الفين سلامة عليكى يا أم جوجو
ايه مالك اتحسدتى ولا ايه
بس شوفى بقى مافيش مفر من الرجيم ......... عارفه ليه لأن الرجيم الصح هو اللى هيخلى جسمك يهاجم الفيروسات اللى فيه بسرعه وفاعليه
يا بنات عايزاكم كلكم تعرفوا ان الرجيم مش معناه لا حرمان ولا تعب ولا ارهاق بالعكس الرجيم معناه اعادة ترتيب أكلنا ونظامنا الغذائى يعنى احنا اتعودنا انناكبر طبق على السفره يكون طبق الرز او النشويات وطبعا لا بد من اللحوم المحمرة والمشمرة والخضار المسبك والشوربة اللى بالكريمة وما اعرفش ايه وايه وايه
لكن لو خلينا اكبر طبق على سفرتنا هو السلطة وعملنا الشوربه بمرقة اللحم او الدجاج ولكن وضعناها فى الثلاجة الأول ونزعنا الدهون من على الوجه وبعدين طبخنا بيها اروع انواع الشوربات ولو استبدلنا الخضار المسبك بخضار على البخار وأكلنا الى جانب كل ذلك شوية رز او مكرونه او عيش وبعد الأكل حلينا بفاكهة طبيعيه هل هذا فيه حرمان هل هذا متعب بالعكس والله اللى يتعبنا هو الأكل الدسم وهو اللى يقلل مناعتنا وهو اللى يسبب لنا كل الأمراض وبعدين افيد حاجه لمواجهة الانفلونزا يا أم جوجو هو كثرة شرب السوائل فانتى اشربى ماء بليمون كثير جدا ولا مانع من ان تتناولى ملعقة عسل نحل على الماء والليمون صباحا وكمان اكثرى من شوربة الخضار وحطى عليها ليمون وصدقينى كثر المرات اللى خسيت فيها كويس كنت تعبانه فيها بالبرد ومع ذلك الرجيم مستمر وخسيت والحمد لله بس بلاش رياضه نهائيا لحد ما تخفى لأن اى مجهود بيزود البرد لكن الرجيم مالهوش دعوه ابدا وكمان مره الف مليون سلامة عليكى .
وإنتى كمان يانورة الف سلامة ........... ايه اللى جرى للرشيقات .......... لأ يا جماعه دى عين وصابتنا يالله قوموا نتحصن بالقرآن ........... وخدى بالك يا قلبى على ابنك لا يتعدى منك بعيد الشر عنه.
باقى الرشيقات منتظرة بداية المنافسة غدا ومش عايزه كسل ولا أعذار لن اقبل بأى تباطؤ
حبيبتى باريسا الف مبروك نزول نصف كيلو وولا يهمك آديكى شايفه هو الرجيم كده اسبوع طالع واسبوع نازل وعموما الوزن لا ينزل بسهوله خصوصا فى الأوزان الصغيرة مثل وزنك وأكيد أكيد انك هتلاقى نتيجة رائعة فى مقاساتك فأنا ولله الحمد تغيرت مقاساتى تماما بعد انهاء الشهر كاملا من رجيم نوع الجسم فهو فعلا رجيم رائع. استمرى ولا تحبطى وأنا كمان مانزلتش الا 900 جرام هذا الاسبوع وبطلوع الروح بس يمكن كده احسن علشان لما ننزل الاسبوع اللى جاى ان شاء الله يكون نزولنا كبير ونكتسح الكل يالله شدى حيلك يا قمر.
