نص كباية زبادي شراب

و لحد الآن ما أكلت اي شي و مستمرة على المووووووووووووووووووووووووووية بكثرة

حتى اني اضفت لها موية ورد و ما اشربها باردة عشان معدتي فاضية لا توجعني

و ما يحتاج اقلكم كل 10 دقايق احساس الدخول للحمام اعزكم الله لا يقاوم من المويات

المهم

ما اخبي عليكم وزني اليوم اول ما صحيت وزنت و كان 115

هدفي ان شاء الله الوصول ل 90 و الله يقويني يعني قدامي 25 كيلو و هذا مبدأيا يعني بعدها بريك (هدنة) فترة اخفف اكلي و ارجع للحرب

و ريجيم نوع الجسم مرة اتبعته و نزلت عليه يمكن 5 كيلو و انا اكل كثير والله

نوع جسمي هو الدرقي

يناسبه البروتين و منتجات الالبان قليلة الدسم بكثرة و الخضار ما عدا الجزر و البطاطس

و تناول الحبوب الكاملة باعتدال يعني النخالة

و الامتناع تماما عن النشويات و السكريات منها السكر و الرز و المكرونة و و و و و هلم جرا

و كمان ممنوع الكافيين لانه بيخدر غدة ال

ماأعرف ايش و بالتالي يمنع الايض

والله ماني فاهمة ايش يعني لكن المهم انه كافيين ممنوع

طبعا الصداع يقول مرحبا بك

و النوم مو راضي يجي من الجوع

و راح اداوم عالميرمية و البردقوش قدر المستطاع

باخذ مكملات فيتامينات سنتروم و فروز و كالسيوم و فولك اسيد و نيربيون مركب فيتامين ب

مرتين باليوم بس جلوكوفاج 500 لان الدكتورة كتبتلي هوا للتكيسات (لا تقولو دودي قالت ينحف)

لكن المشي ما اظن دي اليومين اقدر امشي عالسير لاني بجد دايخة

بامشي على النظام مبدأيا اسبوع و احاول انوع في البروتين المستخدم و الخضار عشان لا اتملل و ربنا كريم و دعواتكم

اخ يا سلام اخيرا طلعت المكنون بصدري

ما تتخيلو قد ايش ارتحت لاني ما ابغى اقول لاي احد اني باعمل ريجيم لاني بس اقول احس تصير مؤامرات ضدي و مراقبة و خطط افشال لكن خليني كده احسن

__________________
رب لا تذرني فردا و انت خير الوارثين