معلش يا حبيبتى إتأخرت عليكى بس غصب عنى والله
أولا ربنا يعوضك خير والف حمدا لله على السلامة
أما عن نظامك فهو ممتاز بس فيه بعض الأخطاء البسيطة وهى
أولا السلطة عنصر ضرورى جدا على الأكل وخصوصا فى وجبتى الفطار والغذاء والسلطة أفضل بكثير من الخضروات المطهية
ثانيا العشاء عندك يا ريت لو تدخلى فيه زبادى يوميا (طبعا خالى الدسم) لأنه بيساعد على الهضم وبيحسن جدا من شكل البطن او الكرش يعنى
وآخر حاجه انك ما تتناوليش الفاكهه طول اليوم او فى اى وقت كده انتى ليكى ثمرتين فاكهه فقط ويستحسن ان تتناوليهما فى العشاء مع كوب الزبادى المنزوع الدسم وبذلك هتكونى وفرتى على نفسك وجبة العشاء وإمنعى السفن تماما لا واحده ولا نصف
وسأكتب لكى على رجيم يزيد من معدل حرق السكريات والدهون جدا وينفع فى ثبات الوزن ومتأكده انك لو اتبعتيه كما هو تماما بدون زيادة او حذف هتخسى عليه اتفقنا؟؟؟؟؟؟؟؟؟
الفطار يوميا كوب شاى بحليب خالى الدسم +1 كرواسون او باتيه او فنجان كورن فليكس بحليب خالى الدسم
العشاء اليومى: علبة زبادى خالى الدسم بالفاكهه ( ممكن انتى تقطعى عليها ثمرة فاكهه)
الغذاء:
1- ربع فرخة مشوية او مسلوقة + ربع كيلو بطاطس مسلوقة او فى الفرن+سلطة خضراء
2- ربع كيلو لحمة +ربع كيلو بطاطس مسلوقة او فى الفرن+سلطة خضراء
3- 2 سيخ شيش طاووق( حوالى 8 قطع)+ربع كيلو بطاطس مسلوقة او فى الفرن+سلطة خضراء
4- 2 همبرجر مشوى + ربع كيلو بطاطس مسلوقة او فى الفرن+سلطة خضراء
5- علبة تونه + رغيف سن+ سلطة خضراء+ ربع كيلو بطاطس مسلوقة او فى الفرن
6- 2بيضة أومليت مع عيش الغراب+ رغيف سن+ طبق سلطة خضراء
أتمنى تجربيه ويفيدك يارب