أم جوجو حبيبتى
تصدقى كنت هأزعل قوى لو طردتينى من نادى الرشيقات وطلعتى شهادة تخرجى بدرى
وبعدين خدى بالك انا لما أوصل لهدفى النهائى باذن الله اللى هو 45 كيلو لازم تعملى لى شهادة تخرج وحفله كبيرة هنا كمان والا مش متخرجه وهأفضل أعمل رجيم لحد ما أختفى وأبقى خيال مآته
أنا طبعا متحمسة جدا جدا وهأنزل لنا جدول الرجيم حالا واللى حابه تمشى عليه كان بها واللى حابة تمشى على اى نظام تانى من الموجودين منذ بداية الموضوع ما فيش مشكله
أهم حاجة ان اللى تبدأ برجيم ما تلخبطهوش ابدا ولا تزود عليه ولا تقلل منه وكمان مهم جدا الالتزام بالخطوط العريضه لنا كلنا وهى:
1- شرب 3 ليترات من الماء ( ولا يحتسب الشاى والعصير ضمنهم) يوميا
2- من نصف ساعة الى ساعه مشى يوميا
3- سعادة وتفاؤل (لا للاكتئاب)
4- نوم من 6 الى 8 ساعات يوميا متصل وليس متقطع
عدم الافراط فى تناول المسكنات مثل البروفين والبنادول دون حاجة لأنها تزيد من الوزن وعدم الافراط فى استخدام الملح
مع تمنياتى للجميع بالصحة والرشاقة