أختى الحبيبة والغالية جدا على قلبى أم جوجو وحشتينى موت وطول الأجازة كنتى على بالى ولم انساكى من دعواتى
والشكر بعد الله يجب ان يكون لكى انتى فأنا لم لن أنسى أنكى كنتى وما زلتى ملهمتى ومشجعتى الأولى على التغيير الرائع الذى أصبحت فيه فالكل فى مصر كانوا هيتجننوا على شكلى الجديد ونفسهم يعرفوا انا عملت ايه وانا لم ابخل عليهم بالنصيحة ابدا بل كنت اقول لهم كل المعلومات الغذائية التى تعلمتها هنا
ولكن انتبهى يا أم جوجو فلأنى أحبك جدا لابد أن أحب لكى الخير مثلما أحبه لنفسى لذلك لن أتركك حتى تصلى معى للوزن الذى تطمحين له وسنتستمر نشجع وندعم باقى الأخوات حتى لو وصلنا لهدفنا باذن الله
أختى الحبيبة دودى وحشتينى ووحشتنى قرقرتك فى الصفحة فينك كنتى مختفيه عن صفحتنا فترة طويله يالله ارجعى اتشجعى واتحمسى معانا وأنا متفائلة لكى خير باذن الله ( لو انى زعلانه منك انك ما بتسأليش على ابدا) موفقه حبيبتى
نوره حبيبتى برافو عليكى ايوه كده اتجدعنى واستمرى وأنا متأكده انك هتوصلى للرشاقه بسرغه أكثر مما تتخيلى ( إنتى عارفه انا جعت جدا من شويه وكان نفسى جدا فى قطعة بسبوسه من الرائعه اللى عندى بالمطبخ فإفتكرت نصيحتى لكى وقمت جبت طبق خيار وطماطم وفلفل أخضر وأكلته فشبعت جدا وما عدتش عايزة أبص حتى لشكل صينية البسبوسه)
أختى بكر لا لا تخربين الرجيم ولا حاجه انا معاكى من دلوقتى إنتى بس أدخلى على الصفحات السابقه وإختارى اى نوع رجيم يلائمك وابدأى فيه ولو عندك اى استفسار أنا بالخدمة يا قمر
أختى الغالية الأوزون وحشتينى ومنتظرة نتيجتك يوم الجمعه شدى حيلك
باريسا منافستى الغالية منتظرة بدأ المنافسه معك من يوم السبت باذن الله وعلى فكره انا بجد خايفه منك لأنى متأكده انك هتكسبينى من أول اسبوع لأن وزنى بقى بينزل ببطئ السلحفاه ربنا يستر
أختى أموت فى أولادى لألألألأ أنا ما يعجبنيش الدلع ده ابدا أوعى!!!!! يالله ابدأى معانا هنا واتشجعى واستمرى وما تلخبطيش وكلما تحسى انك هتلخبطى ادخلى على الموضوع هنا واتشجعى معانا وانا تحت امرك فى اى دعم او اى سؤال المهم انك ما تتنازليش عن هدفك ابدا
أختى الحبيبة ماريا الف حمدا لله على سلامة رجوعك من سوريا ويالله يا شطورة ارجعى نزلى ال3 كيلو اللى تخنتيهم فورا والا ........... ولا بلاش الطيب أحسن
باقى الحلوات الرشيقات شدوا حيلكم واتجدعنوا كده ومنتظرة نتايجكم يوم الجمعه باذن الله