منتدى عالم الأسرة والمجتمع - عرض مشاركة واحدة - معاً نحو الرشاقة ....الجزء الثاني (2)

11-01-2010, 12:13 PM

sa33

قلب المنتدى النابض

تاريخ التسجيل: Aug 2003

المشاركات: 2,588

السلام عليكم ورحمة الله وبركاته
والله انا فرحانه جدا انى أخيرا دخلت على الموضوع لقيت الناس بدأت تصحى وتتشجع من تانى
وبهذه المناسبه اود ان اوجه نداء عاجل للأخوات الغربة مرة و باريسا وهدوء المشاعر ووردهوأم لؤى وفلافل وووووووووووووووووووووووووووالخ
للدخول مرة أخرى ومتابعة الموضوع واخبارنا بآخر تطوراتهم مع الرشاقه
وأبدأ توجيه كلامى لأختى العزيزة جدا دودىالف حمدا لله على السلامة وأنا بجد مبسوطه انك قضيتى وقت كويس لأنى كنت قلقانه عليكى بعد حادثة سيول جده ربنا يديم عليكى الفرح والسعاده ويرزقك بالرشاقه وبالخلف الصالح يارب
وخلاص وعد بالنسبة لموضوع الأكل أنا ماعدتش هأرم حاجه ولو انك ما فهمتيش الموضوع صح قوى أنا يا حبيبتى مش بأرمى الأكل المتبقى مكاننا ولا حاجه انا بأتكلم انى مثلا لو عامله كيكة لذيذه يمى يمى وانتى بقى عارفه عاميل اختك ام عمار تجنن فبأبقى مش قادره احوش نفسى عن انى آخذ قطعة منها وأذوقها زى غيرى ولكن انا بقى ملتزمة بالرجيم وفى نصف الاسبوع وما ينفعش فأعمل ايه خصوصا وانا ضعيفة جدا قدام الحلويات يعنى لو بدأت بقطعه والله ما هأمسك نفسى الا واأنا قاضيه على الصينيه كلها فاللى بأعمله انى بآخذ قطعه زى بتاعه ابنى وجوزى مثلا وبدل ما آكلها وابتلعها بآكلها وأمضغها كويس جدا وأستمتع بكامل مذاقها فى فمى وفقط عند مرحلة البلع أحول مسارها بدل ما تروح على معدتى وتنزل فى جسمى فتتخزن هنا ولا هنا وأبقى محتاجه ساعات من الرياضة وأيام من الرجيم والحرمان للتخلص من آثارها المدمرة على جسمى أقوم احول مسارها للزباله وبكده ما أحسش بالندم لأنى بلعتها ولا أحس بالحرمان فى نفس الوقت
أنا مش بأعمل كده طول الوقت يعنى بس لما تجينى هفة الحلويات بس

أختى اسلام أهلا بيكى وأنا تحت امرك زى ما وعدتك
انا شدنى فى كلامك حاجتين مهمين
أولا انك ممكن تقعدى طول اليوم على حتة خبز وكوب شاى ودى أول وأهم غلطه انتى بتعمليها
انتى لازم تعرفى انك علشان تخسى لازم تأكلى طول اليوم وبشكل منتظم والا ففعلا لن تخسى لماذا؟
لأن جسمك علشان يحرق لازم تدخلى له اكل يحرقه فيزيد معدل الأيض اللى هو الحرق فى جسمك وبكده تحرقى الدهون المختزنه
يبقى اولا لابد من تغيير نمط غذائك ولتكن لديكى ثلاث وجبات اساسيه ووجبتين سناك ما بينهم
وتانى حاجه مهمة هى نوعية الوجبات دى
كثرى جدا من الخضار النيئة والسلطة والخضروات الورقيه لأنها تشبع ولا تزود فى الوزن
وكلى ثلاث ثمرات من الفاكهه يوميا ماعدا الموز والمانجو والبلح والتين والمشمش والعنب
وتناولى ثلاث ليترات من الماء الصافى يوميا اى الماء وليس الشاى او العصير فهذا ليس ماءا
وأفضل وقت لشرب الماء هو قبل الأكل بساعه او بعد اللأكل بساعتين
وداومى على ممارسة الرياضه يوميا وهذه هى تانى نقطه هامة حبيت اوضحها لك
الرياضه مش معناها انك تمشى كثير كده طول اليوم بشكل غير منظم لأ ابدا
الرياضه هى لازم تكون اكثر من نصف ساعة متواصله من المشى السريع مثلا او تمارين الأيروبكس او حتى الرقص ولكن بشر ان تكون متواصله اى بلا اى انقطاع لأى سبب
لأنك لما تعملى اى رياضه اقل من نصف ساعه فده بيحرق سكر الدم وليس الدهون المخزنة فى الجسم وبالتالى تحسى بالجوع وتأكلى فيزداد وزنك اما الرياضه المنتظمة لأكثر من نصف ساعه فتستهدف حرق الدهون المخزنة وتخليص الجسم منها
كمان لازم تنامى بدرى وتصحى بدرى لأن ربنا خلق جسمنا يحرق بالنهار وينمو بالليل فالمخ ينمو خلال فترة نومنا ليلا فنصبح مركزين وفايقين والجسم ليلا لا يحرق ويبدأ عملية الحرق نهارا فلا يجب ان نضيع ساعتا النهار الثمينة فى النوم فنقلل من معدلات الحرق بجسمنا
ويجب ان يكون النوم من ست الى ثمانى ساعات متواصله
آخر وصفة للرشاقه اليوم هى الا تتوترى
فقد ثبت علميا ان الانسان لما يتوتر جسمة يفرز ماده اسمها الكورتيزول وهى ماده تساعد على تخزين الدهون بمنطقة البطن والأرداف
فيجب عليكى التخفيف من التوتر والضيق والكآبة بأى طريقة
أختى لى معكى الكثير من النصائح الأخرى على شرط ان تبدأى بتطبيق هذه النصائح اولا وعلى مدى شهر كامل ثم تخبرينى بالنتيجة
أما عن الرجيم فراجعى موضوعنا من الأول وستجدى الكثير من الرجيمات وسوف انزل لكى رجيم مخصوص قريبا جدا وكمان وصفات الطبخ بتاعه كل وجبة ولكن لابد من ان تشترى ميزان مطبخ ديجيتال بالجرامات لأن كل وصفاتى محسوبة بالجرام حتى أستطيع احصاء السعرات الحرارية بها
ولكن عذرا لا تتعجلينى لأن الكمبيوتر بتاعى بايظ وأدخل من كمبيوتر زوجى فى وقت محدود جدا ولهذا لا اكون متواجده كثيرا
اتمنى لكى كل التوفيق
أختنا سمو الأميرة وأحلى اميرة فى منتدانا اهلا بكى معنا عضوة جديده فى نادى الرشاقه واى استفسار انا بالخدمة وربنا يوفقك

__________________

http://www.66n.com/forums/showthread.php?t=194675