لاعداد الكوسة بالباشميل ( هذه الكمية تكفيكى وحدك)
500 جرام كوسة
20 جرام دقيق ابيض
100 مللى حليب خالى الدسم
10 جرام جبنة رومى مبشورة
بياض بيضة
بصلة كبيرة
125 جرام لحم مفروم بدون دهن
2 فص ثوم
ملح وفلفل
للبشاميل
نضع الدقيق على النار الهادئة جدا ونحمسه بدون اى دهون الى ان يشقر ننزل علية بالحليب ولو كان جامد قوى يبقى تخففيه بشوية ماء وتقلبى كويس وبعدين تطفى النار وتضيفى الجبن المبشور وبياض البيضة
لعمل العصاج: تبشرى البصله ناعم وتفرمى الثومة وتضعيهم مع اللحم وعلى نار هادئة مع الفلفل والملح واى توابل بتحبيها لحد ما اللحم يستوى ويشرب كل ميته ويبقى ناشف ومحمص كده
بعدين تقطعى الكوسه شرائح رفيعه وتحطى عليها شوية ملح وتتركيها ربع ساعه هتنزل الميه الزيادة اللى فيها وبعدين ترصى الشرائح فى طبق فرن وفوقها اللحم وفوق اللحم باقى شرائح الكوسه وفوقهم الباشميل وعلى الفرن عدل لحد ما تستوى الكوسه والصينية تاخد وش من فوق وبالهنا والشفا