السلام عليكم ورحمة الله وبركاته
وحشتونى وحشتونى وحشتونى
وكل سنه وانتوا طيبين وعيد سعيد عليكم يارب
انا لسه فى أجازتى وهأفضى لكم بعد اسبوعين باذن الله
وكنت ولازلت مشغوله جدا لدرجة انى مش بأدخل على النت خالص بسبب مرض والدتى الشديد واجرائها لأكثر من عملية جراحية بالقلب فدعواتكم لها بتمام الشفاء
بس حبيت ادخل اعيد عليكم وأتأكد انكم مستمرين وسايرين على الدرب وأبشركم بآخر أخبارى
الحمد لله نزل وزنى بشكل كويس جدا وأنا دلوقتى وزنى
قولوا ما شاء الله
52 كيلو
ومستمرة بالرجيم ولازلت على رجيم السعرات الحرارية ومشيت عليه حتى فى رمضان وراضيه جدا على النتيجة اللى وصلت لها وكنت محور حديث جميع الصديقات والأهل خلال الأجازة الكل عايز يعرف سر نزولى ونفسهم يبقوا زيي والحمد لله فعلا التغيير كبير جدا فى شكلى ومظهرى ولبس العيد طلع روعه على .......... عقبال الجميع يارب
لكننى لازلت مستمرة وبشده الى ان أصل لهدفى النهائى وأثبت عليه ان شاء الله وهو ال45 كيلو
يالله استنونى قريب جدا بعد اسبوعين لو كان لى عمر القاكم هنا على خير يارب
تحياتى لكن جميعا والف مبروك لكل من نقصت اوزانهن
ولكل من لم تنقص خلال الفترة السابقة او حتى زادت يالله شدوا الهمة أم عمار راجعه لكن وبقوة
كل سنه وانتوا طيبين