الف الف مبروك لكل البنات ماشاء الله تبارك الله شايفاكم كلكم نازلين كويس جدا الاسبوع ده
برافو عليكم
دودى يا حبيبتى الف مبروك وتقدم هايل وعقبال ما ابارك لك على الوزن المثالى يارب
باريسا حبيبتى ومنافستى العزيزة ممتاز ماشاء الله تبارك الله يالله كملى وشدى حيلك وربنا يوفقك يارب
مشاعر ايه التقدم ده ماشاء الله بس تعالى هنا لازم تقولى لى نظامك بالضبط كان ايه من يوم الاثنين لدلوقتى علشان اطبقة الاسبوع الجاى باذن الله
نوره برافو عليكى والف مبروك النصف كيلو ممتاز جدا
أختنا الحبيبة
زكرى جميلة أهلا بيكى معانا ويارب توصلى لوزنك المثالى بصحة وعافيه
انتى بس راجعى كل صفحات الموضوع من الأول وانتى هتلاقى انظمة كثير جدا وكمان تجاربنا فيها وقد ايه نزلتنا يالله شدى حيلك يا قمر .
أما عن أخبارى انا
فمش عايزه ازعلكم
نزلت فقط 800 جرام يعنى بقيت 60،2 كيلو
مع انى ماشيه على نفس نظام الاسبوع اللى فات
بس الغلط اللى عملته انى ما شربتش ماء الاسبوع ده يعنى ما كنتش بأشرب ثلاث اكواب قبل كل وجبه كعادتى لأنى كان عندى مغص فظيع طول الاسبوع ومش قادره اشرب
كمان ممكن يكون من تأثير انى أخذت كلوميد وحقنة بريجينيل 10000 وحده للمساعده على حدوث حمل وهذا هو ما أثر فى البطء فى نزول وزنى والله اعلم ( انتوا ايه رأيكم)
بس قدر الله وما شاء فعل
كان نفسى جدا جدا أوصل لل60 الاسبوع ده قبل ما اسافر على مصر لأنى مسافرة باذن الله يوم الاربعاء القادم وهأغيب عنكم شهرين بس هأحاول أكون متابعه معاكم دايما من وقت للتانى وأوعدكم انى مش هألخبط باذن الله بس انتوا ادعوا لى
وإن شاء الله قبل ما انزل على طول يعنى على يوم الثلاثاء هأكتب لكم آخر وزن لى وكل ما تتاح لى الفرصه وأنا فى مصر هأدخل اطمن عليكم وأطمنكم عنى
بس ما تنسونيش وخلوا الموضوع دايما منور بيكم وبمشاركاتكم ( الموضوع امانه فى رقبتكم اياك تسيبوه ويتقفل لحد ما دودى توصل للوزن المثالى)
أم جوجو مستنيه نتيجتك يالله طمنينى
الغربة مره فينك يالله طمنينى عن اخبارك وليه ماعدتيش باينه كثير
آه انا نسيت اقول لكم معلومة مهمة جدا كمان وهى ان باقى لى على الوزن المثالى 6 كيلو يعنى هنأجل الفرحة شويه لحد ما اوصل لل54 كيلو ويارب على ما ارجع من مصر ابشركم بإنى نزلتهم
دعواتكم