منتدى عالم الأسرة والمجتمع - عرض مشاركة واحدة - خبز المارغريت بالزعتر الطازج.....من مطبخ الاوزون

12-06-2010, 01:19 AM

الاوزون

قلم مبدع

تاريخ التسجيل: Jun 2007

المشاركات: 2,488

خبز المارغريت بالزعتر الطازج.....من مطبخ الاوزون

يقول المثل ( من طول الغيبات جاب الغنايم

)

انا من المحبين لحوريه المطبخ على قناة فتافيت , وتصفحت وصفاتها في موقع القناه وعجبني خبز الزعتر اللي

سوته وقلت بطبقه , بس واجهتني مشكله من وين اجيب زعتر اخضر طازج وبعد بحث وبحث وبحث

ذكرت اني شفته في الدانوب بس شكله مو نفس الزعتر اللي استخدمته حوريه, ما لنا في الطويله قلت

(الجود من الموجود)

اليوم ماسكه معي الامثال

واخذت الزعتر وبسم الله على المطبخ ,على فكره المميز بالعجينه ان طريقتها

في التحضير مختلفه تماما عن طريقه العجينه اللي متعودين عليها

العجين قسمين القسم الاول

المقادير

ملعقة ونصف الملعقة الكبيرة خميرة الخبز

ملعقة كبيرة سكر

100غ طحين

150 ملل ماء دافئ او 200 ملل

نعجن هذا القسم بالملعقه (مضرب البيض) وتكون سائله شوي زي عجينة القطايف تقريبا

ونغطي العجينه لمدة ربع ساعة ويصير هذا شكلها

بعد كذا نجهز للقسم الثاني

المقادير

400 غ طحين

ملعقة كبيرة ملح

350 ملل ماء دافئ

نضع هذي المقادير ما عدا الماء في العجانه (جربت في مره اني اعجنها بأيدي طلعت العجينه قاسيه بعد

ما تستوي مادري وش السبب بس بالعجانه تطلع روعه)

بعدها نحط القسم الاول عليها زي ما في الصوره

بعدها نشغل العجانه و نضيف الماء شوي شوي الى ان تتماسك العجينه وتكون العجين

تتلصق في اليد شوي

ونحطها في زبديه فيها شويه زيت زيتون وتغطى

ونخليها تخمر من ربع ساعه لنصف ساعة

وقبل هذا الشغل كله نجهز الزعتر نغسله ونخليه الى ان ينشف من الماء ونفرمه بالسكين فرم خشن

ونحط عليه

4 ملاعق كبيرة زيت الزيتون

ربع ملعقة صغيرة ملح

شوية فلفل اسود ونخليه ينقع الى ان تخمر العجينه

بعد ما صارت العجينه جاهزة ناخذها ونحطها في صحن مدهون بزيت زيتون ونفردها باليد ونحط

نصف الحشوة وهي الزعتر المنقوع وانا اضفت من عندي الجبن الابيض مثل ما في الصوره

ونطبقها للنصف

ونفردها مره ثانيه ونحط الجزء الثاني من الحشوة بعدها

نجمعها بشكل اسطوانه تقريبا وتقطعها بالسكين وناخذ كل قطعه ونحاول نكورها

بس نتعامل معاها بلطف

نجهز الصينيه المدهونه بزيت ومرشوشه دقيق ولو في ورق زبده يكون احسن

ونصف الكور وهذا شكلها طبعا تقولوا بزر اللي مسويها

ما علينا اهم شي النتيجه (وحده ترقع

)

واخيرا بعد هالحفله اللي فوق طلع الخبز واااااو لذيذ بالمره ولا يفوتكم

الصراحه يستاهل اننا ندور على الزعتر الطازج

وشوفوا على شان ما ازعل منكم يا شطورات انتظر التطبيق

واذا عجبكم لا تنسوا تدعولي ان الله يرزقني بالذريه الصالحه

ودمتم في حفظ الله

التعديل الأخير تم بواسطة الاوزون ; 12-06-2010 الساعة 01:45 AM