يعنى انتى هتتطلقى من جوزك علشان هو ضربك فى الشارع ولا علشان هو غير رأيه ورفض انك تشتغلى ولا علشان تدخل اهله فى حياتكم ولا علشان كل ده مع بعض
أنا شايفه انك اتسرعتى جدا وشايفه انك غلطتى وياريت تراجعى نفسك
أكيد انا مش موافقه على ضربه لكى
لكن اكيد كمان انا مش موافقه على طريقتك معاه
إعقلى شويه وكان لازم ما توصليش الأمر للطلاق ابدا
هو دلوقتى معصب وانتى كمان معصبه بس صدقينى انتى اللى هتندمى فى الآخر وهتحصلى على لقب مطلقة لأمر تافه
المفروض ما تروحيش معاه المحكمة النهارده وسيبيه كم اسبوع يراجع نفسه ويهدى وبعد كده يتدخل كبار من العائلتين لحل المشكله لأنها هايفه وما تحتاجش كل ده
وياستى ايه يعنى لما ما تشتغليش طالما انه ملبى كل طلباتك أنا ما بأشتغلش مع انى معايا أعلى الشهادات وأدق التخصصات ومع ذلك قاعده فى بيتى وجوزى بيصرف لى فيها ايه يعنى
أعقلى وبأقولها لك للمرة التانية ماحدش هينفعك بعد الطلاق لا أهل ولا أصحاب ولا حتى احنا هنا
هدى امورك اليومين دول وحاولى تدخلى كبار العائلة
لو سمعتى كلامى وكنتى لسه ما اتطلقتيش
هأكتب لك فى ردى الجاى ازاى ممكن تخليه ما يمدش ايده عليكى تانى ابدا وعن تجربه شخصيه يعنى مش اى كلام