منتدى عالم الأسرة والمجتمع - عرض مشاركة واحدة - استشارات مطبخية اسألوا و نحن نجيب

07-07-2010, 01:50 AM

روح الطير

كبار شخصيات المنتدى

تاريخ التسجيل: May 2005

المشاركات: 12,052

نورا

كيف الإسبيلينج تبع رز ( ليلى ) ؟؟؟؟؟
خليني أسأل عنه بكرة إن شاء الله ..؟؟؟

لإنه من زمان أدور على رز زي اللي في السعودية .. و بأجرب هذه ..

اقتباس:

المشاركة الأصلية كتبت بواسطة noora

الرز اللي من تيسكو ما جربته
بس الحين انا اتغربت من عندكم و نقلت دولة اوروبية ثانية مع زوجي
و مافي محلات كثيير حلال فا بشتري الرز اللي بينباع بكرتون من ابو كيلو زي تبع التيسكو
من محلات الليدل و الالدي ..

بس المهم اني انقعه بالماء مدة نص ساعة مثلا و بيطلع حلووو
اما لو ما نقعته بتطلع الحبة كبيييره مادري ليه ..

تدري إذن نقعتهم في المووية تتكسر ؟؟؟؟ ماقلت لك الرز تبعي يتكسر كمان
كرهت الطبخ من كثر ما تعبني الرز .. زوجي يقوول لو ماعندك دراسة أخليك كل يوم تطبخي لي
و أنا بالقصد ما أطبخ مرات ، لإني أتفشل من نفسي

وشي ثاني .. يمكن كمان انتي مو متعودة على الكهرباء . فعلااا تململ
مو زي الغاز . ماتعرفي الحرارة كفاية و لا تزوديها و لا كيف
اخذت وقت لما اتعود عليه .. لانو طول عمري كان عندنا غاز و الان كهرباء

ايوه هذه وحدة من الأسباب كمان ، كنت أحطها يا مرة عالية يا في النص ..
ما ألعب في الحرارة و أجرب .. أحسبها في الغاز ، جننتني بجد ..

إذا نقلنا بأتشرط أول شئ البوتجاز يكون غاز

يمكن كمان انتي بترفعي الحرارة زيادة فا بينجح الرز بزيادة و يطلع معجن
العبي بالحرارة لغاية ما توصلي للحرارة الكويسة

يبغالي بجدددددد ..

شي اخير .. من نصايح امي .. الطنجرة .. تلعب دور .. لانه الخفيفة بتحرق الاكل او ما بينطبخ كويس فا دايما تنصحني اما بالتيفال .. او بالطنجرة اللي يكون قاعها شوي ثقيل ..

أصلا قدور التيفال عندي بدأت تتقشر ، و شكلي بأجيب غيرها اللي قاعها ثقيل ..
و طبعا ماعندي خبرة في القدور ، فأي قدر كنت أخده وو أستخدمه ..

و استني خبيرات المنتدى عشق عبادي و سحب و مستكة و غيرهم الله يجزاهم الخير اكييد بيفيدوك و يفيدوني كماان

يا شيخة البركة فيك إنت و فيهم .. و يكفي إنك افتتحتي موضوعي